Skriv, meldingar, drøftingar, spørsmål og interpellasjonar - kommunestyret 26. mars 2026

Følgjande skriv, meldingar, drøftingar, orienteringar og interpellasjonar vart handsama:

A. Skriv og meldingar

1. Godkjenning av forsøk vertskommunesamarbeid på tvers av kommunale nivå

2. Vedtak - Lovlegkontroll - Sogndal - kommunedirektøren sitt mynde i personalsaker

3. Justerte retningslinjer for tilskotsordninga Fritidskasse

4. Møtebøker frå utvala

5. Notat nye tiltak spelemiddel – lagt til saka 25.03.26

B. Drøftingar

C. Orienteringar

1. Sygnir v/ Bjørn Carlsen

2. Sogn opplæringskontor v/Anne Kauppi

3. Trudvang-prosjektet v/kommunedirektøren og Bjarte Nysæter Svensen

4. Sognatinget 13. april 2026 v/ordføraren

5. Årsrapport 2025 er fullført, vert oversendt revisor og lagt på heimesida.

D. Spørsmål

1. Vibeke Johnsen (Sv):

Sikre full deltaking frå Sogndal kommune i alle styre, råd, representantskap og i møte (td KS-møta). I konstitueringa i starten av perioden valte vi representantar til ulike styre, råd, presensentantskap og som møteutsendingar. Ordførar og varaordførar vart valt til mange av desse verva. Kan vi få ei orientering om status på møtedeltaking til no (har vi hatt full representasjon i alle møta)? Kan vi velje ei varaliste der det er aktuelt, slik at vi sikrar full representasjon frå Sogndal kommune i alle desse fora? Vil ordførar kome attende med ei sak til til kommunestyret med desse vala?

Kommunedirektøren (og ordføraren) svara i møtet.

Det har ikkje vore høve/tid til å finne ut konkret status på møtedeltaking i ulike fora. Generelt kan ein likevel seia at Sogndal kommune stiller godt opp i styre, råd, representantskap og elles som møteutsendingar. Det er likevel mi vurdering at i nokre fora nasjonalt der me er medlemmar og regionale, les KS, så har det vore noko varierande og manglande deltaking. I dei ulike fora i kommunesamarbeidet har kommunen dekka godt opp, men gjerne ikkje følgt opp med dobbel, ev den valde trippel representasjonen. Det at me har varaordførar sjukmeldt har i noko mon påverka, men fungerande varaordførar har dekka godt opp, sjølv om det her, i ein del fora vil vere slik at val i hht regelverk går på namn og ikkje funksjonen, varaordførar, – møterett er ingen problem, men stemmerett vil mangle om ein ser strengt formelt på det. I mange fora er varamedlemmar valt og om det nokre plassar som manglar, jf sjukmelding, så kan me sjå på det, ev gjere supplerings/tilleggsval – men gjerne det er tidsnok å vere obs ved neste konstituering. Det klårt viktigaste slik eg ser det er at valde medlemmar stiller – det er møteplikt – vara er først og fremst når det er snakk om lengre fråver/fritak…. , slik eg ser/vurderar det.

2. Malén Røysum (Sp):

Saften - idretten sine behov Me gler oss til nyopninga av Saften. Dei lokala som allereie er tekne i bruk kan, etter det eg forstår, melde om stor auke i besøket. Vi ser fram til at ein skal få sambruk mellom kommunen sin aktivitet og lag- og organisasjonar. Kan ordføraren orientere om løysingane som kjem, og ikkje minst korleis ein løyser behova for både kantine, kafé og forsamlingslokale for lag- og organisasjonar? Samstundes vil eg minne om idretten sine behov. Brukarane av idrettshallen har denne vinteren vist stort tolmod med mellombelse løysingar, støv og skit frå byggeprosjektet og manglande garderobefacilitetar. Dei ser med glede på at også golvet og lyset i hallen skal få eit etterlengta løft. Dette har vore vedteke i Leikanger kommune, og vore stadfesta både i den politiske saka om utbygginga på Saften, og i kommunestyresakene om prioritering av spelemidlar. Kan ordføraren opplyse om status på denne delen av prosjektet og når idretten og kulturen kan sjå resultatet av eit etterlengta løft av idrettshallen?

Kommunedirektøren svara i møtet.

