Budsjett 2026 og økonomiplan 2026 - 2029

1. Budsjett 2026 og økonomiplan 2026-2029 vert vedteke slik det ligg føre og med dei føringar og premissar som går fram av dokumentet med følgjande tillegg:

a. Det vert sett av kr. 1 mill ekstra til vegvedlikehald årleg i økonomiplanperioden 2026-2029

b. Det vert løyvd ein eingongssum i 2026 på kr: 450 000,- i tilskot til Norum skyttarlag/Norane til oppgradering skytehall/gymsal.

c. Budsjettposten til tilskot vert i 2026 auka med kr: 40 000,- i tilskot til Friberg Kino.

d. Budsjettposten til tilskot vert i 2026 auka med kr: 100 000,- i tilskot til Systrond Sogelag -Prosjektet praktbok om Systrondsoga

e. Budsjettposten til tilskot vert i 2026 auka med kr: 150.000 til innkjøp av juledekorasjon i Sogndal sentrum

f. Budsjettposten til tilskot vert i perioden 2027-2029 auka med kr. 75 000,-

g. Kommunestyret løyver kr 50 000 i eingongstilskot i 2026 til Birkeland, Tellvik og Brodahl for utgjeving av «Klatreførar for Sogn og Fjordane – 3. utgåve».

h. Vedtekne tilleggsløyvingar vert finansisert ved bruk av disposisjonsfond. 2026: 1, 79 mill. kr., 2027-2029: 1,075 mill. kr.

i. Sektorramme administrasjon vert redusert med 2,065 millionar kroner i 2026 og 1,205 millionar kroner i 2027. Sluttvederlag knytt til tidlegare kommunedirektør vert løyvd ved avsetjing i Sogndal kommune sitt rekneskap for 2025, jf. pkt. 6.13.

j. Utarbeide kostnaden for å få opp att fontene i Sogndal sentrum. Forslaget vil me finansiere gjennom parkeringsfondet.

k. Kommunestyret er positiv til å støtte turnmiljøet i regionen med eit økonomisk bidrag til realisering av turnhall i regi av Sogndal turnforening. Kommunestyret ber om å få framlagt ei utgreiing som grunnlag for å ta stilling til eit tilskott. Utgreiinga bør om mogeleg ligge føre slik at formannskapet kan handsame saka innan søknadsfristen for spelemidlar 15. januar 2026.

l. Kommunestyret ber administrasjon greie ut naudsynt vedlikehaldsarbeid på prestagarden i Sogndal, gjerne i samarbeid med riksantikvaren.

Økonomiplanen er samfunnsplanen sin handlingsdel og dokumentet med vedlegg utgjer det overordna styringsdokumentet for den kommunale verksemda for åra 2026-2029.

2. Løyvingsoversikter etter budsjettforskrifta § 5-4 og § 5-5 vert vedteke slik det går fram i budsjettdokumentet i kapittel 7 (jf. tabell 7.1 og tabell 7.2) og i kapittel 8 (jf. tabell 8.1 og tabell 8.2).

3. Kommunedirektøren får fullmakt til å budsjettere inntil avsett lønspott frå fellesområdet til kommunen sine sektorar og einingar når lønsoppgjeret er kjent.

4. Kommunestyret godkjenner opptak av nye lån til finansiering av investeringsprosjekt. Samla lånesum er inntil til kroner 222 mill. kroner i 2026 jf. kommunelova § 14-15.

5. Kommunestyret godkjenner opptak av nye lån i Husbanklån til vidareutlån for 2026 på 30 mill. kroner jf. kommunelova §14-17.

6. Kommunestyret godkjenner vidareføring av ramme for kassakreditt på 100 mill. kroner jf. kommunelova § 14-15, tredje ledd.

7. Med heimel i eigedomskattelova §§ 2 og 3, vert det fatta fylgjande vedtak om utskriving av eigedomsskatt i Sogndal kommune for 2026:

a. Utskrivingsalternativ for 2026, skatt skal skrivast ut på: Faste eigedomar i heile kommunen (eigedomskattelova § 3 fyrste ledd bokstav a).

b. Skatteetaten sitt formuesgrunnlag vert nytta for utskriving av skatt på bustadeigedomar (eigedomskattelova § 8 C-1).

c. Fritak frå eigedomsskatt: Eigedomar som i 2025 har fått fritak etter eigedomskattelova §§ 7 bokstav a og bokstav b får tilsvarande fritak i 2026. Fritak etter eigedomskattelova § 7 kan bli gjeve til andre kvalifiserte eigedomar etter søknad, før utskriving finn stad i 2026.

d. Skattesatsar for 2026: Generell sats på 7 promille for heile kommunen (gjeld næringseigedom, energianlegg, tomter osv.). Skattesats på 4 promille for bustadeigedom og fritidseigedom i heile kommunen.

e. Tal terminar (eigedomsskattelova § 25): Eigedomsskatten skal betalast over 2 terminar, men med tilbod om fleksibel fakturering, fordelt på inntil 12 månader.

