Vil kulturministeren sørge for at regelverket blir endra slik at idrettshallar og andre offentlege lokale finansiert med spelemidlar kan nyttast til gjennomføring av e-sportarrangement, på linje med andre sports- og idrettsarrangement?

Vil kulturministeren sørge for at regelverket blir endra slik at idrettshallar og andre offentlege lokale finansiert med spelemidlar kan nyttast til gjennomføring av e-sportarrangement, på linje med andre sports- og idrettsarrangement?

Vestlandet E-sport er ein paraplyorganisasjon for e-sport på Vestlandet (Møre og Romsdal, Vestland og Rogaland fylke), som har planlagt å gjennomføre eit større e-postarrangement i Florø Idrettssenter i Kinn kommune, eit anlegg som er eigd av Vestland fylkeskommune. Foreninga har no fått avslag på gjennomføring av arrangementet fordi e-sportforeningar ikkje er søknadsgodkjende i spelemiddelordninga, og dermed ikkje kan nytte spelemiddelfinansierte anlegg på line med andre sports- og idrettsorganisasjonar.

E-sportsarrangement er gjennomførleg i idrettsanleg, idrettshaller og andre lokaler som mottek tilskot frå spelemidlar til idrettsformål. Det er derfor ikkje behov for å endre regelverket. Det er og fullt mogleg å søke tilskot frå spelemidlane til aktivitetssalar for e-sport.
Den generelle regelen er at anlegg som er bygget med bidrag frå spelemidlane skal haldast opna for allmenn idrettsleg verksemd. Det er som hovudregel ikkje høve til å inngå bruksavtalar med private fortenestebaserte aktørar eller andre aktørar som sjølv ikkje kan søkja om spelemidlar. Det er likevel opning i regelverket for å gje enkelte unntak som gjeld utlån i ein avgrensa periode og for enkeltarrangement av kortare varigheit.
Anleggseiger må sjølv gjera ei konkret vurdering av kva avgrensa periode og kortare varigheit betyr i kvart enkelt tilfelle. Ved vurderinga må det mellom anna takast omsyn til varigheita av tiltaket, om det gjeld eit enkelt tilfelle eller om det er eit gjentakande tiltak, kor ofte tiltaket gjennomførast og tidspunkt for tiltaket og om det er i høgsesong eller utanfor sesong for kjerneverksemda ved anlegget.
I den pågåande gjennomgangen av spelemiddelordninga til idrettsanlegg vil det vurderast å ytterlegare tydelegjere innhaldet i desse unntaka.