Høyringsuttale til forslag til forskrift om tilfluktsstader
Vedtak
Aukra kommunestyre gir følgjande høyringsuttale til forslag til forskrift om tilfluktsstader:
Aukra kommune støttar målet om å styrkje vernet av sivilbefolkninga gjennom utvikling av tilfluktsstader og andre beredskapstiltak. Kommunen ser positivt på at styresmaktene arbeider med å vidareutvikle den sivile beredskapen og styrkje evna til å verne innbyggjarane i krig og ved alvorlege tryggingshendingar.
Aukra kommune meiner kommunane bør ha ei tydeleg rolle i planlegging, samordning og gjennomføring av lokale beredskapstiltak. Samstundes bør det overordna ansvaret for tilfluktsstader framleis liggje hos staten. Vern av sivilbefolkninga i krig er ei nasjonal oppgåve som krev nasjonal styring, nasjonale prioriteringar og tilstrekkelege statlege ressursar.
Kommunen merkar seg at forskriftsforslaget vil gi utsette kommunar nye oppgåver knytte til kartlegging, vurdering, planlegging og forvaltning av tilfluktsstader. Aukra kommune meiner dei økonomiske og administrative konsekvensane av desse oppgåvene er undervurderte i høyringsnotatet. Dersom kommunane skal påleggjast nye plikter, må desse følgjast av tilstrekkeleg finansiering gjennom øyremerkte midlar eller andre eigna finansieringsordningar. Kommunane bør ikkje forventast å løyse slike oppgåver innanfor eksisterande rammer aleine.
Aukra kommune ber vidare om at forskrifta klargjer ansvarsforholda mellom stat og kommune. Dette gjeld særleg oppgåver knytte til planlegging, etablering og forvaltning av tilfluktsstader. Tydelege ansvarsforhold er avgjerande for å sikre ei effektiv og føreseieleg gjennomføring av regelverket.
Kommunen merkar seg også forslaget om at utsette kommunar kan peike ut private bygg og anlegg som dekningsrom og rekvirere bruksrett til slike eigedomar. Aukra kommune meiner dette er tiltak som krev tydelege reglar for bruk av heimelen, erstatningsordningar og oppfølging av eigarar. Det bør vere føreseielege rammer for både kommunane og dei som blir omfatta av slike vedtak. Aukra kommune er ikkje definert som særleg utsett etter den gjeldande oversikta frå Sivilforsvaret. Samstundes er lista over utsette kommunar ikkje statisk og kan endrast over tid. Kommunen har dessutan energi- og petroleumsinfrastruktur på Nyhamna med stor nasjonal betydning. På denne bakgrunnen meiner kommunen at utviklinga av nasjonale ordningar for vern av sivilbefolkninga er relevant også for kommunar som ikkje er omfatta av forskrifta i dag.
Aukra kommune støttar derfor at også kommunar som ikkje er definerte som særleg utsette kan få høve til å peike ut dekningsrom dersom vilkåra for dette er oppfylte og lokale forhold tilseier eit slikt behov.
Samla sett støttar Aukra kommune føremålet med forskrifta, men meiner at det overordna ansvaret for tilfluktsstader framleis bør vere statleg, og at eventuelle nye kommunale plikter må følgjast av tilstrekkeleg finansiering, rettleiing og avklarte ansvarsforhold.
Kommunedirektøren si tilråding:
Aukra kommunestyre gir følgjande høyringsuttale til forslag til forskrift om tilfluktsstader:
Aukra kommune støttar målet om å styrkje vernet av sivilbefolkninga gjennom utvikling av tilfluktsstader og andre beredskapstiltak. Kommunen ser positivt på at styresmaktene arbeider med å vidareutvikle den sivile beredskapen og styrkje evna til å verne innbyggjarane i krig og ved alvorlege tryggingshendingar.
Aukra kommune meiner kommunane bør ha ei tydeleg rolle i planlegging, samordning og gjennomføring av lokale beredskapstiltak. Samstundes bør det overordna ansvaret for tilfluktsstader framleis liggje hos staten. Vern av sivilbefolkninga i krig er ei nasjonal oppgåve som krev nasjonal styring, nasjonale prioriteringar og tilstrekkelege statlege ressursar.
