Skriv, meldingar, drøftingar, orienteringar og spørsmål - kommunestyret 28. august 2025

Følgjande skriv, meldingar, drøftingar, orienteringar og spørsmål vart handsama:

A. Skriv og meldingar:

1. Protokoll representantskapsmøte 2. juni 2025 - Vestland revisjon kommunale oppgåvefellesskap

2. Protokoll generalforsamling i kunnskapsparken 11. juni 2025 2a. Årsrapport 2024 - Kunnskapsparken Vestland 3a. Møteprotokoll utval for levekår 20.08.25 3b. Møteprotokoll utval for plan og samfunn 20.08.25

4. E-post frå kommunal- og distriktsdepartementet 19.08.25 Tolking av kommunelova § 13-1 5.a og b: Tildelt oppdrag om forundersøking av anonymt varsel

6. Status på arbeidet med flyktningar og busetting.

7. Brev til kommunestyret datert 16.08.25

B. Orienteringar:

Frå ordføraren:

1. Sognarådet

Frå kommunedirektøren:

2. Status arealplanen

3. Status Kyrkjebakken barnehage

4. Status Trudvang

5. Status utgreiing av samanhengande basis- og fleirbrukshall

6. Status utgreiing av svømmebasseng Leikanger

7. Utgreiingar i regi av Sogn kommunalt oppgåvefellesskap

C. Drøftingar:

D. Spørsmål frå medlemmane

Vibeke Johnsen (Sv):

1. I slutten av juni fekk det flotte måleriet av G Miconi selskap av eit nytt måleri på Nortura-veggen. Dette er spanande, vakkert og artig, og gjev Sogndal kommune eit stort løft. Spørsmålet er korleis vi tek vare på desse utemåleria. No ser vi slitasje på det første måleriet, og lurer på om det er planar for å «reparere» det slik at det varer lengst mogleg?

Svar: Håvard Ese Eliassen, kultursjef Spesifikt vedrørande Miconi sitt måleri:

Guiseppe Miconi, som er busett i Balestrand, er sjølv klar over situasjonen. Han ønskjer sjølv å reparere den aktuelle delen av måleriet. Han vil få bistand, til dømes til innkjøp av naudsynt måling, frå Kunstbygda Balestrand som held i prosjektet. Den synlege flassinga på det første måleriet skuldast mest sannsynleg at målerarbeidet vart utført i oktober under mykje regnvêr, utan tilstrekkelege tørkeperiodar mellom målingslaga. Dette skapte fuktige lag som først no har tørka og krympa. Heldigvis gjeld dette berre eit lite område.

Generelt om måleria:

Denne typen utfordring har vi no blitt merksame på, og vi vil difor i framtidige prosjekt vere ekstra nøye med å leggje sjølve målerarbeidet til sommarhalvåret, når forholda ligg betre til rette for jamn tørking. I år gjennomførte vi i juni, og var mykje heldigare med vêrforholda. Vi arbeider også heile tida også med kva typar måling og grunnarbeid som er best egna mtp lengs mogleg levetid for måleria. Når det gjeld denne typen veggmåleri og gatekunst, er det slik at verka har ei naturleg levetid – påvirka av vêr og ytre slitasje – som det er vanskeleg å fastslå på førehand. Men med dei rette arbeidsmetodane håpar vi naturlegvis at levetida vert lang.

Haavard Stensvand (Ap):

2. Det er iverksett kokepåbod for drikkevatnet frå Leikanger vassverk, etter funn av bakteriar. Behov for å koke drikkevatnet er ein situasjon som er uvant for abonnentane i Leikanger. Eg trur at det er første gong eg opplever det på dei vel tretti åra eg har budd her. Det er veldig bra at kommunen tek på alvor at innbyggjarane får vatn som er trygt å drikke. Eg legg til grunn at det er gode rutinar for prøvetaking m.v. for å sikre nettopp det.

Svar: Tenesteleiar teknisk drift Torgeir Bang Prøvetaking er òg blir gjort i samsvar med drikkevatnforskrifta.

Gjennom media har vi vorte kjent med at kvaliteten på badevatnet i Sogndal ikkje har vorte undersøkt gjennom sommaren. Det er opplyst at det skuldast ferieavvikling ved Sogn Lab.

Svar: Tenesteleiar teknisk drift Torgeir Bang Prøvetaking av badevatn er gjort i samsvar med EU-regelverket for badevassprøvar. Det var ein prøve som svar på prøven kom tilbake til kommunen frå Sogn Lab etter at den som tok prøvane i kommunen hadde gått på ferie. Her skjedde det ein glipp i vårt system som det blei tatt tak i, då resultata ikkje kom på kommunen si heimeside fort nok. Det er i tillegg tatt ekstra prøvar i Badelaguna i Sogndal. Problemet der er at når det kjem mykje overvatn i anlegg går avløp på fjorden grunna at avløp og overvatn ikkje er separert. Dette blir det jobba med.

Har det vore ein tilsvarande situasjon med omsyn til laboratorieundersøkingar av drikkevatnet i kommunen?

Svar: Tenesteleiar teknisk drift Torgeir Bang Ein runde med drikkevassprøvar vart utsett i Sogndal grunna sjukdom på Sogn Lab i sommar. Elles blir prøvar tatt som planlagt.

