Vil statsråden ta initiativ til at det igangsettes undersøkelser av om det er slik at statsstøtte kan ha blitt sendt ut av Norge siden 2019 i perioden frem til menigheten ikke lenger fikk statsstøtte?

Vil statsråden ta initiativ til at det igangsettes undersøkelser av om det er slik at statsstøtte kan ha blitt sendt ut av Norge siden 2019 i perioden frem til menigheten ikke lenger fikk statsstøtte?

Avisen Dagen publiserte nylig en sak som omhandler pengestrømmer ut av Norge og menigheten Jehovas Vitner. Avisen omtaler i saken at 400 millioner har blitt sendt ut av landet siden 2019. Frem til Jehovas vitner mistet statsstøtten fikk menigheten også offentlig støtte til å drive sine trossamfunn. Det betyr at det er mulig at deler av offentlige midler til norske trossamfunn kan ha vært sendt ut av Norge. I saken kan man også lese at det er mangel på åpenhet rundt hvor pengene har tatt veien.

Bakgrunnen for spørsmålet frå representanten Raja er ein avisartikkel som Dagen publiserte 12.mars 2024 om at trussamfunnet Jehovas vitner (JV) har overført 400 millionar kroner til utlandet sidan 2019.

Trus- og livssynssamfunn som er registrert etter lov om trus- og livssynssamfunn (trussamfunnslova), som tok til å gjelde 1. januar 2021, kan krevje årlege statstilskot, jf. lova § 5 første ledd. Tilskotet skal nyttast til trus- eller livssynsformål, jf. § 5 andre ledd. Samfunn som får tilskot, skal kvart år sende inn ein rekneskap til statsforvaltar. Rekneskapen skal innehalde ei spesifisert oversikt over trus- eller livssynssamfunnet sine inntekter og utgifter, og vise kva tilskotet er nytta til, jf. lova § 7 tredje ledd og trussamfunnsforskrifta § 13 andre ledd.

JV har førebels ikkje fått noko tilskot etter den nye trussamfunnslova. Krava om tilskot for åra 2021, 2022 og 2023 har anten blitt avslått eller avvist. JV er i dag heller ikkje eit registrert trussamfunn, jf. vedtak 22. desember 2022 frå Statsforvaltaren i Oslo og Viken om avslag på søknad om registrering av JV etter trussamfunnslova. Dermed har JV per i dag ikkje ei plikt til å sende statsforvaltar årsrapport og rekneskap etter reglane i trussamfunnslova og trussamfunnsforskrifta.

Etter den tidlegare trussamfunnslova, lov om trudomssamfunn og ymist anna, var det eit krav at tilskota skulle gå til religiøse formål, og at det skulle sendast inn rekneskap over bruk av tilskota, jf. lova § 19 fjerde ledd. JV fekk statleg og kommunalt tilskot etter denne lova fram til og med tilskotsåret 2020.

Tabellen nedanfor viser kor mykje JV har fått i tilskot etter den tidlegare trussamfunnslova, deira andre inntekter, beløpet dei har gitt i støtte til verksemda i andre land, og eigenkapitalen ifølgje rekneskapane sendt til statsforvaltar for dei fem åra 2016–2020. (Kvart rekneskap er for perioden september til august, dvs. at rekneskapen for 2016 er for perioden september 2015 til august 2016.)

2016 2017 2018 2019 2020
Tilskot 12 636 227 13 643 065 14 258 332 15 431 545 15 611 270
Andre inntekter 103 544 666 60 977 809 71 159 090 97 753 578 82 686 831
Støtte til utland 90 206 559 57 076 787 58 225 889 92 371 501 83 868 739
Eigenkapital 84 229 827 81 670 679 72 957 362 69 478 696 64 087 629

Tala viser for det første at tilskota etter trussamfunnslova utgjorde ein relativt liten del av inntektene. For det andre var dei andre inntektene enn tilskota etter trussamfunnslova, som for det meste bestod av arv og gåver, kvart år klart høgare enn beløpet dei gav i støtte til verksemda i andre land, med unntak av 2020, då støtta til utlandet var litt høgare enn inntektene dei hadde utanom tilskota. Eigenkapitalen har kvart år blitt redusert for å dekke negative årsresultat.

Ut frå rekneskapstala ovanfor er det ikkje grunn til å tru at JV har overført tilskot etter trussamfunnslova til utlandet.

Eg vil dessutan påpeike at JVs rekneskapar for ovannemnde (og tidlegare år) har blitt revidert av statsautorisert eller registrert revisor, og at statsforvaltar kvart år skal ha kontrollert at JV har brukt tilskot i samsvar med trussamfunnslovas forutsetningar.