Kan samferdselsministeren forklare kvifor Statens vegvesen region midt har forsøkt å framstille kostnadsnivået på Møreaksen heilt utanfor realismen i kostnadsutviklinga, samanlikna med absolutt alle andre vegprosjekt her i landet?

Kan samferdselsministeren forklare kvifor Statens vegvesen region midt har forsøkt å framstille kostnadsnivået på Møreaksen heilt utanfor realismen i kostnadsutviklinga, samanlikna med absolutt alle andre vegprosjekt her i landet?

I prosjektet Møreaksen har Statens vegvesen i lengre tid framstilt dette prosjektet med totalt urealistiske kostnadsanslag. I resten av anleggsbransjen og i alle andre store vegprosjekt her i landet er kostnadsveksten formidabel. Prosjekt etter prosjekt har fått problem med den store kostnadsveksten medan ein ser ut til å holde på med "eit under" på Møreaksen.
Eit under må det være, når Statens vegvesen region midt har i lengre tid forsøkt å "trylle" vekk milliardane i overskridelsar på dette prosjektet, som sjølvsagt har same kostnadsveksten som sjølvsagt er i tråd med resten av landet sine vegprosjekt.

På oppdrag frå Samferdselsdepartementet og Finansdepartementet har Dovre Group og Transportøkonomisk institutt (TØI) gjort ei ekstern kvalitetssikring (KS2) av E39 Vik-Molde. Det er krav til slik kvalitetssikring for alle statlege investeringsprosjekt med forventa kostnad over 1 milliard kroner.
Kvalitetssikringa skal vere ein kontroll av om grunnlaget for å fremje forslag om godkjenning av prosjektet med kostnadsramme er godt nok. Kvalitetssikringa skal også kartlegge moglege styringsmessige utfordringar i gjennomføringa av prosjektet.
Konsulentane har vurdert at Statens vegvesen sine kostnadsberekningar av prosjektet er gode. Vurderingane er også gjort i 2020-prisnivå for å ikkje få usikkerheit om kostnadsindeksar. Konsulentane har vurdert at styringsramma for prosjektet (P50) bør setjast om lag på same nivå som det Vegvesenet har anbefalt. Kostnadsramma (P85) er vurdert å setjast noko høgre enn anbefalinga frå Vegvesenet grunna at dei har lagt inn noko høgre usikkerheit. Det er ut frå dette semje mellom Dovre Group/TØI og Statens vegvesen om kostnadsnivået i prosjektet.
Frå 2020 har det vore ei stor kostnadsauke i heile bygge- og anleggsbransjen på godt over 20 prosent. Denne kostnadsauken påverkar E39 Vik-Molde på same måte som alle andre vegprosjekt. I tråd med Statens vegvesen sine rutinar for prisjustering av kostnader vil derfor også dette prosjektet prisjusterast etter den faktiske prisveksten i bransjen.