Markering av Pride 2024

1. Sogndal kommune flaggar årleg i juni månad med Pride-flagget frå flaggstenger slik:

a) Ved Sogndal kommunehus.

b) Ved Tinghuset på Leikanger fram til det vert sett opp kommunal flaggstong ved Saften. Då flaggar kommunen der.

c) Dersom det er mogleg, på ein passande plass i Balestrand.

2. Sogndal kommune støttar Sognapride-paraden i 2024 og kulturarrangementet rett etterpå med 15.000 kr.

3. Skulane og barnehagane, biblioteka og andre einingar i kommunen markerer Pride.

4. Formannskapet ber ordføraren ha dialog med ordførarane i Indre Sogn om Pride-arrangement i regionen under Sognapriode og om deltaking i paraden i Sogndal laurdag 31. august 2024.

5. Sogndal kommune erstattar logoen med regnbogefarga logo i sosiale media ut juni 2024 og under Sognapride i perioden 26. august- 1. september 2024.

6. I 2024 flaggar kommunen under Sognapride 26. august- 1. september. Det same gjeld dersom det vert arrangement utanom juni månad i seinare år.

Kommunestyret si handsaming av sak 55/2024 i møte den 13.06.2024:

Handsaming Ordførar la saka fram for kommunestyret etter oppmoding frå kommunestyrerepresentantar.

Frå kommunedirektøren låg det føre slik tilråding til formannskapet:

1.Sogndal kommune flaggar med Pride-flagget frå flaggstonga ved Sogndal kommunehus og passande plass i Balestrand og på Leikanger 6.-30. juni og under Sognapride 26. august- 1. september.

2. Sogndal kommune støttar Sognapride-paraden og kulturarrangementet rett etterpå med 15.000 kr.

3. Skulane og barnehagane, biblioteka og andre einingar i kommunen markerer Pride.

4. Formannskapet ber ordføraren ha dialog med ordførarane i Indre Sogn om Pride-arrangement i regionen under Sognapriode og om deltaking i paraden i Sogndal laurdag 31. august

Formannskapet gjorde slikt vedtak i møte 6. juni 2024:

1. Sogndal kommune flaggar på Pride-dagen i august og ikkje i heile juni.

2. Sogndal kommune støttar Sognapride-paraden og kulturarrangementet rett etterpå med 15.000 kr.

3. Skulane og barnehagane, biblioteka og andre einingar i kommunen markerer Pride.

4. Formannskapet ber ordføraren ha dialog med ordførarane i Indre Sogn om Pride-arrangement i regionen under Sognapriode og om deltaking i paraden i Sogndal laurdag 31. august

Endringsframlegg:

Rita Navarsete (Frp) sette fram slikt framlegg:

Det skal ikkje heisast andre flagg enn det NORSKE flagget

Arbeidarpartiet, Senterpartiet, Høgre, Sosialistisk Venstreparti, Venstre, Raudt og Miljøpartiet Dei Grøne sette fram slikt fellesframlegg:

1. Sogndal kommune flaggar årleg i juni månad med Pride-flagget frå flaggstenger slik:

a) Ved Sogndal kommunehus.

b) Ved Tinghuset på Leikanger fram til det vert sett opp kommunal flaggstong ved Saften. Då flaggar kommunen der.

c) Dersom det er mogleg, på ein passande plass i Balestrand.

2. I 2024 flaggar kommunen under Sognapride 26. august- 1. september. Det same gjeld dersom det vert arrangement utanom juni månad i seinare år.

3. Sogndal kommune støttar Sognapride-paraden i 2024 og kulturarrangementet rett etterpå med 15.000 kr.

4. Skulane og barnehagane, biblioteka og andre einingar i kommunen markerer Pride.

5. Formannskapet ber ordføraren ha dialog med ordførarane i Indre Sogn om Pride-arrangement i regionen under Sognapriode og om deltaking i paraden i Sogndal laurdag 31. august 2024.

6. Sogndal kommune erstattar logoen med regnbogefarga logo i sosiale media ut juni 2024 og under Sognapride i perioden 26. august- 1. september 2024.

Avrøysting:

Framstegspartiet sitt framlegg fekk 4 røyster frå Framstegspartiet (3) og Margrete Haug (Krf) og framlegget fall.

Punkt 1 i tilrådinga frå formannskapet fekk 6 røyster frå Framstegspartiet (3), Kristeleg Folkeparti (2) og Arnstein Menes (Sp). Framlegget fall. Punkt 1 i fellesframlegget fekk 25 røyster frå Arbeidarpartiet (8), Høgre (4), Sosialistisk Venstreparti (4). Miljøpartiet Dei Grøne (1), Raudt (1), Venstre (1), Vivian Hilleren (Sp), May Kristel Bødal (Sp), Magne Bruland Selseng (Sp), Tore Feten (Sp), Arne Monrad Johnsen (Sp) og Espen Sæterbø (Sp), og vart vedteke. Punkt 2 i tilrådinga frå formannskapet, likelydande med punkt 3 i fellesframlegget vart samrøystes vedteke.

Punkt 3 i tilrådinga frå formannskapet, likelydande med punkt 4 i fellesframlegget fekk 24 røyster frå Arbeidarpartiet (8), Høgre (4), Sosialistisk Venstreparti (4). Miljøpartiet Dei Grøne (1), Raudt (1), Venstre (1), Vivian Hilleren (Sp), May Kristel Bødal (Sp), Magne Bruland Selseng (Sp), Arne Monrad Johnsen (Sp) og Espen Sæterbø (Sp), og vart vedteke. Framstegspartiet (3), Kristeleg Folkeparti (2), Arnstein Menes (Sp) og Tore Feten (Sp) røysta mot.

Punkt 4 i tilrådinga frå formannskapet, likelydande med punkt 5 i fellesframlegget fekk 27 røyster frå Arbeidarpartiet (8), Høgre (4), Senterpartiet (7), Sosialistisk Venstreparti (4). Miljøpartiet Dei Grøne (1), Raudt (1), Venstre (1) og Frode Bøthun (Krf) ,og vart vedteke. Framstegspartiet (3) og Margrete Haug (Krf) røysta mot.

Punkt 6 i fellesframlegget fekk 25 røyster frå Arbeidarpartiet (8), Høgre (4), Sosialistisk Venstreparti (4). Miljøpartiet Dei Grøne (1), Raudt (1), Venstre (1), Vivian Hilleren (Sp), May Kristel Bødal (Sp), Magne Bruland Selseng (Sp), Tore Feten (Sp), Arne Monrad Johnsen (Sp) og Espen Sæterbø (Sp), og vart vedteke. Framstegspartiet (3), Kristeleg Folkeparti (2) og Arnstein Menes (Sp) røysta mot.

Punkt 2 i fellesframlegget fekk 26 røyster frå Arbeidarpartiet (8), Høgre (4), Sosialistisk Venstreparti (4). Miljøpartiet Dei Grøne (1), Raudt (1), Venstre (1), Frode Bøthun (Krf), Vivian Hilleren (Sp), May Kristel Bødal (Sp), Magne Bruland Selseng (Sp), Tore Feten (Sp), Arne Monrad Johnsen (Sp) og Espen Sæterbø (Sp), og vart vedteke. Framstegspartiet (3), Margrete Haug (Krf) og Arnstein Menes (Sp) røysta mot.