Skriv, meldingar, drøftingar, orienteringar og spørsmål - kommunestyret 19. juni 2025

Følgjande skriv, meldingar, drøftingar, orienteringar og spørsmål vart handsama:

A. Skriv og meldingar:

1. Protokoll generalforsamling Firda Billag

2. Protokoll generalforsamling Vitensenteret i Sogn og Fjordane AS

3. Protokoll generalforsamling Visit Sognefjord

4. Samarbeidsavtale mellom Sogndal kommune og Sogndal idrettsråd

5. Notat til orientering: Saften mottek tilskot frå Kulturrom

6. Notat: Orientering om avgjørelse frå KOFA - Ny 1-7 Barneskule og SFO i Sogndal sentrum

B. Orienteringar:

1. Advokatfirmaet Harris v/ Einar Drægebø, Advokat – varsel på kommunedirektøren frå Fagforbundet

2. Utekontaktane v/May Britt Sva og Gaute Sebakk Flygel

3. Orientering frå entrepenør om status i Trudvang prosjektet (i tilknyting til sak 50/2025) v/ Bjarte Nysæter Svendsen (prosjektleiar, byggherre), Eirik Rygg (prosjektleiar, entreprenør), Tord Bukve (arkitekt), Eyvind Øgar (arkitekt)

Frå kommunedirektøren:

1. SK27 - endringsarbeidet i helse- og omsorg

2. Ny barnehage på Kaupanger:

• Svært godt og konstruktivt samarbeid med KIL

• Mellombels dispensasjon til 15/8/28 er på plass for dagens barnehagedrift

• Arbeidet med å avklare rammene for realisering av ny barnehage har god framdrift, og vil også inkludere regulering av området. Dette vil komme som eiga politisk sak etter sommaren.

• Konstruktiv og god dialog med Statens Vegvesen knytt til kryss og interntrafikk, ser på løysingar som ein del av planarbeide

C. Drøftingar:

D. Spørsmål frå medlemmane:

Vibeke Johnsen (SV) I PS 33/2025 Strukturutgreiingane for helse og omsorg er det i vedlegg 2, tal og faktagrunnlag, referert talgrunnlaget som er nytta i arbeidet. Dette grunnlaget syner 102 instutisjonsplassar, inkl. 2 KAD-plassar. I tillegg til desse 102 plassane er det iflg. talgrunnlaget 8 individuelle tiltak som er kjøpt eksternt, hovudsakleg knytt til bu- og miljøtenesta.

I svar frå kommunedirektøren til spørsmål frå Raudt til PS 33/2025, skriv kommunedirektøren at Sogndal kommune har 116 instutisjonsplassar. Desse er fordelt på korttid, langtid og omsorgsbolig med heildøgnspleie. Talet er korrigert for KAD-plassar (2), då desse ikkje inngår i KOSTRA-grunnlaget.

I arbeidet med strukturutgreiingane for helse og omsorg har det blitt vist til tal institusjonsplassar pr. 1000 innbyggarar over 80 år, samanlikna med andre kommunar i KOSTRA-gruppe 8. I fotnotane til KOSTRA-tala for institusjonsplassar les vi at tala inneheld: «Plasser i helse- og omsorgsinstitusjoner pr. 31.12. Inkluderer sykehjem, aldershjem, barnebolig, avlastningsbolig. 'disponible plasser' betyr at plassene er korrigert for kjøp/salg over kommunegrensene.»

1. SV spør difor:

Kor mange instutisjonsplassar har Sogndal kommune pr. dd? Kva dekningsgrad utgjer dette pr. 1000 innbyggarar over 80 år, med innbyggjar-tal for 2025? Korleis er desse plassane fordelt, mtp. sjukeheim, aldersheim, barnebolig, avlastningsbolig mm.?

Svar: Marit Reppen, kommunalsjef helse og omsorg Oppdaterte befolkningstal for 1. kvartal 2025 syner 649 personar på 80 år eller meir i Sogndal kommune.

Oppdaterte KOSTRA-tal (publisert 15. juni) syner følgjande:

Institusjonsplassar: 117

Av desse er 114 spesifisert under sjukeheim. Av desse er følgjande spesifisert:

Demensplassar: 16 Rehabiliteringsplassar: 10 Tidsavgrensa plassar: 25

Vidare står avlastningsbustader spesifisert med 3 plassar. Aldersheim: 0 Barnebustad 0

Med oppdaterte befolkningstal gir dette følgjande dekningsgrad over 80 år (plassar i institusjon i prosent av innbyggjarar 80 år og over):

114 plassar: 17,6 % 117 plassar: 18 %

Berekning: ("Plassar i institusjonar")/("tall 80 år og over"))*100

Inga H. Halsnes (SV):

Har eit spørsmål vedr. møteplassar for ungdomane i kommunen no i sommarferien.

