Kristeleg Folkeparti sitt valprogram for perioden 2003 - 2007:

Kristeleg Folkeparti sitt valprogram for perioden 2003 - 2007:

Kristeleg Folkeparti legg det kristne menneskesynet til grunn for sitt politiske arbeid. Respekten for menneskeverdet, likeverd og likestilling er grunnleggjande.

Politikk og verdier heng uløyseleg saman. I vår tid er det trong for sterk verdimobilisering og refleksjonar omkring viktige verdival som kan bevara og vidareutvikla eit godt og varmt samfunn.

Derfor vil me særleg arbeida for dette:

KrF vil prioritera familien og omsorg.

KrF vil arbeida for at Suldal skal vera ein attraktiv kommune å bu i. Med eit sterkt kommunesenter og livskraftige bygder.

KrF vil oppretthalde grendeskulane på barneskulenivå. Når det gjeld ungdomskulestrukturen, vil KrF leggja vekt på høyringane.

KrF vil arbeida for variasjon og balanse mellom heiltids - og korttidsbarnehage. KrF ynskjer at Suldal kommune og i framtida skal ha rimelege barnehageprisar.

KrF vil framleis kjempa for rusfri livsglede. KrF vil støtte opp om tiltak som førebygger rusproblem. KrF vil jobba for å avgrensa talet på nye skjenkeplassar i framtida. Ettervern må prioriterast.

KrF vil fremja kulturaktivitetar som kan auke livskvaliteten til alle generasjonar og vil støtta arbeidet som frivillige lag og organisasjonar gjer.

Gode kommunikasjonar er viktige for Suldalssamfunnet. KrF vil arbeida for bru over Sandsfjorden, og at riksveg 13 mot nord og sør vert rassikra og opprusta. Ferjene må få utvida seglingstid.

Kommunen treng arbeidsplassar. KrF vil arbeida for tilstrekkeleg næringsareal og ei aktiv næringsutvikling. KrF vil støtta primærnæringane våre og leggja til rette for bustadbygging i heile kommunen. KrF vil prøva å tryggja eksisterande arbeidsplassar. Det er viktig å ta vare på den arbeidsstokken ein har.

KrF vil arbeida for at me nyttar natur og friluftsressurser slik at brukarane får gode naturopplevingar, samstundes som det lokale næringsliv vert styrka. KrF vil medverka til å tilretteleggje egna tur- og friluftsområder.

KrF vil arbeida for at alle som flytter til kommunen skal finna seg vel til rette.