Kan fiskeri- og havministeren garantere at den varsla Havbruksmeldinga vil bli lagt fram for Stortinget i tide til å bli handsama og vedtatt før dagens Storting har sitt siste møte i juni 2025, og vi …

Kan fiskeri- og havministeren garantere at den varsla Havbruksmeldinga vil bli lagt fram for Stortinget i tide til å bli handsama og vedtatt før dagens Storting har sitt siste møte i juni 2025, og vi unngår ytterligare forseinkingar i heilt nødvendige avklaringar om dei framtidige rammevilkåra for norsk havbruksnæring, avklaringar som allereie er langt på overtid og er heilt nødvendige både for konkurransekrafta til norsk havbruksnæring og leverandørnæring, og for betre miljøtilstand og redusert fiskedødelegheit i næringa?

Målet for arbeidet med den kommande meldinga til Stortinget er å gjere ein heilskapleg gjennomgang av systemet for løyve i havbruksnæringa, og å presentere eit system som legg til rette for vidare verdiskaping. På den måten kan vi, som representanten Bjørlo skriv, leggje til rette for næringa, leverandørane, betre miljøtilstand og auka overleving i produksjonen. Eg tek sikte på å leggje fram meldinga til våren.