2. Sommaren er her, og denne veka er det siste skuledag for små og større elevar. To månader uten skulegang kan vere deilig det, men kan fort blir langdrygt, også for ungdomane. Ikkje minst no i dyrtid, så veit vi at det er mange som ikkje kjem til å kunne reise så mykje og kjem til å tilbringe store delar av ferien heime.

Eg kjenne til at der er ulike aktivitetar som skjer, som friluftsskulane, turnskule og kjekke dagar med skyttarlag eller i andre enkeltarrangement for ulike aldersgrupper, men kva med møteplassar? No veit vi at det fleire plassar i kommunen er kjekke møtepunkt for ungdomane, som klubben her i Sogndal og i Balestrand eller Saften på Leikanger. Er det nokon plan for dei ulike møteplassane i sommer, kjem det til å vere ope og mogelegheiter for ungdomane å treffast?

Svar: Håvard Eliassen, tenesteleiar kultur Opningstider, møteplassar for ungdom i kommunal regi sommar 2025 Ungdomskjellaren – Sogndal kulturhus Vanlege opningstider (mandag og torsdag 15:00 – 20:30) fram til 21. juli. Tilbodet kan bli justert ut ifrå behov. Justeringar vert annonserte på klubben sine sosiale kanalar på FB, Insta og Snap. Ekstra aktivitetar vert også annonsert fortløpande i dei same kanalane.

21. juli – 8. august: sommarstengt og ferieavvikling Første opningsdag etter ferieavvikling er planlagt til 11. august. Leikanger – Saften Ungdomsklubben har stengt heile sommaren i samband med flytting og byggeprosess på Saften, og elles for ferieavvikling. Det er elles mange aktivitetar i regi av Leikanger frivilligsentral og ulike lag og organisasjonar. Desse er kommunisert til ungdomane som vanlegvis vankar på klubben, og via ungdomsavdelinga sine sosiale kanalar.

Balestrand Balestrand har denne vinteren hatt eit fast tilbod til ungdom i Belehalli ein kveld i veka. Dette tilbodet er stengt i sommar. I veke 26 er det intervju til ny dagleg leiar ved Balestrand frivilligsentral. 20% av denne stillinga er dedikert til å halde ope og utvikle eit fast vekentleg tilbod til unge. Balestrand bibliotek har kvar onsdag langope til kl 19:00. Her er det ein eigen krok tiltenkt ungdom. Her er det bøker for ungdom, sofa og stor skjerm. Biblioteket er stengt for ferieavvikling veke 29, 30 og 31. May Kristel Bødal (Sp)

3. I lys av brannen i Lærdal forrige veke, så lurer eg på om det føreligg ein plan når det gjeld sløkkevatn for til dømes Øvre Stedje, og då kanskje spesielt Stedjetunet og Stedje kyrkje? Me har jo erfaring frå tidlegare at dette ikkje har fungert godt nok og at det ikkje har vore nok vatn eller godt nok trykk opp dit med resultatet at heile Stedjetunet brann ned. Er dette på plass no?

4. Føreligg det planar for å etablere offentleg toalett tilsvarande det som står nede i Fjøra ved kommunehuset, på Kaupanger? Og då spesifikt ved Kaupangsenteret? I dag må besøkande, turistar og til og med tilsette i kommunen enten bort på ViteMeir eller T&D Bakeri for å komme seg på toalettet eller bruke kundetoalettet på Europris. (Dette har vore ute av funksjon den siste tida.) Men dette er jo berre i opningstida. Finnes det tilsvarande offentlege toalett på Leikanger og i Balestrand? Kva med Fjærland? Viss dette ikkje er planar om no umiddelbart, når kan ein eventuelt forvente at noko slikt kjem på plass?

Svar, stilling: Torgeir Bang, tenesteleiar teknisk Høgdebasseng er i drift. Øvre Stedje på delast i 2 soner: Bustadfelt over kyrkja har tilstrekkeleg brannvatn. Området kyrkja – Stedjetunet har redusert brannvatn, og det kan vere for lite. Det er mogleg å kople desse to områdane i hop gjennom eit eige prosjekt. Dette er ikkje planlagt pt. Sogn Brann og Redning uttalar at det er kommunen sitt ansvar å syte for sløkkevatn, men at det ikkje er uvanleg at vi har plassar med for lite kapasitet. Siden brannen på Stedjetunet er høydebassenget tilbake i drift. Det gir i utgangspunktet ikkje meir vatn men først og fremst jamnare trykk. På Kaupanger har kommunen et offentlig toalett nede ved Kaupanger kai – stupetårnet. Det er p.t. ingen planar for etablering av toalett ved Kaupangersenteret. Det har ikkje vært førespurnad om tidlegare og heller ikkje avsett midlar til offentleg toalett ved senteret. Kommunen har pt kun offentlege toalett ved badeplassar, ved nokon småbåthamner, nokre sentrum (Sogndal, Fjærland og Balestrand) og på nokre turistplassar, t.d. Fjærland ved breen. Sogndal kommune administrerer i dag ca 21 toalett, noko som er svært ressurskrevjande.

