Vil statsråden sørge for at kommunar som investerer i moderne skyløysingar innanfor it kan føre dette som investering og ikkje drift?

Vil statsråden sørge for at kommunar som investerer i moderne skyløysingar innanfor it kan føre dette som investering og ikkje drift?

Då kommunal- og forvaltningskomiteen besøkte Røros kommune i februar tok kommunen opp at IT investeringar blir bokført på ulikt vis. Investerer man i løysingar i ei sky må denne føres som drift og investerer man i løysingar med fysisk hardware i kommunen kan dette førast som investering. Kommunen etterlyste at forskriften for føring i rekneskapet blir oppdatert slik at moderne investeringar og kan førast som investering og ikkje drift.

Budsjett- og rekneskapsforskrifta for kommunane (forskrift 7.6.2019 nr. 714) § 2-2 fastset at utgifter til investeringer i anleggsmidler skal førast i investeringsbudsjettet og -rekneskapen. Om utgifta ikkje er ei slik investering i anleggsmiddel, skal utgifta førast i driftsbudsjettet og -rekneskapen.
Anleggsmiddel er eigedeler som er vesentlige og til varig eie, jf. forskrifta § 3-1. Om anskaffinga ikkje oppfyller begge desse to kriteria, er det heller ikkje å rekne som ei investering i anleggsmiddel.
Desse reglane er generelle og gjeld òg for programvare og skyløysingar. Ei anskaffing er berre ei investering for ei kommune dersom anskaffinga er vesentleg og kommunen er eigar. Som for alle anskaffingar, må kommunen òg for programvare og skyløysingar gjere ei konkret vurdering av om anskaffinga oppfyller desse kriteria for å kunne utgiftsføre ho i investeringsbudsjettet og -rekneskapen og føre ho opp i balansen. For programvare og skyløysingar er det typisk eit spørsmål om kommunen oppfyller eigarkravet. Sjølv om kommunen ikkje har eigarrettane, vil eigarkravet likevel kunne være oppfylt dersom kommunen kan reknast som reell eigar. Dette må som nemnt kvile på ei konkret vurdering i kvar einskild sak, innanfor god kommunal rekneskapsskikk.