Skriv, meldingar, drøftingar og orienteringar - kommunestyret 23. mai 2024

Kommunestyret si handsaming av sak 42/2024 i møte den 23.05.2024:

Handsaming

A. Skriv og meldingar Kommunebilete Sogndal, Statsforvaltaren i Vestland

B. Drøftingar

1. Høyring for heilskapleg plan tilbodsstruktur for vidaregåande opplæring

2. Offentlege arbeidsplassar i Sogn

3. Folkevaldeprogrammet

C. Orienteringar

1. Profil og merkevare og prosjekt mat og drikkeregion v/ Line Bjelde, Sogn næring

2. Sogndal hotell - utbyggingsplanar v/ Jørgen C. Lindstrøm

3. IKT-tryggleik v/ Frode Rønning

4. Status for Sogndal og regionen per 2024. Er veksten i ferd med å stagnere? Kva har utviklinga i Sogndal å seie for resten av regionen? v/ Knut Vareide, forskar, Telemarksforsking

5. Ungdomsrådet

Frå kommunedirektøren:

1. Status barnehage Kaupanger

2. Endringar i inntektsordningar

3. Orientering om ureiningssak Lahella

4. "Vårreingjering" – ureining

5. Kyrkjestova på Kaupanger

6. Ikkje offentleg orienteringar

Orienteringar Punkt 6 Ikkje offentleg orienteringar Heimel for lukking av møtet jf. offentleglova §13, jf. kommunelova §11-5 Avrøysting: samrøystes vedteke at møtet vart lukka

D. Innkomne spørsmål Bjørn Christian Weinbach (Raudt):

Kor mange tilsette i Sogndal kommune har lønnstrekk jf særavtale SFS2201 §3.5? Om så er tilfelle, jobbar kommunen med redusere eller kvitte seg med

l lønstrekket?

Til dømes i rettleiar til SFS 2201 foreslår ein blant anna:

"For arbeidstakere som følger skoleåret, kan gjennomsnittsberegning av arbeidstiden være et alternativ til 11 % lønnsreduksjon i henhold til SFS 2201 punkt 3.5."

Svar: Kenth Rune Teigen Måren, kommunalsjef for oppvekst Denne særavtalen omfattar tilsette i barnehagar, skulefritidsordningar og skule. Den inneheld mellom anna ressursreglar knytt til leiing, og føresegner om arbeidstid og planleggingstid for tilsette i skulefritidsordningar, skular og barnehagar. For arbeidstakarar i barnehagar/skulefritidsordninga/skule som følgjer skuleåret kan partane lokalt avtale at lønna i staden reduserast med 11,0 %. Det kan også lokalt avtalast anna prosentvis lønnsreduksjon der arbeidsåret si lengde tilseier det. I Sogndal kommune er det ingen med lønstrekk, men ein praktiserer gjennomsnittsutrekning av arbeidstida. Kommande skuleår er det omlag 15 tilsette ved ungdomsskulane som er tilsett i stillingar mellom 80 og 90% . Elevane skal ha 190 skuledagar og dei tilsette arbeider 100 % desse dagane. Dei tilsette har redusert stilling for å kunne ha fri når elevane ikkje er på skulen. Tilsette som ynskjer å ha 100% stilling gjennom heile arbeidsåret, må inn i ei anna stilling t.d. i SFO/barnehage.

Bjørn Christian Weinbach (Raudt):

I desse dagar titter sola fram og varmen brer seg om Sognefjorden. Innbyggjarane i kommunen vår trekkjer til fjorden for å kjøle seg ned saman med vener og familie. Då er det veldig gledeleg å sjå at den 8.mai skriv Sogn Avis at ved badelaguna på Hagelin er dei i ferd med å sette opp eit tilbygg med toalett, dusk vaskerom og reinhaldsrom. Samtidig har me ei inngjerda badebryggje på Nybø. Biletet er då flunkande ny porselen i Hagelin vs roten avsperra badebrygge på Nybø. Det gir ikkje noko godt bilete. Bading ved fjorden er eit veldig viktig frilufts og aktivitetstilbod i kommunen mange nyter godt av og som skapar mykje glede. Kva kjem til å skje med kaien på Nybø no? Vil ein klare å gjere denne klar til årets badesesong? Er det andre fasilitetar knytt til bading i Fjorden i kommunen som treng vedlikehald og kan møte same skjebne?

Svar: Torgeir Bang, tenesteleiar veg og park. Vi vil presisere at det er badebrygga som er stengt. Badeplassen på Nybø er fullt funksjonell og i drift. Det er utført ein grundigare inspeksjon av badebrygga på Nybø. Berande konstruksjon er av ok tilstand og kan nyttast vidare. Dekke må skiftast ut og krysstabilisering må monterast/utbetrast + andre mindre justeringar, kostnadsoverslag er om lag 200 000 kr. Når dette no er finansiert gjennom støtte frå Sparebanken til ungdomsrådet vil anbodet bli lyst ut i dag eller i morgon. Er det andre fasilitetar knytt til bading i Fjorden i kommunen som treng vedlikehald og kan møte same skjebne? Det har blitt, og blir utført, vedlikehald på alle badeplassar i kommune:

- Arboret i Balestrand treng utbetring av stupetårn og montering av livredningsbøyer (arbeidsoppgåve lagt i system)

- Stupetårn i Eide treng utbetring (arbeidsoppgåve lagt i system)

- Badebrygge på Sjøkanten treng ny badestige (øydelagt i 17. maihelga, bestilt 21 mai 24)

- Søppelsystem for div badeplassar er blitt gjennomgått og det blir utført generelt vedlikehald på fleire plassar.

Per tid er veg og park avdelinga ikkje kjend med andre badeplassar som har akutte/ prekære behov. Vi er ikkje kjend med at andre områder kan bli stengd.

Knut Henning Grepstad (AP):

Kaien på Nybø på Leikanger. Spørsmålet vart svara ut i møte. Clara Øberg (AP):

Kvikkleireproblematikk. Kven tek kostnaden? Har KS sagt noko om dette? Korleis skal SK ta dette framover? Kommunedirektøren vil kome attende til kommunestyret med ei orientering om dette.

May Christel Bødal (SP):

Bødal ønskjer orientering frå hovudtillitsvalde på stoa for dei tilsette i kommunen.

Bjarte Haugen (V) Demensvennlege aldersbustader på Leikanger, kva er dei brukt til i dag og kva er planen framover?

Svar: Marit Reppen, kommunalsjef helse og omsorg Bufellesskapet blir i dag brukt til dagsenter 5 dagar i veka. 4 dagar til personar med demens og 1 dag for eldre. Dagsenteret bruker fellesareala, stovene og kjøkkenet og eit rom til brukar som treng å kvile i løpet av dagen. Dagsenteret blir drifta av heimetenesta. Det er pr. i dag ingen konkrete planer om å nytte desse lokala som demensvennlege aldersbustader. Viser elles til Agenda Kaupang sin rapport frå 2022.

Håkon Nesse (H) Kostnad basseng Leikanger, kva er status på dette? Spørsmålet vart svara ut i møte.

Vibeke Johnsen (SV) Etterlyser skilt som informerer om kva kommunen driv med, jf. byggeprosjekt og manglande slått grunna blomstereng osv.

Svar: Tage Rickard Sundell, tenesteleiar bygg og eigedom Godt innspel, fint tiltak for å synleggjere aktivitetar og opplyse om kva som skjer i kommunen.