Kan samferdselsministeren legge fram Statens vegvesenet region vest sitt opprinnelege berekningsgrunnlag for fjordkryssingsalternativet for Romsdalsfjorden-"Romsdalsaksen", før dette vart omgjort av Statens vegvesen region midt?

Kan samferdselsministeren legge fram Statens vegvesenet region vest sitt opprinnelege berekningsgrunnlag for fjordkryssingsalternativet for Romsdalsfjorden-"Romsdalsaksen", før dette vart omgjort av Statens vegvesen region midt?

Selskapet som arbeidar for alternativet for E39/kryssing av Romsdalsfjorden, Romsdalsaksen as har tidligare fått avslag på innsyn i Statens vegvesen region vest sin berekningar av alternativet til Møreaksen for kryssing av Romsdalsfjorden.
Det kan derimot tyde på at det Statens vegvesen region vest hadde som kostnadsgrunnlag for Romsdalsaksen, ikkje er i samsavar med det Statens vegvesen region midt la fram som endeleg samanlikningsgrunnlag.
Det er av stor interesse for alle at dei faktiske forhold kjem fram ang. alternativet Romsdalsaksen, og at grunnlaget som Statens vegvesen region vest sitt grunnlag blir offentliggjort i sin opprinnelege versjon.

Representanten Sve har i spørsmål 2056 bedt om innsyn i interne grunnlag i Statens vegvesen som låg til grunn for utgreiinga «E39 Ålesund-Molde – vurdering av alternativ for kryssing av Romsdalsfjorden» frå desember 2019. Eg oppfattar at dette spørsmålet går på delar av dei same opplysningane.
Statens vegvesen har vurdert at einingsprisane som var nytta i utgreiinga ikkje er offentlege, jf. offentleglova § 23 1. ledd. Statens vegvesen har vurdert meirinnsyn, jf. offentleglova § 11. Resten av grunnlaget for utgreiinga er offentleg og har vore omtala i media. Sjølve utgreiinga er også offentleg og er tilgjengeleg på vegvesen.no.