Kva vil næringsministeren gjere for å sikre at eit eventuelt sal av Argentum ikkje fører til tap av arbeidsplassar og svekking av fondsforvaltingsmiljøet i Bergen og på Vestlandet, og kan ho garantere at hovudkontoret framleis skal liggje i Bergen?

Kva vil næringsministeren gjere for å sikre at eit eventuelt sal av Argentum ikkje fører til tap av arbeidsplassar og svekking av fondsforvaltingsmiljøet i Bergen og på Vestlandet, og kan ho garantere at hovudkontoret framleis skal liggje i Bergen?

Eg er bekymra for at Arbeiderpartiregjeringa sitt planlagde sal av Argentum vil svekke det etablerte og kompetente fondsforvaltingsmiljøet i Bergen og på Vestlandet. Argentum har levert god avkastning over tid, og det er uklart kvifor dette salet hastar. For Senterpartiet er det eit mål å byggje sterke fagmiljø også utanfor Oslo, og det er difor viktig å sikre at kompetanse og arbeidsplassar vert verande i Bergen. Eg ber næringsministeren gjere greie for korleis ho vil sikre at Vestlandet ikkje blir tapar i denne prosessen, og om det i det heile tatt er mogeleg å hindre ei slik utvikling dersom regjeringa gjennomfører salet.

Det går fram av eigarskapsmeldinga (Meld. St. 6, 2022–2023) at staten er eigar i Argentum for å oppretthalde eit investeringsselskap, retta mot aktive eigarfond, med hovudkontorfunksjonar i Noreg. Statens mål som eigar er høgast mogleg avkastning over tid innanfor berekraftige rammer.
Staten som eigar kommenterer vanlegvis ikkje spørsmål om eventuelle planlagde eller pågåande transaksjonar.
På generelt grunnlag for den typen transaksjon som spørjaren skildrar når det gjeld Argentum, vil det vere naturleg å be om Stortingets tilslutnad før ei eventuell gjennomføring.