Kan statsråden opplyse om hvor mange mottakere av arbeidsavklaringspenger som har gått og vil gå til maksimal stønadsperiode i hhv. hver av ukene 39-52 og i september, oktober, november og desember?

Kan statsråden opplyse om hvor mange mottakere av arbeidsavklaringspenger som har gått og vil gå til maksimal stønadsperiode i hhv. hver av ukene 39-52 og i september, oktober, november og desember?

Talet på mottakarar som vil kunne nå maksimal stønadsperiode vil avhenge av når tala blir henta ut. Den siste tida har etaten prioritert saker som er nær maksimal stønadsperiode, fleire har blitt avklart og talet i denne gruppa er vesentleg redusert.
Arbeids- og velferdsdirektoratet opplyser at tal pr. 4. oktober viste at om lag 1 500 personer nådde maksimal ordinær stønadsperiode 30. september utan å ha eit nytt vedtak om arbeidsavklaringspenger (AAP). I denne gruppa kan det vere personer som framleis kan få:
- Stønadsperioda forlenga etter regelverket for unntak (§ 11-12, 2. ledd)
- AAP som arbeidssøkjar (§ 11-17) eller AAP under handsaming av krav om uføretrygd (§ 11-18)
Gruppa inkluderer også personer som har rett til ein anna ytelse (eks. tiltakspenger, kvalifiseringsstønad eller økonomisk sosialhjelp).
Tal frå Arbeids- og velferdsdirektoratet pr. 11. oktober viser følgjande utvikling per veke over talet på personer som vil kunne nå maksimal, ordinær stønadsperiode på 3 (4) år:
Veke Utløp av ordinær, maksimal periode
40 269
41 310
42 330
43 336
44 415
45 424
46 349
47 407
48 433
49 434
50 447
51 452
52 286

Kor mange som faktisk vil nå maksimal stønadsperiode vil avhenge av kor raskt dei blir avklart eller om dei har stans i stønaden som vil gi ein seinare maksdato. Mange av dei som er nær ved å nå maksimal stønadsperiode på 3(4) år vil kunne ha rett til AAP etter vilkåra for unntak i §11-12, eller til AAP etter ein anna lovheimel.
Regjeringa har fremja forslag om å forlenge fleire koronaordninger ut året, mellom anna vil mottakarar av arbeidsavklaringspenger som fekk stønadsperioden forlenga til 30. september 2021 kunne få stønadsperioda forlenga fra 1. oktober til 31. desember 2021. Dei som har mista retten til arbeidsavklaringspenger etter 30. september og fram tiltaket blir sett i verk får brev om at dei må søke om forlenga stønadsperiode. Desse mottakarane vil med forslaget få forlenga rett til arbeidsavklaringspenger fra det tidspunktet dei gjekk ut av ordninga, og dei vil få etterbetalt stønad for denne perioda. Samstundes vil dei som går ut av ordninga i perioda frå 1. oktober og ut året også kunne få stønadsperioda forlenga.