Telemark KrFs Program for fylkestingsperioden 1999-2003

1999-2003

Telemark KrF

Telemark KrFs Program for fylkestingsperioden 1999-2003

Grunnsyn - ansvar - mål:

Kristeleg Folkeparti byggjer sin politikk på dei kristne grunnverdiane som vi finn i Bibelen, i dei ti boda og den evangeliske bodskapen. Desse verdiane kjem til uttrykk gjennom nestekjærleik, forvaltaran-svar, tenesteoppdrag, menneskesyn og livssyn. Vår utfordring og oppgåve er å forme ut eit politisk engasjement i samsvar med dette, slik at medmenneskeleg omsorg skal gjennomsyre vår praktiske politikk.

Det kristne verdigrunnlaget har vore den viktigaste drivkrafta i utvik-linga av demokratiet vårt. Framleis er det ei viktig oppgåve å styrke og byggje ut demokratiet og dei organa det støttar seg på.

Ei slik oppgåve kan berre løysast dersom moralske kvalitetar, som ærlegdom, samarbeidsvilje, ansvarskjensle og toleranse, er tilstades i befolkninga.

Dei nedfelte menneskerettane må gjelde alle innbyggjarane i fylket.

For den generelle politikken viser ein til landsparti-programmet.

Kultur- og miljøutvalet:

Kristeleg Folkeparti går inn for:

- at kultursatsinga i Telemark skal gi innbyggjarane god livskvalitet.

- at vi tar vare på Telemarkskulturen, inkludert kystkulturen, og brukar denne som ein ressurs for turistsatsinga.

- at fylket prioriterer leirstadane, ungdomssentra og kulturbygga til dei frivillige organisasjonane ved tildeling av statlege midlar.

- at kulturbygg som har fleirbruksverdi, f.eks. idrettshall, kino/teater/ konsertsal, symjebasseng osv. blir prioriterte ved tildeling av tippemidlar.

- at den offentlege støtte til barne- og ungdomsorganisasjonar er større pr. medlem enn støtta til organisasjonar der hovudtyngda er vaksne medlemer.

- at ungdom blir prioritert ved tildeling av fylkeskommunale prosjektmidlar.

- at fylkeskommunal støtte til kulturarrangement for barn og unge berre går til alkoholfrie miljø.

- at det blir samarbeidd med kommunar eller andre for å få mest mogleg kultur for pengane.

- at distriktsmusikarordninga, fylkesbiblioteket, museumstenesta, kunstfor-midlinga og Teater Ibsen er prioriterte kulturoppgåver i fylkeskommunen.

- at Lokal Agenda 21 blir følgd opp i fylkesplansamanheng.

Overfor sentrale styresmakter vil vi særleg arbeide for:

- at oppfølging av nasjonale målsetjingar for dei globale klimautfordringane i miljøpolitikken bør skje i samarbeidd med industrien.

- at arbeidsfordelinga på miljøområdet mellom fylkesmannen, fylkeskom-munen og kommunane blir gjennomgått for å fjerne unødvendige dobbel-funksjonar.

Undervisningsutvalet:

Kristeleg Folkeparti går inn for:

- at all ungdom skal få tilbod som er tilpassa evner og utrusting, og høve til å fullføre vidaregåande utdanning.

- at all ungdom blir sikra utdanning som er tilpassa behova for den enkelte, ved å leggje tilrette alternative læringsarenaer.

- at flest mogleg av elevane kan bu heime i utdanningstida utan å få urime-leg lange reiser. Dette betyr at linjer med mange søkjarar, må vere geogra-fisk spreidde.

- at ein syter for ei god geografisk fordeling av andre linjer.

- at Telemark tek vare på eit desentralisert tilbod med vidaregåande skular.

- at det blir samarbeidd med andre fylke om linjer med få søkjarar.

- at linjetilbodet blir tilpassa behova i samfunnet og ønskja frå elevane. Det-te fører til at realfag og IT må styrkjast.

- at kapasiteten i den vidaregåande skulen blir auka gradvis for å gi meir plass til kompetansegivande vaksenopplæring.

- at samarbeid mellom skule og næringsliv blir utvikla vidare for å oppnå kompetanseutvikling og nok med lærlingplassar.

- at folkehøgskulane og Kvitsund gymnas får gode arbeidsvilkår.