8. Klimabudsjett for 2026 – 2029 vert vedteke slik det ligg føre i vedlegg 1.

9. Prishefte 2026 for Sogndal kommune vert vedteke slik det ligg føre i vedlegg 8. Kommunedirektøren får fullmakt til eventuell oppretting og mindre justering av satsane.

10. Kommunestyret ber Kommunedirektøren følge opp vedtaket i Utvalet frå levekår i sak 28/2025, pkt 2, frå og med kalenderåret 2026:

I arbeidet med framtidige budsjett og økonomiplanarbeid skal administrasjonen justere prosessen slik at utvalet får:

• Informasjon om budsjettprosessen.

• Formell moglegheit til å kome med innspel, i vedtaksform, innan ein fastsett frist.

• Tilgang til arbeidsdokument 3 (A3) i september, slik at dei kan handsame dokumentet og sende innspel til finansutvalet før hovuddrøftingane startar.

Likelydande skal gjelda i utval for plan og samfunn.

Kommunestyret si handsaming av sak 96/2025 i møte den 18.12.2025:

Handsaming

Frå formannskapet låg det føre slik tilråding:

1. Budsjett 2026 og økonomiplan 2026-2029 vert vedteke slik det ligg føre og med dei føringar og premissar som går fram av dokumentet med følgjande tillegg:

a. Det vert sett av kr. 1 mill ekstra til vegvedlikehald årleg i økonomiplanperioden 2026-2029

b. Det vert løyvd ein eingongssum i 2026 på kr: 450 000,- i tilskot til Norum skyttarlag/Norane til oppgradering skytehall/gymsal.

c. Budsjettposten til tilskot vert i 2026 auka med kr: 40 000,- i tilskot til Friberg Kino.

d. Budsjettposten til tilskot vert i 2026 auka med kr: 100 000,- i tilskot til Systrond Sogelag -Prosjektet praktbok om Systrondsoga

e. Budsjettposten til tilskot vert i 2026 auka med kr: 150.000 til innkjøp av juledekorasjon i Sogndal sentrum

f. Budsjettposten til tilskot vert i perioden 2027-2029 auka med kr. 75 000,-

g. Vedtekne tilleggsløyvingar vert finansisert ved bruk av disposisjonsfond. 2026: 1, 74 mill. kr., 2027-2029: 1,075 mill. kr.

Økonomiplanen er samfunnsplanen sin handlingsdel og dokumentet med vedlegg utgjer det overordna styringsdokumentet for den kommunale verksemda for åra 2026-2029.

2. Løyvingsoversikter etter budsjettforskrifta § 5-4 og § 5-5 vert vedteke slik det går fram i budsjettdokumentet i kapittel 7 (jf. tabell 7.1 og tabell 7.2) og i kapittel 8 (jf. tabell 8.1 og tabell 8.2).

3. Kommunedirektøren får fullmakt til å budsjettere inntil avsett lønspott frå fellesområdet til kommunen sine sektorar og einingar når lønsoppgjeret er kjent.

4. Kommunestyret godkjenner opptak av nye lån til finansiering av investeringsprosjekt. Samla lånesum er inntil til kroner 222 mill. kroner i 2026 jf. kommunelova § 14-15.

5. Kommunestyret godkjenner opptak av nye lån i Husbanklån til vidareutlån for 2026 på 30 mill. kroner jf. kommunelova §14-17.

6. Kommunestyret godkjenner vidareføring av ramme for kassakreditt på 100 mill. kroner jf. kommunelova § 14-15, tredje ledd.

7. Med heimel i eigedomskattelova §§ 2 og 3, vert det fatta fylgjande vedtak om utskriving av eigedomsskatt i Sogndal kommune for 2026:

a. Utskrivingsalternativ for 2026, skatt skal skrivast ut på: Faste eigedomar i heile kommunen (eigedomskattelova § 3 fyrste ledd bokstav a).

b. Skatteetaten sitt formuesgrunnlag vert nytta for utskriving av skatt på bustadeigedomar (eigedomskattelova § 8 C-1).

c. Fritak frå eigedomsskatt: Eigedomar som i 2025 har fått fritak etter eigedomskattelova §§ 7 bokstav a og bokstav b får tilsvarande fritak i 2026. Fritak etter eigedomskattelova § 7 kan bli gjeve til andre kvalifiserte eigedomar etter søknad, før utskriving finn stad i 2026.

d. Skattesatsar for 2026: Generell sats på 7 promille for heile kommunen (gjeld næringseigedom, energianlegg, tomter osv.). Skattesats på 4 promille for bustadeigedom og fritidseigedom i heile kommunen.

e. Tal terminar (eigedomsskattelova § 25): Eigedomsskatten skal betalast over 2 terminar, men med tilbod om fleksibel fakturering, fordelt på inntil 12 månader.

