Strukturutgreiingane for helse og omsorg

Vedtekne innsparingskrav for helse og omsorgssektoren i budsjett- og økonomiplanen skal realiserast gjennom:

1. Kommunestyret legg til grunn følgjande førande prinsipp for vidare utvikling av tenestene:

• Nærleik der det trengst – med særleg omsyn til pårørande i palliative fasar og brukarar med avlastningsbehov.

• Fagleg spesialisering og kompetanse der det krevst – med samling av ressursar for å byggje fagmiljø og sikre kvalitet.

• Brukarorientering og medverknad – både frå tilsette og innbyggjarar – som ein integrert del av alle omstillingar.

2. Kommunestyret gir tilslutning til følgjande hovudgrep i strukturen for helse- og omsorgstenestene:

• Reduksjon i tal institusjonsplassar over tid, med vekt på å styrke heimebaserte tenester og mellomløysingar.

• Samling av avanserte korttidsfunksjonar (rehabilitering, korttid, kartlegging) i eitt fagmiljø, med lokale tilbod for palliativ behandling og avlasting.

• Vidareføring av desentralisert kjøkenstruktur, med styrka samarbeid og utvikling av inntektsbringande tenester.

• Utfasing av kommunal vaskeridrift, med overgang til ekstern leverandør og differensierte løysingar for privattøy.

• Auka bruk av frivillige og styrka samspel med andre kommunale einingar for å frigjere tid til pasientretta oppgåver.

3. Kommunestyret ber om at arbeidet med å sette i verk målretta tiltak for å redusere sjukefråvær og vikarbruk held fram, med mål om å frigjere ressursar tilsvarande beste praksis-nivå i sektoren.

4. Kommunestyret sluttar seg til retninga i utgreiingsarbeidet, og legg til grunn at helse- og omsorgstenestene i Sogndal kommune skal utviklast i tråd med prinsippa om økonomisk berekraft, god samanheng mellom ulike tenester, førebygging og tenester på lågast effektive omsorgsnivå.

5. Kommunestyret ber om at arbeidet med å ta i bruk team som arbeidsform, der det ligg til rette for det og der det gir meining, held fram. Erfaringane frå utprøving i Sogndal og andre kommunar skal vere grunnlag for vidare utvikling av arbeidsorganisering og -struktur. Kommunestyret legg til grunn at vidare utforming og implementering skjer med tillit til administrasjonen og i tett samspel med tenestene.

6. Kommunestyret ber om at det vert lagt opp til jamleg orientering om arbeidet til politisk leiing, med særleg vekt på struktur og innhald i tenestene, inkludert involveringstiltak og vurdering av konsekvensar for tilsette og lokalsamfunn.

Kommunestyret si handsaming av sak 33/2025 i møte den 28.05.2025:

Handsaming

Frå formannskapet låg det føre slik tilråding til vedtak:

Vedtekne innsparingskrav for helse og omsorgssektoren i budsjett- og økonomiplanen skal realiserast gjennom:

1. Kommunestyret legg til grunn følgjande førande prinsipp for vidare utvikling av tenestene:

• Nærleik der det trengst – med særleg omsyn til pårørande i palliative fasar og brukarar med avlastningsbehov.

• Fagleg spesialisering og kompetanse der det krevst – med samling av ressursar for å byggje fagmiljø og sikre kvalitet.

• Brukarorientering og medverknad – både frå tilsette og innbyggjarar – som ein integrert del av alle omstillingar.

2. Kommunestyret gir tilslutning til følgjande hovudgrep i strukturen for helse- og omsorgstenestene:

• Reduksjon i tal institusjonsplassar over tid, med vekt på å styrke heimebaserte tenester og mellomløysingar.

• Samling av avanserte korttidsfunksjonar (rehabilitering, korttid, kartlegging) i eitt fagmiljø, med lokale tilbod for palliativ behandling og avlasting.

• Vidareføring av desentralisert kjøkenstruktur, med styrka samarbeid og utvikling av inntektsbringande tenester.