Overfor sentrale styresmakter vil vi særleg arbeide for:

- at det statlege kravet om utdanningskapasitet blir følgd opp med store nok overføringar til fylkeskommunane.

- at det blir vurdert innføring av bokstipend for elevar i den vidaregåande skulen.

- at elevar med spesielle behov som treng ekstra tid for gjennomføring av vidaregåande utdanning, blir sikra fullt bortebuarstipend for heile perioden.

- at elevane sin påverknad i skulesamfunnet blir sikra.

Helse- og sosialutvalet:

Kristeleg Folkeparti går inn for:

- at førebyggjande arbeidd blir prioritert gjennom ein eigen plan.

- at familierådgjevinga blir prioritert og at det blir gitt støtte til AAN og Kyrkjas SOS.

- at utfordringane i dei nye helselovene blir følgde opp lokalt. Det skal fokuserast på "Pasienten først" og sjukdomsgraden.

- at ambulansetenesta kan fungere raskt og effektivt og med kyndig personale.

- at ein vurderer større fristilling av sjukehusa for å nytte ut kapasiteten best mogleg. Målet må vere å få utført fleire sjukehustenester utan sterk auke i ressursbruken.

- at sjukehusstrukturen i fylket blir ført vidare. Akuttfunksjonen må haldast oppe ved lokalsjukehusa.

- at det regionale helsesamarbeidet byggjer på behova i befolkninga for sjukehustenester. Dette kan føre til nødvendige tilpassingar i fylket vårt.

- at ein fører vidare den auka satsinga innan psykiatritilbodet.

- at fylkeskommunen må halde opp ei god andrelinjeteneste for funksjonshemma barn og vaksne.

- at det blir halde oppe eit desentralisert tannhelsetilbod.

- at behandlingstilbodet for rusmiddelbrukarar blir evaluert og utvida.

- at arbeidet med rusførebygging i vidaregåande skule blir intensivert, og at det blir tatt initiativ til eit nærare samarbeid med grunnskulen.

- at barnevernet blir utvikla vidare for å kunne setje inn tiltak tidlegare.

Overfor sentrale styresmakter vil vi særleg arbeide for:

- at det førebyggjande helsevernet blir utvida.

- at nasjonale satsingar innanfor helsesektoren blir følgde opp med nød-vendige økonomiske midlar.

- at utdanningskapasiteten i Telemark for sjukepleiarar aukar.

- at utdanningskapasiteten for helsepersonell i Noreg aukar.

- at ettervernet i rusomsorga blir auka med statlege midlar.

- at vi får ei tydelegare ansvarsfordeling mellom ulike forvaltingsnivå innan rusomsorgs-behandlinga.

REGIONALUTVALET: SAMFERDSLE

Kristeleg Folkeparti går inn for:

- godt vedlikehald av fylkesvegane. Utbetring av flaskehalsar blir prioritert før ein satsar på nye vegar.

- ved opprusting av fylkesvegar, må det leggjast kost-nytte-vurderingar til grunn for prioriteringa.

- at det førebyggjande trafikksikringsarbeidet blir prioritert. Spesielle ulykkespunkt/strekningar må setjast i stand.

- at skulevegane blir sikra med tanke på mjuke trafikantar.

- at skuletogtilbodet Neslandsvatn-Drangedal-Lunde-Bø blir ført vidare slik at strukturen på den vidaregåande skulen kan haldast oppe.

- at kollektivterminalane i Skien blir samordna.

- at ordninga med ungdomskort blir gjort meir attraktiv.

- at opprusting av RV36 kjem i gang. Strekninga Geiteryggen-Skjelbred-strand får førsteprioritet.

- at innfartsvegen til Kragerø, RV38, og vegen gjennom Siljan, RV32, blir prioriterte for opprusting.

- at det blir sikra gode rabattordningar, spesielt for dei som er avhengige av offentleg kommunikasjon.

Overfor sentrale styresmakter vil vi særleg arbeide for:

- at kollektivtransporten i framtida blir planlagt med tanke på miljøomsyn.

- at Bratsbergbanen kan få nødvendig opprusting og nytt lettbanemateriell. Det offentlege må her vere opne for samarbeid med private om utviklinga av dette tilbodet.

