Kan samferdselsministeren leggje fram ei oversikt over Nye veier as sine årlige økonomiske rammer målt pr år sidan 2021 og fram til i dag, hensyntatt inflasjon og prisvekst for ansvarområdet, samanlikna mot lik kroneverdi?

Kan samferdselsministeren leggje fram ei oversikt over Nye veier as sine årlige økonomiske rammer målt pr år sidan 2021 og fram til i dag, hensyntatt inflasjon og prisvekst for ansvarområdet, samanlikna mot lik kroneverdi?

Nye veier as har fått ansvaret for egenfinansiering av vedlikeholdet og drift av sine egne prosjekter, samt at prisveksten innan transport, bygg og anlegg har auka brutalt dei siste åra.
Dette betyr truleg at den reelle økonomisk ramme Nye veier as har til disposisjon årlig til vegbygging, har gått ned målt mot 2021.

I tråd med føringane frå Prop. 1 S (2015–2016) for Samferdselsdepartementet, lagt fram av dåverande samferdselsminister Ketil Solvik-Olsen frå Frp, og Innst. 13 S (2015–2016) skal Nye Veier ha eit langsiktig løyvingsnivå på 5 mrd. 2016-kroner frå og med statsbudsjettet for 2018. I Nasjonal transportplan 2025–2036 er dette vidareført med eit årleg løyvingsnivå på 6,5 mrd. 2024-kroner. I 2026 er det løyva 6,99 mrd. kr over kap. 1321, post 70 Tilskudd til Nye Veier.
Statsbudsjettet blir prisjustert etter anslag for komande års pris- og lønsvekst. Dette gjeld òg løyvinga til Nye Veier over kap. 1321, post 70. Statistisk sentralbyrås byggekostnadsindeks for veganlegg måler kvartalsvis prisutvikling på innsatsfaktorane til bygging og vedlikehald av veganlegg, og blir publisert i etterkant basert på faktisk målt prisvekst i sektoren. Byggekostnadsindeksen kan over tid vise betydelege svingingar frå år til år, medan løyvingane til post 70 Tilskot til Nye Veier AS har hatt ein årleg stigning.
I samband med revidert statsbudsjett for 2023, jf. Prop. 118 S (2022–2023) Tilleggsbevilgninger og omprioriteringer i statsbudsjettet 2023 og Innst. 490 S (2022–2023), blei løyvinga til post 70 Tilskot til Nye Veier AS auka med 130,4 mill. kroner som ein del av ei ekstraordinær løns- og prisjustering av statsbudsjettet som følgje av ein kraftig og uventa oppgang i prisstigninga gjennom 2022 som ikkje blei fanga opp i Prop. 1 S (2022–2023).