Norigs maallags program

Norigs maallags program.

_____

«Det norske maalet skal verta atterreist til einaste riksmaal i landet. Difor krev vi:

I s k u l e v e r k e t.

Det levande folkemaalet i bygd og by maa bli dyrka og halde i ære i alle skular, og det maa det bli halde godt tilsyn med.

Planen um minst eitt landsgymnas i kvart bispedøme, med norsk til upplæringsmaal, maa bli sett i verk so snart raad er, og fyrr det vert reist eller gjeve tilskot til nye høgre aalmenskular med norsk dansk til skulemaal.

Skuleverket maa bli skipa so det vert høve til aa faa full upplæring paa norsk paa alle steg i utdaningi. Serleg gjeld dette fagskulane og statsskulane.

Riksmaktene maa syta for at det kjem ut lærebøker paa norsk i alle fag til alle skular.

I l o v v e r k e t.

Nye lover maa vanleg bli gjevne paa norsk. Fyrst og fremst alle lover som vedkjem jordbruk og bygdestell.

I s t y r i n g s v e r k e t.

Alle offentlege kontor maa etterkvart nytta norsk. Difor maa nye tenestemenner i offentlege verksemder vera fullføre i norsk eller tilpliktast aa gjera seg fullføre innan ein rimeleg fastsett frest.

For lærarar paa offentlege skular, departementsfolk, embetsfolk og andre offentlege tenestmenner som er ukunnige i norsk, maa det vera aarvisse norskmaalsskeid som dei etter tur vert tilplikta aa søkja som vilkaar for avansement.»

=====