Kor mange fat utgjer det nasjonale beredskapslageret av olje?

Kor mange fat utgjer det nasjonale beredskapslageret av olje?

Det blir vist til statsråd 29. mai 2026 der det går fram at:

«Utenriksdepartementet gis fullmakt til å binde Norge til beredskapstiltak i Det internasjonale energibyrået (IEA) med mandat til å frigjøre opptil 500 000 fat fra norske beredskapslagre over en periode på inntil 180 dager.»

Dagens system for beredskapslagring av drivstoff er heimla i lov om beredskapslagring av petroleumsprodukt og blir regulert av forskrift om beredskapslagring av petroleumsprodukt.
Systemet går ut på at drivstoffselskap som importerer eller produserer 10 000 kubikkmeter eller meir av lagringspliktige produkt i året, må lagre drivstoff tilsvarande 20 dagars innlandsk forbruk. Den nasjonale lagerplikta for 2025/2026 tilsvarer om lag 2,5 millionar fat olje. Det er dei private drivstoffselskapa som er ansvarlege for å halde og finansiere beredskapslagera.
Føremålet med beredskapslagera er å ha produkt tilgjengelege for å dempe fysisk mangel, eller fare for fysisk mangel, på petroleumsprodukt som følgje av alvorlege forstyrringar i oljemarknaden, til dømes gjennom koordinerte aksjoner frå Det internasjonale energibyrået (IEA), slik den som vart vedteken 11. mars 2026.