Saften bygget vil vere godt rigga for sambruk og samhandling. Det er ulike sosiale soner i bygget: Ungdomsklubb, Frivilligsentral, Bibliotek, Diverse sittegrupper i forbindelse med publikumsarealer, Sosial sone v/ kjøkken i 2. etg. Her er møterom som skal kunne lånes ut til lag og foreiningar etter avtale. Kultursalen vil ha kapasitet til både gjennomføring av møteverksemd og andre arrangement etter avtale med kommunen. Det vert arbeidd med digitale løysingar for bestilling og tilgang.

Kantine / Kafé:

Det blir etablert kjøkken i tilknytning til sosial sone i 2. etg. Det dekkar behovet som allereie er på Saften-bygget -frivilligsentral / ungdomsklubb - og så kantine for kommunen sine tilsette. Det vil og kunne brukast til enkel tilbereiding av mat etter avtale med kommunen. Det er teke høgd for fremtidig utviding dersom det blir behov for «storkjøkken».

Idrettshallen:

Tiltak i idrettshallen var ikke del av funksjonsbeskrivelsen og konkurransen som blei lyst ut i forbindelse med Saften-prosjektet. Det var i så måte heller ikkje finansiert i forbindelse med at prosjektet ble vedteke gjennomført -kommunestyremøte 19.12.2024. (sak 98/2024) Det blei likevel gjennomført konkrete tiltak for å sjå på muligheter for å gjennomføra tiltak som del av prosjektet, herunder:

-innhenta ekstern vurdering av teknisk tilstand på idrettsgulvet- byta dekke/ev slipe golvet, dette som grunnlag for søknad om spelemidlar utarbeida prisestimat for skifte av idrettsgolv – 4-5 mill ?, det og som grunnlag for søknad om spelemidler, her er og noko formalia i høve ein slik søknad. Det blei med bakgrunn i samla risiko i Saften-prosjektet vurdert at det ikkje var noko midlar tilgjengeleg i prosjektet til dette tiltaket og dermed heller ikkje bestilt. Dekke ev nytt dekke og anna oppgradering i hallen må løysast i eit eige prosjekt.

3. Rune Haug (Frp):

Saften på Leikanger Korleis er økonominen henhold til vedteke budsjett ?

Kommunedirektøren svara i møtet.

Økonomien er stram, men under kontroll. Det har i prosjektet kome til mykje ekstra, uføresett – det måtte ein rekne med i eit slikt bygg, mykje av det søkt og bygt med andre krav og reglar. På tampen har det kome opp ei drøfting omkring krav til brannsikring, ei sak som må følgjast opp med dei tiltak som krevst, og som ev vil vere ein hovudgrunn til at byggebudsjettet vil få ei mindre overskriding.

4. Knut Henning Grepstad (Ap):

Rapport: Sogndal kommune: Designdrevet innovasjon i praksis.

Med grunnlag i tidlegare rapport "Sogndal, en selvledende kommune" på dansk ligg det no føre ein norsk rapport. Gir rapporten nokon form for oppfølging frå administrasjonen si side? Kan rapporten gjerast kjend for kommunestyret sine medlemmar?

Kommunedirektøren svara i møtet.

Saka dreiar seg om omstillings- og endringsarbeidet, organisasjonsutvikling bygt på tillitsreforma som ein har arbeidd med i 2024 og 2025.Kommunedirektøren kjenner saka etter å ha scrolla i ei dansk utgåve av rapporten. Administrasjonen har hatt sine merknader og korreksjonar til det som der er skreve, men har ikkje nådd fram i dialogen med korrigeringar. Me korrigerar og befestar kursen i omstillingsarbeidet i lag med tillitsvalde og me finn grunn til å følgja opp med informasjon internt. Rapporten kan me gjere kjend for kommunestyret sine medlemmar og gjerne då med ein administrative kommentar, me vil og informere tilsette, ev via intranett.

5.Rita Navarsete (Frp):

Er det sett av pengar til uforutsette hendingar på Saften? Er det noko vi kan ta ned dersom kommunen ikkje har nok pengar til å gjennomføre som planlagt?

Kommunedirektøren svara i møtet.

Byggebudsjettet på Saften er/var godt rigga med budsjettpost til uføresett – det er vanleg og heilt nødvendig i eit slikt ombyggingsprosjekt der det kan vere usikkert kva ein treffer på. Det har vore overraskelsar i Saften -prosjektet – dei har ein funne løysingar på og prosjektet er no kome så langt at det ligg ikkje til rette for å endra/ ta noko ned - om det skulle syne seg at ein kjem litt over byggebudsjettet – no må ein avslutta som planlagt, jf og tidlegare svar.

E. Interpellasjonar

Kommunestyret si handsaming av sak 12/2026 i møte den 26.03.2026:

Handsaming