Skriv, meldingar, drøftingar, orienteringar og spørsmål - kommunestyret 18. desember 2025

Følgjande skriv, meldingar, drøftingar, orienteringar og spørsmål vart handsama:

A. Skriv og meldingar

1. Statsforvaltaren sitt vedtak i lovlegkontroll av kommunestyresak 59/2025.

2. Mobbeombodet i Vestland - Årsmelding 2024-2025

3. Christine Leigh's Reconvalescenthjem - Årsmelding 2025

4. Notat: Digital møteplattform politiske møter

5. Parkeringsgruppa Fjærland – rapport 2025

6. Møteprotokollar utvalsmøte 7.Høyringsfråsegn frå Sogndal kommune på tenestestruktur - Vestland tannhelseteneste 2026 – 2036 - Lagt til saka 16.12.2025

8. Sogn kommunalt oppgåvefellesskap - Protokoll styremøte 09122025 - Lagt til saka 16.12.2025

B. Drøftingar

C. Orienteringar

1. Status arealplanarbeidet v/kommunedirektøren

D. Spørsmål Spørsmåla er svara ut av konstituert kommunedirektør, Jarle Skartun, og svara er markert i kursiv.

Arnstein Hauståker (Ap):

1. Det er særs gledeleg at spaden i sett i jorda og at me no i gang med utbygginga av Trudvang skule. Dette er ein milepæl men også ei stor investering. Med tanke på kor mykje dette kjem til å påverke kommuneøkonomien framover, jamfør budsjettet og økonomiplanen, er det spesielt viktig at kommunen har fullgod kontroll med prosjektet fram til ferdigstilling. Me toler ikkje overskridingar og uventa pengebruk. For å sikre dette må Trudvang-utbygginga ha førsteklasses oppfølging og prosjektstyring. Eg legg til grunn at kommunen alt har sikra dette med eigne tilsette med nødvendige kvalifikasjonar eller med innleigd hjelp. For kostnaden med god kontroll og styring er vel anvende pengar, det vil fort tene seg inn att mange gonger. Med grunnlag i dette har eg følgjande spørsmål:

Korleis er prosjektstyringa og oppfølginga frå kommunen si side i byggeperioden organisert?

Korleis vert rapporteringa frå administrasjonen tilbake til dei politiske organa?

Etter planen rapporterar administrasjonen om prosjektet i forbindelse med handsaming av tertial. Storleik på prosjektet tilseier fast oppfølgingspunkt i Tertialrapportane. Me kan også orientere utanom dette dersom kommunestyret ynskjer det.

Prosjektstyringa i prosjektet er med omsyn til kompleksiteten og storleiken på prosjektet skalert opp. I henhold til utlyst rammeavtale er konsulentar frå Nordplan AS, inne for å fylle rollene som byggherreombod (prosjektleiing/byggeleiar) og SHA-koordinator. I tillegg til dette har ein forlenga avtalane med Envision IT, som de kjenner frå prosjektets fase 1. Desse fungerer på rådgjevande nivå for byggherre, og er i tillegg byggherre/prosjekteigar sine representantar i styringsgruppa. Dei kjenner samspel-modellen vår og alle detaljane i dette prosjektet godt frå fase 1, og skal no sikre god overlevering til aktiv fase. Kommunen er såleis særs godt sikra mtp. prosjektleiing og kompetanse på noverande tidspunkt.

I mars startar nytilsett på prosjektavdelinga med erfaring frå større byggjeprosjekt m.a. frå Bergen. Han vil etter kvart som han er klar til dette overta meir ansvar i prosjektet. Me gjer då løpande vurderingar, og nedskalerer bruk av ekstern støtte dersom me ikkje lenger treng dette.

Styringsstrukturen i prosjektet er slik: (forenkla) Byggherre: Sogndal kommune v/konst.kommunalsjef plan og eigedom, Bente Mossige Ask

Rådgjevande støtte for meg + representantar for meg som byggherre inn i prosjektet (sidan eg ikkje har den kompetansen dette krev): Envision IT

Byggherreombod og SHA(Sikkerheit, Helse, Arbeidsmiljø): Nordplan AS (Aktiv/utøvande overordna leiing i prosjektet, dialog med entreprenør)

Entreprenør: Sogn Samspel AS, dagleg drift i prosjektet i samarbeid med Nordplan.

Bjarte Haugen (V):

2. Spørsmål om parkering på Leikanger:

Har høyrt at det er planlagt parkeringsanlegg i regi av privat aktør. Korleis er dialogen med offentlege etatar på Leikanger? Er det jamnlege møter politisk og administrativt?

Ordføraren svara at ein har jamleg kontakt/møter og ein kan ev og her ta opp parkering som tema.

Knut Henning Grepstad (Ap):

3. Kva er status for ombygging av Saften?

Status for Saften-utbygginga er at arbeidet pågår. Arbeidet går greitt med konstruktivt og godt samarbeid med entreprenør, dog har ombyggingsprosjektet mange endringsmeldingar og gjerne fleire enn pårekna. Det må påreknast ei noko forsinka ferdigstilling ev mai grunna uføresette bygningsmessige tilhøve og bygging av kultursal iht.akustisk forprosjekt. Arbeidet går no etter planen ellers og i samsvar med budsjett. Bygging av kultursal er delfinansiert med tilskotsmidlar og vil medføre ei kostnadsauke på 2 millionar, dette er lagt inn i administrasjonen sitt framlegg til investeringsbudsjett for 2026. I framlegg til økonomiplan for 2026 er det avsett 43 400 000 kr til ferdigstilling av administrasjon-og kulturlokaler på Saften på Leikanger. Det stemmer ikkje at det er gjort ein reduksjon i tal kontorplassar. Kontorarealet vert bygd som aktivitetsbasert kontorplass i tråd med kartlagte behov og i samsvar med mål om å legge til rette for fleksibilitet og god utnytting av areal og kostnadseffektivitet. På ein aktivitetsbasert arbeidsplass reknar ein kring 0,7 arbeidsplass per tilsett. Det er teikna inn rundt 45- 50 plassar på Saften i noverande skisser (møbleringsplan er ikkje ferdig) + stillerom, møterom, kreativ sone og ulike fleks-plassar. Dette vil ivareta behova til kring 70 tilsette som planlagt.

Anna Hamre (Sv):

4. Oppfølgingsspørsmål til Saften-prosjektet:

Spørsmål om kantine, vert den utarbeida slik som planlagt og vedteke? Ordføraren informerte om synfaring og løysingar. Kommunedirektøren lova og ta spørsmålet med tilbake og klargjering via Kommunalsjef.

Ordførar ber om at politikarane sender spørsmåla skriftleg til politisk sekretariat innan kl 09.00 møtedag.

Kommunestyret si handsaming av sak 90/2025 i møte den 18.12.2025:

Handsaming