Uttale - bru over Esefjorden

1. Kommunestyret i Sogndal ber Vestland fylkeskommune om å prioritere arbeidet med Esefjordbrua i samband med rulleringa av regional transportplan i juni 2025.

2. Vestland fylkeskommune vert oppmoda om å greie ut grunnlaget for bomfinansiering av strekninga som ein del av underlaget for prioriteringssaka i juni.

Kommunestyret si handsaming av sak 7/2025 i møte den 06.02.2025:

Handsaming

Frå formannskapet låg det føre slik tilråding:

1. Kommunestyret i Sogndal ber Vestland fylkeskommune om å prioritere arbeidet med Esefjordbrua i samband med rulleringa av regional transportplan i juni 2025.

2. Vestland fylkeskommune vert oppmoda om å greie ut grunnlaget for bomfinansiering av strekninga som ein del av underlaget for prioriteringssaka i juni.

Endringsframlegg:

Raudt og Venstre sette fram slikt framlegg:

1. Kommunestyret ynskjer velkommen ei mellombels løysing med skredvarsling og bruk av ny teknologi for å sikra betre tryggleik i tida fram til oppstart og bygging av Esefjordbrua. Kommunestyret ber om ei utgreiing av mindre skredsikringstiltak i losneområda til skredpunkta, for å kartleggje moglege tiltak som er mindre kostnadskrevjande, kan etablerast raskt og gi ei mellombels tryggare situasjon enn den me har i dag.

2. I tillegg ber kommunestyret om at det vert sett i gang strakstiltak for sikring av dei mest utsette områda langs eksisterande veg, inkludert forsterking av skredvollar og vurdering av andre fysiske tiltak for å redusere risikoen. Terskelen for å nytte ferje førebyggande bør senkast for å ivareta tryggleiken på strekninga.

3. Samstundes understrekar kommunestyret at desse tiltaka ikkje vil vere tilstrekkelege som ei permanent løysing, på grunn av typen skred som pregar dei mest utsette punkta på strekninga. Det er kommunestyret sitt klåre synspunkt at berre tiltak som fullt ut tek i vare tryggleik for liv, helse og regularitet vil gje ei akseptabel løysing for strekninga og innbyggjarane som nyttar vegen.

Avrøysting:

Punkt 1 og 2 i framlegget frå Raudt og Venstre fekk 5 røyster frå Raudt (1), Venstre (1) og Framstegspartiet (3), og framlegga fall. Punkt 3 i framlegget frå Raudt og Venstre fekk 2 røyster frå Raudt (1) og Venstre (1), og framlegget fall.

Tilrådinga frå formannskapet vart vedteken mot 4 røyster frå Framstegspartiet (3) og Raudt (1).