Kommunen merkar seg at forskriftsforslaget vil gi utsette kommunar nye oppgåver knytte til kartlegging, vurdering, planlegging og forvaltning av tilfluktsstader. Aukra kommune meiner dei økonomiske og administrative konsekvensane av desse oppgåvene er undervurderte i høyringsnotatet. Dersom kommunane skal påleggjast nye plikter, må desse følgjast av tilstrekkeleg finansiering gjennom øyremerkte midlar eller andre eigna finansieringsordningar. Kommunane bør ikkje forventast å løyse slike oppgåver innanfor eksisterande rammer aleine.
Aukra kommune ber vidare om at forskrifta klargjer ansvarsforholda mellom stat og kommune. Dette gjeld særleg oppgåver knytte til planlegging, etablering og forvaltning av tilfluktsstader. Tydelege ansvarsforhold er avgjerande for å sikre ei effektiv og føreseieleg gjennomføring av regelverket.
Kommunen merkar seg også forslaget om at utsette kommunar kan peike ut private bygg og anlegg som dekningsrom og rekvirere bruksrett til slike eigedomar. Aukra kommune meiner dette er tiltak som krev tydelege reglar for bruk av heimelen, erstatningsordningar og oppfølging av eigarar. Det bør vere føreseielege rammer for både kommunane og dei som blir omfatta av slike vedtak. Aukra kommune er ikkje definert som særleg utsett etter den gjeldande oversikta frå Sivilforsvaret. Samstundes er lista over utsette kommunar ikkje statisk og kan endrast over tid. Kommunen har dessutan energi- og petroleumsinfrastruktur på Nyhamna med stor nasjonal betydning. På denne bakgrunnen meiner kommunen at utviklinga av nasjonale ordningar for vern av sivilbefolkninga er relevant også for kommunar som ikkje er omfatta av forskrifta i dag.
Aukra kommune støttar derfor at også kommunar som ikkje er definerte som særleg utsette kan få høve til å peike ut dekningsrom dersom vilkåra for dette er oppfylte og lokale forhold tilseier eit slikt behov.
Samla sett støttar Aukra kommune føremålet med forskrifta, men meiner at det overordna ansvaret for tilfluktsstader framleis bør vere statleg, og at eventuelle nye kommunale plikter må følgjast av tilstrekkeleg finansiering, rettleiing og avklarte ansvarsforhold.
Behandling i møtet
Forslagene og voteringen slik saksprotokollen beskriver dem.
Behandla av Møtedato Saknr
Kommunedirektøren si tilråding
Kommunedirektøren si tilråding vart samrøystes vedtatt
Voteringer
- Kommunedirektøren si tilråding vartVedtatt
Enstemmig vedtatt
Dokumenter
Flere saker fra samme møte
Kommunestyret 10. september 2026.
- 65/26Molde og Romsdal havn IKS - Godkjenning av ny selskapsavtale
- 64/26Prosjekt «Interkommunalt samarbeid Romsdal» – utgreiing av nye og eksisterande samarbeid
- 63/26Oversending av sak til kommunestyret - Forvaltningsrevisjonsrapport - Oppfølging av interkommunalt samarbeid og samarbeidsavtalar i Aukra kommune
- 62/26Gratis bustadtomter på Gossen
- 61/26Endring av retningslinjer for sal av kommunale bustadtomter til private
- 59/26Prosjekt 648127 Tiltak Tverrlia VBA
- 58/26Tilpassingar til fjernvarme i kommunehuset - auka ramme
- 57/26Betre tilpassa uteområde ved Aukraskolane
Siste saker i kommunestyret
- 12. nov. 2026Aukra Næringsforum - frå tidlegare vedtak om tilskot til kjøp av tenester
- 12. nov. 2026Forskrift om rett til langtidsopphald i sjukeheim eller tilsvarande bustad særskilt tilrettelagd for heildøgns tenester i Aukra kommune – sluttbehandling etter offentleg høyring
- 12. nov. 2026Sluttrapport prosjekt 653211 Oppgradering av garderobar brannstasjon
- 12. nov. 2026Val av ny varamedlem i formannskapet
- 12. nov. 2026Val av ny medlem i sogenemnda
- 12. nov. 2026Søknad om fritak frå politisk verv i sogenemnda
Kilde: kommunens møteportal (Tieto Public 360 (OpenGov)), saken hos kommunen ↗, hentet 22. november 2026. Navn med lenke har profil her.