8. Klimabudsjett for 2026 – 2029 vert vedteke slik det ligg føre i vedlegg 1.

9. Prishefte 2026 for Sogndal kommune vert vedteke slik det ligg føre i vedlegg 8. Kommunedirektøren får fullmakt til eventuell oppretting og mindre justering av satsane.

Endringsframlegg:

Bjørn Christian Weinbach (R) sette fram slikt framlegg på vegne av Raudt, Miljøpartiet Dei Grøne, Venstre, Senterpartiet, Arbeidarpartiet, Framstegspartiet og Sosialistisk Venstreparti som tillegg i punkt 1:

Kommunestyret løyver kr 50 000 i eingongstilskot i 2026 til Birkeland, Tellvik og Brodahl for utgjeving av «Klatreførar for Sogn og Fjordane – 3. utgåve». Denne tilleggsløyvinga vert finansierte ved bruk av disposisjonsfond.

Stig Ove Ølmheim (Ap) sette fram slikt framlegg:

Sektorramme administrasjon vert redusert med 2,065 millionar kroner i 2026 og 1,205 millionar kroner i 2027. Sluttvederlag knytt til tidlegare kommunedirektør vert løyvd ved avsetjing i Sogndal kommune sitt rekneskap for 2025, jf. pkt. 6.13.

Rita Navarsete (Frp) sette fram slikt framlegg på vegne av Framstegspartiet, Høgre og Kristeleg Folkeparti:

Utarbeide kostnaden for å få opp att fontene i Sogndal sentrum . Forslaget vil me finansiere gjennom parkeringsfondet.

Erlend Fardal Lunde (Ap) sette fram slikt framlegg:

Kommunestyret ber Kommunedirektøren følge opp vedtaket i Utvalet frå levekår i sak 28/2025, pkt 2, frå og med kalenderåret 2026:

I arbeidet med framtidige budsjett og økonomiplanarbeid skal administrasjonen justere prosessen slik at utvalet får:

• Informasjon om budsjettprosessen.

• Formell moglegheit til å kome med innspel, i vedtaksform, innan ein fastsett frist.

• Tilgang til arbeidsdokument 3 (A3) i september, slik at dei kan handsame dokumentet og sende innspel til finansutvalet før hovuddrøftingane startar.

Likelydande skal gjelda i utval for plan og samfunn.

Knut Henning Grepstad (Ap) sette fram slikt framlegg på vegne av kommunestyret:

Kommunestyret er positiv til å støtte turnmiljøet i regionen med eit økonomisk bidrag til realisering av turnhall i regi av Sogndal turnforening. Kommunestyret ber om å få framlagt ei utgreiing som grunnlag for å ta stilling til eit tilskott. Utgreiinga bør om mogeleg ligge føre slik at formannskapet kan handsame saka innan søknadsfristen for spelemidlar 15. januar 2026.

Rita Navarsete (Frp) sette fram slikt framlegg på vegen av Framstegspartiet, Høgre, Kristeleg Folkeparti og Arbeidarpartiet:

Vi ber administrasjon greie ut naudsynt vedlikehaldsarbeid på prestagarden i Sogndal, gjerne i samarbeid med riksantikvaren

Avrøysting:

Bjørn Christian Weinbach (R) sitt framlegg vart vedteke mot 2 røyster frå Kristeleg Folkeparti. Framlegget frå Stig Ove Ølmheim (Ap) vart samrøystes vedteke. Framlegget frå Rita Navarsete (Frp) om fontena fekk 22 røyster frå Framstegspartiet (3), Høgre (4), Kristeleg Folkeparti (2), Senterpartiet (7), Sosialistisk Venstreparti (4), Raudt (1) og Miljpartiet Dei Grøne (1), og vart vedteke. Erlend Fardal Lunde (Ap) sitt framlegg vart vedteke mot 3 røyster frå Framstegspartiet. Framlegget frå Knut Henning Grepstad (Ap) vart samrøystes vedteke. Framlegget frå Rita Navarsete (Frp) om prestagarden i Sogndal vart samrøystes vedteke.

Punkt 1-7 i tilrådinga frå formannskapet vart samrøystes vedtekne. Punkt 8 i tilrådinga frå formannskapet vart vedteke mot 3 røyster frå Framstegspartiet. Punkt 9 i tilrådinga frå formannskapet vart samrøystes vedteke.

Til slutt vart det samla budsjettet med vedtekne endringar samrøystes vedteke.