Kan samferdselsministeren leggje fram ei oversikt over kva som er nytta av budsjettmidlar for vegutbygging innan samferdselsbudsjettet så langt i år, og stipulert kva som kjem til å bli brukt i løpet av 2022?

Kan samferdselsministeren leggje fram ei oversikt over kva som er nytta av budsjettmidlar for vegutbygging innan samferdselsbudsjettet så langt i år, og stipulert kva som kjem til å bli brukt i løpet av 2022?

Transport, bygg og anleggsbransjen er i ein svært krevjandes situasjon, med skyhøge drivstoffutgifter og byggekostnadar generelt.
Regjeringa har signalisert kutt i vegbygging, og har også signalisert vidare nedeskalering av større vegprosjekt. Dette vil måtte bety mindre oppdrag for næringslivet med fare for konkursar og nedbemanning. Dette kjem på toppen av den krevjande situasjonen transport, bygg og anleggsbransjen har frå før.

Den 15. juni i år publiserte Statens vegvesen sin fyrste tertialrapport for 2022, der regnskapstal fram til 30. april går fram. Fram til 30. april hadde Statens vegvesen brukt om lag 3,2 mrd. kr til riksveginvesteringar. Prognosen for forbruk ved utgangen av 2022 er om lag 13,1 mrd. kr. I tillegg hadde Statens vegvesen 30. april brukt om lag 1,9 mrd. kr til drift og vedlikehald av riksvegar, som i hovudsak går til å dekkje entreprenørutgifter. Prognosen for forbruk til drift og vedlikehald ved utgangen av 2022 er om lag 8,7 mrd. kr.
Statens vegvesen har og meldt at etaten fram til 30. april hadde brukt om lag 250 mill. kr i eksterne midlar (som i hovudsak er bompengar), medan prognosen for forbruk ved utgangen av 2022 er om lag 3,9 mrd. kr.
Nye Veier AS har meldt at selskapet fram til 30. april hadde eit forbruk på om lag 1,8 mrd. kr. Nye Veier AS prognostiserer eit forbruk på om lag 11 mrd. kr ved utgangen av 2022. Av dette er om lag 5 mrd. kr bompengefinansiering. Tala omfattar utgifter til planlegging, drift og vedlikehald og investering.
Utgiftene til gjennomføring av dei store vegprosjekta under hhv. Statens vegvesen og Nye Veier AS følgjer i hovudsak framdrifta i dei enkelte prosjekta.