Kva er dei økonomiske konsekvensane for norsk næringsliv av ikkje å gjennomføre EU si offentleggjeringsforordning og EU si taksonomiforordning i norsk rett hausten 2021?

Kva er dei økonomiske konsekvensane for norsk næringsliv av ikkje å gjennomføre EU si offentleggjeringsforordning og EU si taksonomiforordning i norsk rett hausten 2021?

Solberg-regjeringa la før sommaren 2021 fram Prop. 208 LS (2020–2021) «Lov om offentliggjøring av bærekraftsinformasjon i finanssektoren og et rammeverk for bærekraftige investeringer og samtykke til deltagelse i en beslutning i EØS-komiteen om innlemmelse i EØS-avtalen av forordning (EU) 2019/2088 og forordning (EU) 2020/852».
Den nye regjeringa har, så langt eg er kjend med, enno ikkje offentleg tatt stilling til dei to forordningane. Om saka trekkast av den nye regjeringa vil konsekvensane for norsk næringsliv vere alvorlege, fordi dei då ligg etter konkurrentar i resten av Europa.

Statsministeren har i brev 8. november til Stortingets presidentskap gjort greie for regjeringa sine anbefalingar med omsyn til proposisjonar og meldingar som er overrekt eller referert i Stortinget i førre valperiode. I brevet anbefaler regjeringa at Prop. 208 LS (2020–2021) vert behandla av Stortinget. Arbeidet med å leggje til rette for at finanssektoren kanaliserer kapital til berekraftige prosjekter og aktivitetar, er eit viktig tiltak for å medverke til den naudsynte omstillinga av økonomien i åra framover.