Kan samferdselsministeren leggje fram ei oversikt over Nye Veier as sin portefølje, ang. oppstarta prosjekt samt planlagte og byggeklare prosjekt samt prosjekt under planlegging, og synleggjere dette …

Kan samferdselsministeren leggje fram ei oversikt over Nye Veier as sin portefølje, ang. oppstarta prosjekt samt planlagte og byggeklare prosjekt samt prosjekt under planlegging, og synleggjere dette opp mot tildelt ramme for 2024, der ein viser kva prosjekt Nye veier as vil starte eller fortsette å bygge i 2024?

Nye Veier as har ein betydelig portefølje landet rundt, med planlagte og igangsatte prosjekt. Nye Veier as blir sjølvsagt utfordra av den store prisveksten som også for dei fører til begrensningar for prosjekt for den ramma som er tildelt årleg.
For budsjett 2024 har regjeringa auka overføringane noko til Nye Veier as, men kostnadane for dei ulike prosjekta har også auka betydeleg.

For ein oversikt over Nye Veiers portefølje vises det til selskapet sin kvartalsrapport for andre kvartal 2023, side 14 og 15, jf. vedlegg. Oversikta på side 14 viser kva for fase dei ulike strekningane/prosjekta er i.
I Prop. 1 S (2023–2024) for Samferdselsdepartementet er det under kap. 1321 Nye Veier AS lista opp prosjekt som er under planlegging og i gang under Nye Veier AS, samt en liste over prosjekt som Nye Veier foreløpig har lagt opp til anleggsstart i 2024.
I 2024 har selskapet foreløpig lagt opp til anleggsstart for prosjekta:

- E6 Berkåk–Vindåsliene (delprosjekt på E6 Nedgård (Ulsberg)–Melhus) i Trøndelag
- E6 Roterud–Storhove (delprosjekt på E6 Moelv–Øyer) i Innlandet
- utbetringstiltaket Djupevik–Kviturtunnelen på rv. 13 Skare–Sogndal i Rogaland og Vestland
- utbetringstiltaka Stuguflåten–Raudstøl og Veblungsnes på E136 Dombås–Vestnes i Innlandet og Møre og Romsdal.

I tillegg vil selskapet fortsette med utbyggingsaktivitet på prosjekta:

- E6 Kvænangsfjellet i Troms
- E6 Kvithammer–Åsen (delprosjekt på E6 Ranheim–Åsen) i Trøndelag
- E6 Ranheim–Værnes (delprosjekt på E6 Ranheim–Åsen) i Trøndelag
- E18 Langangen–Rugtvedt (delprosjekt på E18 Langangen–Bamble) i Telemark
- E39 Herdal–Røyskår (delprosjekt på E39 Kristiansand vest–Lyngdal vest) i Agder
- E6 Storhove–Øyer (delprosjekt på E6 Moelv–Øyer) i Innlandet