Knut Henning Grepstad (Ap):

3. Ein travel turistsesongen er på hell. Regionen og kommunen har hatt mange besøkande, mange med bubil. Gjestene våre produserer avfall, heldigvis oftast lagt igjen i SIMAS sine avfallskonteinarar, plassert rundt om. Men dette utfordrar kapasiteten og kan krevje oftare tømming? Det er i nokre område i periodar registrert overfylte konteinarar. Er dette ei kjend utfordring for SIMAS? Kva gjer eller kan SIMAS gjere? Synleg boss som flyt er ikkje positiv reklame for regionen vår, kjend for unik vakker og rein natur. Vakker og rein natur er ein profilen vi må ta vare på og verne om. Og vi må være eit godt vertskap.

Svar: Dagny Ugulsvik, Direktør SIMAS IKS Det er ei kjend utfordring for SIMAS at våre hyttecontainere, som er berekna for avfallet til våre hytteabonnentar, blir nytta av vegfarande som følgje av at dei ikkje finn andre løysingar for sitt avfall. Dette utfordrar kapasiteten og fører til overfylte containere. Avfall frå turistar og andre vegfarande er vegeigar sitt ansvar og må finansierast av desse.

SIMAS er positive til samarbeid med vegeigarane (Vegvesen, Fylkeskommunen og kommunen) om innhenting av avfall frå turistar og andre vegfarande under føresetnad av at dei dekkar kostnaden med det.

SIMAS sine hyttecontainere som er plassert rundt om i kommunane er finansiert av gebyr frå dei som betalar fritidsabonnement i SIMAS og er såleis kun berekna for deira bruk. SIMAS er underlagt sjølvkost og har dermed ikkje andre midlar til å dekke tømming av hyttecontainere enn gebyra frå fritidsabonnentar. Det er ikkje rimeleg at hytteeigarar i Sognekommunane skal betale for at turistar og andre vegfarande skal få levere avfallet sitt. Det er difor eit dilemma for SIMAS at me må auke opp kapasiteten på returpunkta for å ta imot avfall frå andre enn dei som betalar for ordninga. Det er i nokre område i periodar registrert overfylte konteinarar. Er dette ei kjend utfordring for SIMAS? Overfylte containere er ei kjend utfordring som me har fokus på. Me aukar opp tømmefrekvens og kapasitet i feriane, men har sett at det ikkje alltid er tilstrekkeleg, då me ikkje har moglegheit til å ha oversikt over kor mykje vegfarande vil nytte seg av våre returpunkt. Kva gjer eller kan SIMAS gjere? Me tømmer hyttecontainere så ofte som det er mogleg i feriane. I tillegg aukar me opp kapasiteten etter tilbakemeldingar om gjentakande overfylte dunkar. SIMAS vil dei næraste åra ha ekstra fokus på hytterenovasjon. Me har no tilsett ein prosjektmedarbeidar, som skal jobbe med dette.

Fokuset vil vera å :

• Få til avtale med vegeigarar slik at SIMAS kan ha kapasitet til å ta imot avfall frå turistar og vegfarande ved at vegeigar betalar den ekstrakostnaden dette medfører.

• Innføre returpunkt med sortering

• Vurdere kapasiteten på alle returpunkt SIMAS vil oppretta kontakt med kommunane for å kunne finne dei beste returpunkta i lag.

4. Onsdag 06.08. kl. 16:47 sende Sogndal kommune varsel til over tusen husstandar i Leikanger om bakteriar i drikkevatnet - og kokepåbod. Fredagen etter orienterte kommunen om at folk på Leikanger måtte bu seg på å koka drikkevatn til godt over helga. Seinare er kokepåbodet oppheva. Kommunen melde at dei trur dei veit korleis bakteriar hamna i drikkevatnet og har retta feilen. Og kva var feilen? Jau det var sauer på vift! Ein gjeng med sauer har kome inn i vassinntaket. Det er teke grep for at sauene ikkje skal koma seg inn til vassinntaket meir. Heldigvis er det ikkje kome melding om at folk har blitt sjuke eller dårlege.

Sauer er ålreite dyr. Viktige for vedlikehaldet av kulturlandskapet. Og nødvendige for god tradisjonsrik julemat! Men sauer på vift er i dette tilfelle eit alvorleg problem! Ei stor bygd utan friskt vatten nesten ei heil veke. Kan vi sikre at slike hendingar ikkje gjentek seg? Er kostnadane med sikringsarbeidet på alle bekkeinntak noko som utbyggjaren må ta på seg? Er det ein svikt i planleggings- og godkjenningsprosessen som bør få konsekvensar for framtidige prosjekt? Svar: Torgeir Bang tenesteleiar teknisk drift. I denne saka frå Leikanger synte det seg at gjerde ved vassinntak oppe på dammen ikkje var sikra på ein god måte. Den er no provisorisk sikra og vil bli permanent sikra etterkvart. Normalt ville ikkje dette vært et problem om ikkje konsentrasjon av avføring hadde treft direkte i vassinntaket grunna fall og dammen sin konstruksjon. Fleire påfølgande tilfeldigheitar som ein ikkje har sett føre seg. Kvifor ting vart bygd slik er uvist. Vi gjer det vi kan for å forbetre dette for framtida og vi lærer av hendinga.

Magne Bruland Selseng (Sp):

5. Kva er status på arbeidet med fleirbrukshall, når det no blir utgreidd basishall?

Svar: Tor-Einar H. Skinlo, kommunedirektør Vi kjem attende til dette i sak til kommunestyret.

Bjarte Haugen (V):

6. Oppmoding om å melde seg som aksjonister til kampanjen «Rein Sognefjord»

Kommunestyret si handsaming av sak 62/2025 i møte den 28.08.2025:

Handsaming