Politivedtekt for Sogndal kommune

1. Politivedtekt for Sogndal kommune vert vedteken slik ho ligg føre med følgjande endringar::

• § 2-2, ta inn att formuleringa etter avsnitt 1 (uavhengig av om aktivitetane skjer ved bruk av høgtalar o.l)

«Dette gjeld ikkje korps og kor»

• § 2-3 Tigging frå hus til hus er forbode.

Kommunestyret si handsaming av sak 48/2024 i møte den 13.06.2024:

Handsaming

Frå kommunedirektøren låg det føre slik tilråding:

1. Politivedtekt for Sogndal kommune vert vedteken slik ho ligg føre.

Endringsframlegg:

Rita Navarsete (Frp) sette fram slikt framlegg:

Sogndal Framstegsparti vil oppretthalde tekst i vedtektene om tigging slik:

§ 2-3 Tigging på offentleg stad eller frå hus til hus er forbode.

Frode Bøthun (Krf) sette fram slikt framlegg:

Fjern § 2.3 Forbod mot tigging

Mari Husabø (Sv) sette fram slikt framlegg:

Oppretthalde høvet til å be om hjelp i Sogndal, ved å ta bort "på offentleg stad" i §2- 3, slik at paragrafen vert slik: Tigging frå hus til hus er forbode. (Gjeld føreslegen paragraf § 2-3. Tigging på offentleg stad eller frå hus til hus er forbode)

Inga Henjum Halsnes (Sv) sette fram slik framlegg:

§ 2-2, ta inn att formuleringa etter avsnitt 1 (uavhengig av om aktivitetane skjer ved bruk av høgtalar o.l) «Dette gjeld ikkje korps og kor»

Avrøysting:

Kommunestyret røysta først over endringsframlegga slik:

Framlegget frå Rita Navarsete (Frp): fekk 3 røyster (Frp 3) og fall. Framlegget frå Frode Bøthun (Krf): fekk 7 røyster (SV 4, MdG 1, R 1, Krf 1 - Bøthun) og fall. Framlegget frå Mari Husabø (Sv): vedteke med 28 røyster mot 3 røyster (Frp 3) Framlegget frå Inga Henjum Halsnes (Sv): samrøystes vedteke Samla politivedtekter slik dei ligg føre med dei endringar som vart vedteke i møtet:

Vedteke mot 3 røyster (Frp 3)