Kan ministeren gi ein oversikt pr. fylke av etterslepet på spelemidlar?

Kan ministeren gi ein oversikt pr. fylke av etterslepet på spelemidlar?

Det er litt uklart kva representanten spør om sidan spelemidlar blir fordelte etter eit breitt spekter av kriterium og til ulike organisasjonar, tiltak, lag og foreiningar og så vidare. Eg går likevel ut frå at det her blir spurt om den delen av spelemidlane som handlar om søknader til anlegg for idrett og fysisk aktivitet, og som blir fordelt gjennom tildeling til fylkeskommunane.

Som representanten kanskje er kjend med, er fylkeskommunane midt oppe i behandlinga av søknadane for i år. Svaret mitt tar derfor utgangspunkt i tal frå fordelinga gjord i 2021.

Det er over mange år søkt om meir i spelemidlar enn det er pengar til fordeling. Differansen mellom søknadssum og tildelte midlar, inkl. renter og inndregne midlar, låg i 2013 på om lag
2,25 milliarder kroner og i 2021 på om lag 4,4 milliardar kroner.

Differansen per fylke såg i 2021 slik ut:
Agder 246 989 000
Innlandet 333 490 000
Møre og Romsdal 283 604 000
Nordland 338 639 000
Oslo 16 059 000
Rogaland 476 313 000
Troms og Finnmark 237 577 000
Trøndelag 559 709 500
Vestfold og Telemark 261 848 000
Vestland 741 695 000
Viken 901 063 000
Sum 4 396 986 500