• Utfasing av kommunal vaskeridrift, med overgang til ekstern leverandør og differensierte løysingar for privattøy.

• Auka bruk av frivillige og styrka samspel med andre kommunale einingar for å frigjere tid til pasientretta oppgåver.

3. Kommunestyret ber om at arbeidet med å sette i verk målretta tiltak for å redusere sjukefråvær og vikarbruk held fram, med mål om å frigjere ressursar tilsvarande beste praksis-nivå i sektoren.

4. Kommunestyret sluttar seg til retninga i utgreiingsarbeidet, og legg til grunn at helse- og omsorgstenestene i Sogndal kommune skal utviklast i tråd med prinsippa om økonomisk berekraft, god samanheng mellom ulike tenester, førebygging og tenester på lågast effektive omsorgsnivå.

5. Kommunestyret ber om at arbeidet med å ta i bruk team som arbeidsform, der det ligg til rette for det og der det gir meining, held fram. Erfaringane frå utprøving i Sogndal og andre kommunar skal vere grunnlag for vidare utvikling av arbeidsorganisering og -struktur. Kommunestyret legg til grunn at vidare utforming og implementering skjer med tillit til administrasjonen og i tett samspel med tenestene.

6. Kommunestyret ber om at det vert lagt opp til jamleg orientering om arbeidet til politisk leiing, med særleg vekt på struktur og innhald i tenestene, inkludert involveringstiltak og vurdering av konsekvensar for tilsette og lokalsamfunn.

Habilitet:

Anna Hamre (Sv) bad kommunestyre vurdere sin habilitet. Kommunestyret fann representanten Anna Hamre (SV) gild til å delta i handsaminga av saka, jamfør kommunelova §11-10. Tore Feten (Sp) bad kommunestyret vurdere sin habilitet. Kommunestyret fann representanten Tore Feten (Sp) ugild etter forvaltningslova § 6 andre ledd ved vedtakspunktet om vaskeritenester. Tore Feten deltok ikkje i avrøystinga i punkt 2, kulepunkt nr 4.

Endringsframlegg:

Arbeidarpartiet, Framstegspartiet og Raudt sette fram slik framlegg:

1. Kommunestyret ber om eit framlegg til konkrete tiltak for å kunne gjennomføre dei innsparingskrava som er vedtekne for helse- og omsorgssektoren i årsbudsjettet for 2025 og økonomiplanen 2025 -2028.

2. Kommunestyret har tillit til og ber om at dei prinsipp, hovudgrep i strukturen, retninga i utgreiingsarbeidet og arbeidsmetode som går fram av saksførelegget vert lagt til grunn for administrasjonen sitt vidare arbeid.

3. Kommunestyret ber om at arbeidet med å sette i verk målretta tiltak for å redusere sjukefråvær og vikarbruk held fram, med mål om å frigjere ressursar tilsvarande beste praksis-nivå i sektoren.

4. Kommunestyret ber om at Utval for levekår jamleg vert orientert om det totale plan- og iversettingsarbeidet.

Avrøysting:

Kommunestyret røysta fyrst over punkt 2 kulepunkt nr 4 i tilrådinga frå formannskapet. Tore Feten (Sp) tredde frå under avrøystinga av dette punktet. Punkt 2 kulepunkt nr 4 i tilrådinga vart samrøystes vedteke. Framlegget frå Arbeidarpartiet, Framstegspartiet og Raudt fekk 11 røyster frå Ap (7) frå Stig Ove Ølmheim, Astrid Hove, Clara Øberg, Keyty Planeta, Erlend Fardal Lunde, Knut Henning Grepstad og Ingvar Stadheim, Frp (3) og R (1) og fall. Tilrådinga frå formannskapet fekk 19 røyster frå Sp (6), SV (4), Høgre (4), Mdg (1), V (1), Krf (2), Bjarne Asperanden Sjøthun (Ap) og vedteken.