Vil ikkje regjeringen gje Kystverket mandat å vurdere heving av vraket U-864?

Vil ikkje regjeringen gje Kystverket mandat å vurdere heving av vraket U-864?

Kystverket har fått i oppdrag fra Nærings- og fiskeridepartementet (NFD) å gjennomføre undersøkelser av vraket etter ubåten U-864 og sjøbunn rundt den. Målet er å redusere usikkerhet knyttet til eventuell heving av kvikksølvlast, oppdraget er ikke å vurdere heving av vraket. Står det på Kystverket sine internettsider om ubåten. I kjølvatnet av Forsvarsmateriell sin rapport tar fleire og fleire til ordet for at risikoen er større med tildekking enn heving av heile ubåten. Det framstår som merkelig at mandatet til Kystverket ikkje er justert slik at heving av heile ubåten også kan vurderes.

Regjeringa er oppteken av å sørgje for ei handtering som gir lågast mogeleg risiko for spreiing av kvikksølvforureining. Vi varsla i budsjettet for 2025 at Kystverket skulle undersøkje om det er mogeleg å hente opp kvikksølv ifrå ubåtvraket. Kystverket er i gong med desse undersøkingane, og har innhenta vurderingar ifrå aktuelle aktørar i forsvarssektoren. Det er betydeleg usemje mellom desse etatane.
Forsvarsmateriell (FMA) skriv i sin rapport at dei meiner det er svært sannsynleg at torpedoar vil detonere ved tildekking. FMA har òg levert ei vurdering av heving av vraket, og konkluderer med at dette alternativet gir minst risiko for spreiing av kvikksølv.
Forsvaret, ved Forsvaret sitt operative hovudkvarter og Minedykkerkommandoen, og Forsvaret sitt forskingsinstitutt meiner at det er lite sannsynleg med detonasjon ved tildekking, og at risikoen for sjølvdetonering er lav.
Regjeringa tar sjølvsagt FMA si vurdering på største alvor, og vil ikkje gjennomføre tiltak som medfører høg risiko for detonering av eksplosiv og spreiing av kvikksølv. På grunn av dei ulike risikovurderingane ifrå etatane i forsvarssektoren har Kystverket gitt FFI i oppdrag å gjennomføre ytterlegare risikovurderingar, mellom anna å gjere grundige berekningar av risiko for detonasjon ved tildekking.
I den vidare prosessen vil vi nå la Kystverket gjennomføre det oppdraget dei har fått og vurdere innspela ifrå etatane i forsvarssektoren. Når Kystverket sin endelege rapport føreligg, vil vi gjennomgå han og komme tilbake til den videre handteringa. Endeleg rapport frå Kystverket vil etter planen vere klar våren 2026.