Erlend Fardal Lunde (AP):

5. Viser til spørsmål i kommunestyremøtet 28. mai om gjennomtrekk på leiarar, der KD viser til 2% gjennomtrekk. Underteikna har på eige initiativ sjekka kommunen sine nettsider og finn åtte namn under administrasjon som har slutta siste året. Dersom 8 personar = 2% har kommunen totalt 400 leiarar, noko som vil sei at kvar tredje tilsette går under definisjon leiar. Dette i seg sjølv ønskjer eg konkret svar på om er korrekt. I tillegg ønskjer eg tal på gjennomtrekk/turnover i administasjon. Simployer viser i ein rapport i 2022 til at kostnaden på gjennomtrekt er 1,5 x årskostnaden til den som sluttar, og for leiarar opp til 2x. Det er relevant for oss med innsyn i korleis det blir jobba med dette og korleis det påverkar måltal på kostnadar i administrasjon.

Svar, Helle Selseng, HR Om vi tek utgangspunkt i vedteke budsjett, er det under sektor administrasjon ein leiar som har slutta i kommunen siste året. Vedkommande er ikkje planlagd erstatta og det er difor ikkje gjennomtrekkskostnad knytt til denne stillinga. I sektor samfunn er det to leiarar som har slutta i kommunen siste året. Ein av desse stillingane er lyst ut på ny med tilhøyrande gjennomtrekkskostnad. Det er i tillegg ei rekkje leiarstillingar som er gjort om til andre stillingar som følgje av endrings- og utviklingsarbeidet i kommunen. Alle endringar har funne stad etter drøfting med den enkelte og hovudtillitsvalde. HR-systemet til kommunen gir ikkje moglegheit for enkelt å hente ut tal stillingar der nokon har slutta frå eitt tidspunkt til eit anna. Den gir heller ikkje oversyn over endring frå ein type stilling til ei anna type stilling innad i kommunen. Ei grovtelling viser at det utover leiarstillingane er to stillingar i sektor administrasjon der vedkommande har slutta siste året. Det gir ein turnover på om lag 3,5 % i 2024 og 3,5 % så langt i 2025. I sektor samfunn er om lag 200 tilsette. Systemet gir ikkje moglegheit til å skilje ut dei stillingane som på folkemunne vert knytt til «administrasjon». Oversynet viser turnover på 5,2 % i sektoren hittil i år.

Rita Navarsete (FRP):

6. Kvifor stengjer vi ned alle barnehagar i ferien. Kenth Rune Teigen Måren, kommunalsjef oppvekst Syner til kommunestyremøte 15.02.2024 PS- 08/24.Barnehagevedtekter - Sogndal kommune – 2024, samt møteprotokoll

7. Kor lang venteliste er det i institusjon?

Marit Reppen, kommunalsjef helse og omsorg Det er pr. i dag 8 pasientar som har vedtak om langtidsplass, og som venter i korttidsavdeling. Dei er fordelt mellom dei 3 institusjonane.

8. Kva skjer med Tinghuset på Leikanger? Bygget kostar kommunen over 400.000 i året.

Svar, Stig Ove Ølmheim:

Ordførar svara ut i møte

9. Flaggstanga i Balestrand, kva er status?

Svar, stilling: Torgeir Bang, tenesteleiar teknisk Det pågår ein prosess med plassering, økonomi og byggesøknad. Ein ser i utgangspunktet til ei plassering nede med småbåthamna i Balestrand.

Margrethe Haug (KRF):

10. Når var det vedteke å flagge med prideflagg heile juni månad?

Svar, stilling: Torgeir Bang, tenesteleiar teknisk Vedtak frå kommunestyret 13. juni 2024:

1. Sogndal kommune flaggar årleg i juni månad med Pride-flagget frå flaggstenger slik:

a) Ved Sogndal kommunehus.

b) Ved Tinghuset på Leikanger fram til det vert sett opp kommunal flaggstong ved Saften. Då flaggar kommunen der.

c) Dersom det er mogleg, på ein passande plass i Balestrand.

11. Når vart det vedteke at Sagatun skule skulle vere offisiell flaggstang i Balestrand? Når og korleis vert det informert ut til innbyggjarane? Offisiell flaggstang er i Noreg knytt til offentlege bygningar (som rådhus, skular, statlege kontor osv.) I denne samanhen er Sagatun skule er eit offentleg bygg og har ei flaggstang som kan nyttast til føremålet.

Knut Henning Grepstad (AP):

Leikanger er kjenneteikna av mange store tre. Almen er byrja å visne, kva kan kommunen gjere med dette?

Svar, stilling: Torgeir Bang, tenesteleiar teknisk Det er meldt inn til Statens vegvesen som eig grunnen der trea står.

Kommunestyret si handsaming av sak 45/2025 i møte den 19.06.2025:

Handsaming