Meiner statsråden etter at høyringa av KU for utvinning av havbotnmineraler er ute, at kunnskapsgrunnlaget er godt nok for å opne for leiting og utvinning av havbotnmineraler?

Meiner statsråden etter at høyringa av KU for utvinning av havbotnmineraler er ute, at kunnskapsgrunnlaget er godt nok for å opne for leiting og utvinning av havbotnmineraler?

Høyringsfristen for KU for konsekvensutredning - undersøkelse og utvinning av havbunnsmineraler på norsk kontinentalsokkel er ute, og det har kome inn ei rekke høyringssvar frå tunge faginstitusjonar som er kritiske til om konskvensutgreiinga er god nok til å fatte vedtak på grunnlag av. Miljødirektoratet seier det rett ut at dei meiner konsekvensutgreiinga ikkje oppfyller krava i havbunnsminerallove § 2-2. NGU kritiserer konsekvensutgreiinga for å vere ubalansert og for lite faktabasert og Polarinstituttet peiker på store kunnskapsmanglar, grunndata status og tilstand for økosystem og artar, ukjent kunnskap om samla virkning , og anbefaler ei føre var tilnærming i tråd med Havpanelet sin uavhengige rapport tilrådde i 2020.

Opningsprosessen for mineralverksemd på norsk kontinentalsokkel har gått føre seg i nærare tre år. Det har vore ein grundig prosess og formålet har vore å få fram eit oppdatert kunnskapsgrunnlag som skal klargjera opningsspørsmålet. For utarbeiding av faggrunnlaget som inngår i konsekvensutgreiinga har relevante statlege etatar, slik som Havforskingsinstituttet, Polarinstituttet, Kystverket og Fiskeridirektoratet og leiande kunnskapsmiljø i Noreg utarbeidd grunnlagsrapportar og verknadsstudiar om ei rekkje tema som er relevante for vurdering av opning.
Konsekvensutgreiinga og utkast til avgjerd om opning av område på norsk kontinentalsokkel for mineralverksemd har vore på tre månaders offentleg høyring. Det er viktig med brei involvering slik at interessentar kan komma med kommentarane sine, men det er også viktig som ei kvalitetssikring av faggrunnlaget. Vi er no i gang med å gå gjennom høyringsinnspela og vil vurdera innhaldet i desse.  
Regjeringa tek sikte på å legge fram ei melding til Stortinget om opning av område på norsk kontinentalsokkel for mineralverksemd våren 2023.