- at nødvendig fornying av skuletogmateriell også blir sett i samanheng med resten av jernbanetilbodet i Telemark.

- at bygging av jernbanetunnel mellom Larvik og Porsgrunn kan kome i gang som fort som råd.

- at planane for samankopling av Vestfoldbanen og Sørlandsbanen blir ført vidare.

- at jernbanen blir halden oppe som eit moderne kommunikasjonsmiddel gjennom indre Telemark.

- at vegadministrasjonen i fylket er fleksibel og tilpassa behovet for å sikre mest mogleg av budsjettmidla til vegbygging.

- at tunnelen på E134 mellom Hjartdal og Seljord blir bygd snarast råd.

- at løyvingane til riksvegane i fylket kan kome på eit slikt nivå at vi kan kome opp på landsgjennomsnittet i riksvegstandard.

- at Grenland blir sentralhamn for Austlandet slik at området blir eit distri-busjonssenter for Austlandet.

- at det ikkje blir lagt statlege hindringar for utvikling av småflyplassar etter utbygginga på Gardermoen.

- at staten må refundere dieselavgifta fullt ut for bussar i kollektiv rutetransport.

Regionalutvalet: NÆRING- OG ARBEIDSLIV

Kristeleg Folkeparti går inn for:

- at ein held fram med dei tidlegare satsingsområda for turisme.

- at drifta av Telemarkskanalen blir halden oppe.

- at det blir lagt opp til eit regionalt samarbeid for utvikling av næringslivet i fylket.

- at entusiastisk ungdom får støtte til etablering av eiga næring.

- at grønsakdyrking og frukt- og bærdyrking blir stimulert.

- at ein oppmuntrar til auka satsing på foredling av frukt og bær i fylket.

- at økologisk landbruk blir sikra gode vilkår.

- at det blir arbeidd for ei meir differensiert industriutvikling i Grenland.

- at ein samarbeider med private forskingssenter for å utvikle forskingsre-sultat til kommersiell næringsutvikling.

Overfor sentrale styresmakter vil vi særleg arbeide for:

- at landbruket i Telemark blir tildelt større mjølkekvotar.

- at tilhøva blir lagde tilrette for større geitehald i Telemark så Haukeli Ysteri kan produsere etter etterspørsel og behov.

- at industrien i Telemark blir sikra nok energi.

- at industrien i Telemark blir sikra nok gass for vidareutvikling.

- at Grenlands miljøprofil blir styrka ved å nytte gass til kollektivtransport og tyngre transport.

- at det blir stimulert til utnytting av kjølevatn frå industrien til oppvarming via fjernanlegg.

Administrasjonsutvalet/Fylkesutvalet:

Kristeleg Folkeparti går inn for:

- at heile organiseringa i fylkeskommunen blir gjennomgått for på sikt å få ein endå meir effektiv organisasjon med tanke på ressursutnyttinga.

- at det blir satsa på HMS-tiltak for m.a. å førebyggje sjukefråværet.

- at det blir kartlagt nye område for samarbeid mellom fylkeskommunar.

- at det blir vurdert om fylkeskommunale oppgåver innafor enkelte område kan setjast ut på konkurranse.

- at det ikkje blir innført parlamentarisme i Telemark fylkeskommune.

Overfor sentrale styresmakter vil vi særleg arbeide for:

- at statlege overføringar står i forhold til dei forventningar som befolkninga har på dei områda som fylkeskommunen har ansvar for.

- at det blir gjort ei klarering av rollefordelinga mellom ulike forvaltingsnivå, og særleg mellom fylkeskommunen og statlege styringsorgan i fylket.

Fylkeslandbruksstyret:

Kristeleg Folkeparti går inn for:

- at det blir ført ein konsesjonspolitikk som i større grad vektlegg busetnad i distrikta.

- at det blir lagt vekt på jordvernomsyn ved arealplanlegging.

- at utmarksressursane i større grad blir knytt opp til næringsgrunnlaget i landbruket.

Overfor sentrale styresmakter vil vi særleg arbeide for:

- at det blir vurdert å selje statleg eigedom for å styrke ressurssvake bruk i distrikta.

- at departementet i større grad lyttar til lokale instansar i konsesjonssaker.

- at odels- og konsesjonslovgivinga blir gjennomgått med tanke på å sikre eit desentralisert bustadsmønster.