Kan samferdselsministeren bekrefte at Nye Veier as, startar opp med bygging og gjennomføring av prosjekt langs E-136 i Møre og Romsdal i 2023?

Kan samferdselsministeren bekrefte at Nye Veier as, startar opp med bygging og gjennomføring av prosjekt langs E-136 i Møre og Romsdal i 2023?

I statsbudsjettframlegget frå regjeringa er det lagt inn kutt i løyvingane til Nye Veier as.
Vidare er det utfordringar også hos Nye Veier as gjeldande den kraftige kostnads og prisauken som er i bransjen som også utfordrar kva som kan gjennomførast i praksis.
Regjeringa har vist til at ein skal sette igang prosjekt på E-136 Romsdalen i Møre og Romsdal i 2023.

Eg viser til brev om endra føresetnader frå Prop. 1 S (2022-2023) for Samferdselsdepartementet datert 29. november. Ny informasjon om pris- og kostnadsutvikling i Nye Veier AS’ portefølje medfører at selskapet sin likviditet for 2023 vil vere bunde opp i prosjekt der selskapet har inngått bindande kontraktar. Ved Stortingets behandling av Prop. 1 S for 2022 blei Samferdselsdepartementet gitt fullmakt til å forplikte staten for ei ramme på 23,6 mrd. 2022-kroner, med ei ramme for årleg forfall på 5,9 mrd. kroner. Denne ramma blir berekna av selskapet no å vere fullt utnytta for perioden 2023–2026. Det betyr at Nye Veier AS, slik det ser ut no, sannsynlegvis ikkje kan starte vesentlege, nye anleggsarbeidar som er omtalt med mogleg oppstart, deriblant E136 i Møre og Romsdal, i 2023.