Kan samferdselministeren forklare kvifor det frå regjeringspartia er hevda og fronta at det er lagt inn 1 milliard kr årleg i planperioden 2025-2030, til fornying og for å kunne ta igjen …

Kan samferdselministeren forklare kvifor det frå regjeringspartia er hevda og fronta at det er lagt inn 1 milliard kr årleg i planperioden 2025-2030, til fornying og for å kunne ta igjen vegvedlikeholdsetterslepet på fylkesvegar, når tabell 13.5 i framlagt NTP viser noko anna, og kvifor er øyremerka tilskudd til blant anna tømmerveg og militær mobilitet for fylkesvegane kutta frå dagens nivå på 0.4 milliard kr årleg til 0.3 milliard kr årleg?

Regjeringa og samferdselministeren har ved fleire høver hevda at det er lagt inn i framlegg til ny NTP ei årleg auke til vedlikeholdsetterslepet for fylkesvegar, med årleg 1 milliard kr i fyrste 6 års perioden.
Derimot viser tabell 13.5 i Nasjonal transportplan 2025-2036 St. melding 14, noko heilt anna, der opprusting og fornying av fylkesvegnettet er 0,8 milliard kr pr år.
Tabellen viser at det i perioden 2025-2030 er lagt inn følgjande til rammetilskudd fylkesveg:
- opprusting og fornying av fylkesvegnettet: 3.0 milliard kr
- ras og skredsikring fylkesveg: 1.1 milliard kr
- kompensasjon forskrift om tunnellsikkerhet: 0.6 milliard kr
- øremerka tilskudd tømmertransport/militær mobilitet: 0.3 milliard kr
Samla sum: 5.0 milliard kr, og ikkje 5.1 milliard kr som står i tabellen frå regjeringa.

Auka på 1 mrd. kr er for heile fylkesvegprioriteringa. Tabell 13.5 på side 184 i Meld. St. 14 (2023–2024) Nasjonal transportplan 2025–2036 viser ei auke frå 4,1 mrd. kr i budsjettet for 2024 til 5,1 mrd. kr i årleg gjennomsnitt snitt i perioden 2025–2030:
Til spørsmålet om dei øyremerka tilskota viser eg til side 184 i meldinga. Regjeringa har for planperioden prioritert desse tre øyremerka tilskota:
- Kritiske bruer for militær mobilitet på fylkesveinettet. Dette er ei ny ordning som vil innebere midlar til 14 identifiserte bruer på fylkesvegnettet i Buskerud, Innlandet, Trøndelag, Troms og Vestland. Regjeringa prioriterer totalt 600 mill. kr til dette i planperioden.
- Utbedring på fylkesveier for tømmertransport. Eksisterande ordning som blir vidareført og er prioritert styrka. Regjeringa prioriterer totalt 480 mill. kr i planperioden.
- Rentekompensasjon for transporttiltak i fylka. Eksisterande ordning er tilskot til fylkeskommunane knytt til tilsegn om rentekompensasjon gitt for åra 2010–2017. Ordninga blir vidareført med eit forventa redusert løyvebehov i planperioden. Dette forklarer kvifor summen for dei øyremerka tilskota går frå 0,4 mrd. kroner i 2024-budsjettet til eit gjennomsnittleg nivå på 0,3 mrd. kroner i perioden 2025–2030.
Dei fleste tala oppgitt i meldinga er avrunda til milliard med ein desimal. Det er grunnen til at det kan vere mindre avvik mellom dei ulike delsummane og totalsummen i tabellane.