Lovlegkontroll av vedtak i sak 59/25 i Sogndal kommunestyre 12. august 2025

1. Kommunestyret opprettheld vedtaket i sak 59/25

2. Kommunestyret syner til prosesskriva og notat i vedlegg 10. 11 og 12 som si grunngjeving for vedtaket.

Kommunestyret si handsaming av sak 74/2025 i møte den 02.10.2025:

Handsaming

Ordføraren rår kommunestyret til å gjere slikt vedtak:

1. Kommunestyret opprettheld vedtaket i sak 59/25

2. Kommunestyret syner til prosesskriva og notat i vedlegg 10. 11 og 12 som si grunngjeving for vedtaket.

Protokolltilførsel, Arnt Erik Nordheim (H):

Viser til KS FoU-prosjekt nr. 214017, delrapport 2 (2021); Styrket lederskap i kommunal sektor – gjeldende rett, roller og rolleforståelse mellom folkevalgte og kommunedirektør.

Forskings- og utviklingsprosjektet (FoU) er utført av Universitetet i Agder på oppdrag frå KS.

Kapittel 3 i delrapporten tek føre seg ulike problemstillingar ved fordelinga av arbeidsgjevaransvaret mellom kommunestyret og kommunedirektøren. Punkt 3.7 (s. 89-98) tek føre seg ulike spørsmål knytt til arbeidsrettslege tvistar. Underpunkt 3.7.2 tek føre seg spørsmålet om bruk av rettsmiddel og anke i saker der kommunedirektøren har gjort vedtak i ei personalsak.

Ein er innforstått med at KS sitt FoU-prosjekt ikkje har noko særskilt vekt som kjelde, anna enn som juridisk teori og rettsoppfatningar frå Universitetet i Agder. FoU prosjektet kan likevel vere eit bidrag til å kaste lys over problemstillinga som lovlegkontrollen gjeld, all den tid det elles er knapt med tydelege kjelder om spørsmålet.

Ein oppmodar såleis om at kjelda vil bli teken med, og synspunkta i FoU prosjektet vurderte så langt det er relevant, i samband med Statsforvaltaren si handsaming av lovlegkontrollen. Avrøysting:

Tilrådinga vart vedteken mot 3 røyster frå Malén Røysum (Sp), Tore Feten (Sp) og Kjell Asbjørn Næss (H).