Tal frå politiet.no viser at det har blitt 24 færre politiårsverk i Vest politidistrikt frå juli 2022 til juli 2023. Kan justisministeren opplyse kva tenestestader i Vest politidistrikt som har fått ein reduksjon i politiårsverk det siste året?

Tal frå politiet.no viser at det har blitt 24 færre politiårsverk i Vest politidistrikt frå juli 2022 til juli 2023.
Kan justisministeren opplyse kva tenestestader i Vest politidistrikt som har fått ein reduksjon i politiårsverk det siste året?

Ifølge politiets oppdateringer på politiet.no var det i Vest politidistrikt per. 31.07.2022 totalt 989,1 politiårsverk. Per 31.07.2023 var det 965,1 politiårsverk. Dette tilsvarar 24 færre årsverk sidan juli 2022.

Eg vil streke under at regjeringa prioriterer politiet. Då vi kom i regjering var noko av det første vi gjorde å styrkje politiet med 200 mill. kroner i budsjettet for 2022 utover framlegget frå den tidlegare regjeringa. I budsjettet for i år prioriterer vi å bruke ressursar på betre lokale polititenester og beredskap, og mindre på m.a. sentral administrasjon og konsulentar. I tillegg har regjeringa nettopp fått gjennomført den største prioriteringa av politiet i eit revidert nasjonalt budsjett vi kjenner til, med ein auke på 550 mill. kroner. Auken vil bidra til at politiet kan ha eit høgt bemannings- og aktivitetsnivå, også i Vest politidistrikt, noko som også kan verke inn på dei tala representanten viser til frametter.
Eg tillèt meg å minne om at partiet til representanten, Høgre, i det alternative statsbudsjettet sitt for 2023 foreslo å kutte i politibudsjettet med om lag 379 mill. kroner, eit kutt som også ville gått ut over Vest politidistrikt og tenestestadene der.
Eg kan ikkje gi ut tal for kvar enkelt tenestestad i Vest politidistrikt. Desse tala er underlagt teieplikt etter offentleglova § 13 første ledd, jf. politiregisterlova § 23 anna ledd.
Generelt kan eg opplyse at følgjande tenestestader i Vest politidistrikt har fått reduksjon i politiårsverk i perioden juli 2022 til juli 2023: Bergen lufthamn Flesland politistasjon, Bergen Sør-Vest politistasjon, Bjørnafjorden politistasjon, Florø politistasjon, Gloppen politistasjon, Hardanger politistasjon, Høyanger politistasjon, Kvam politistasjon, Lærdal politistasjon, Nordhordland politistasjon, Stad politistasjon, Voss politistasjon og Øygarden politistasjon.
I perioden 31.07.21 til 31.07.21 har talet på årsverk i politiet auka med 543. Hovudbiletet er altså ein auke i årsverk sidan regjeringsskiftet, men det kan vere lokale variasjonar ut frå m.a. dei prioriteringane politimeisteren gjer i distriktet sitt.