Skriv, meldingar, drøftingar og orienteringar - kommunestyret 21. mars 2024

A. Skriv og meldingar

B. Drøftingar

C. Orienteringar

• Statsforvaltaren i Vestland v/ Liv Signe Navarsete

• Vestland fylkeskommune om Esefjordbrui v/ Gunnar Solbakken og Ingar Hals

• Simas v/ direktør Dagny Ugulsvik Alvik

• Miljøretta Helsevern Indre Sogn v/ Elin Åsnes Øvretun og Linda Øy

Frå ordføraren:

• Rehabilitering av kyrkjebygg, høyring tilskot. Kommunestyret slutta seg til at ordføraren og kommunedirektøren sender høyringsinnspel på vegne av kommunen og saman med Sognarådet.

• Sognarådet sitt møte med Stortingsbenken.

• Folkevaldprogram frå KS 22. mai 2024.

Frå kommunedirektøren:

• Sogndal kommune har fått 200.000 i tilskot frå Statsforvaltaren til arbeidet med tillitsreforma.

• Årsresultat.

D. Innkomne spørsmål

Vibeke Johnsen (SV):

1. Erfaringar med beredskap denne vinteren? Kan vi få ei orientering frå ordførar og adm om korleis beredskapen har fungert og ev forbetringspunkt etter evalueringane?

Svar: Kristin Rundsveen Bøtun, kommunalsjef samfunn

Me står overfor ei verd som stadig vert meir utfordrande og uforutsigbar. Veret vert våtare, villare og meir ekstremt. Den sikkerheitspolitiske situasjonen er meir krevjande enn på lenge. Trugslar utfordrar sårbarheiter på nye vis. For Sogndal kommune er ambisjonen: ved neste høve, skal me vere budd på at det vil skje meir, men det skal koste oss mindre. Det har vore gjentatte hendingar vinteren 2023/2024 der beredskapen i kommunen har vore stilt på prøve. Generelt har det vore skredfare, flaum og skred/ras, stengde vegar og preventivt stengde vegar som har vore utfordringane. Det er primært tre tilfelle: 16.-19. desember 2023, 21.-29. januar 2024 og 1.-5. februar 2024. Det har og vore brot på vassforsyning, seinast 10.03.2024, som har utfordra normalsituasjonen og kommunen si beredskapsevne. Kommunen har sett aktiv kriseleiing ved eitt høve, 16.-19. desember. Dei andre har kriseleiinga i hovudsak vore i observasjonsfase og følgt situasjonen nøye. Samtlege hendingar har utfordra ulike einingar i kommunen, nokre i stor grad. Beredskapen har vore god, og kvart tilfelle har og gitt gode læringspunkt slik at organisasjonen har stått stødigare.

Nokre hovudpunkt bør takast fram for å beskrive korleis beredskapen har fungert:

• Det har vore god dialog og samhandling med nødetatar gjennom alle hendingane. Det gjeld politi, Sogn brann og redning og AMK. Kommunen har og hatt aktiv dialog med mellom anna Sivilforsvaret, Røde Kors og Redningsselskapet. Opplevinga er at beredskapen har vore avstemt og aktørane har hatt eit godt situasjonsbilete. Informasjonsutveksling går mellom alle partar.

• Sogndal kommune si kriseleiing, leia av kommunedirektøren, er styrka gjennom både øvingar og hendingar det siste året. Spesielt er proaktiv stabsmetodikk innført som metode, nytt system for krisestøtte er innført og vert stadig tatt meir i bruk i organisasjonen for å handtere både varsling, logging og informasjonsdeling. Dette har bidrege i positiv retning.

• Det har og vore god dialog mellom Sogndal kommune og andre statlege aktørar. Mellom anna Statsforvaltaren Vestland sine samordningsmøte ved utsending av farevarsel, samt NVE og Met for å avklare ulike faresituasjonar og rastilhøve i kommunen.

• Samtlege tenesteområde i kommunen har vore utfordra. Hendingane viser at organisasjonen har stor handteringsevne og løyser utfordringar. Hendingane har og vist at ved kvart høve har organisasjonen vore betre budd på å handtere situasjonen. For kvart tilfelle har einingane vore betre budd, og tidlegare budd.

Forbetringspunkt:

• Handtering av informasjon er alltid utfordrande i ein situasjon med uønska hendingar. Dette gjeld informasjonsdeling både internt, men og spesielt eksternt. Dette er det området der det er størst forbetringspotensiale ut frå erfaringane med hendingane i vinter. Dette gjeld alt frå pressemeldingar, samhandling med presse, til utarbeiding av informasjon som ligg fast på heimesida til kommunen, og meldingar som går ut frå kommunen i fleire ulike kanalar.

• Kommunedirektøren vil fortsette å systematisere, styrke og bygge beredskapsorganisasjonen. Det er mogleg å hente gevinst av å bygge vidare på erfaringane som er gjort og gjere einingane betre i stand til å handtere uønska hendingar. Det gjeld planverk, men og trening og øving av organisasjonen for å handtere ulike hendingar.

• Eit område som kommunen har erfart vil vere krevjande er oppretting og drift av eit større evakuert- og pårørandesenter. Her har kommunen gjort tiltak ila. vinteren for å førebu organisasjonen, dette mellom anna saman med politiet. Arbeidet vert vidareført.

• Kommunalt beredskapsråd er ikkje eit krav, men tilrådd. Det er eit mål for kommunen å etablere dette ila. 2024 for ytterlegare å styrke samvirket med andre beredskapsaktørar, samt og private og frivillige. Bjørn Christian Weinbach (R):

2. 1. mars 2024 hadde arbeidsgivarutvalet møte. I dette møtet orienterte KS ved områdedirektør/advokat Tor Allstrin KS advokatene ikkje kan bistå kommunen vedrørande oppfølging av varsel. Kvifor kunne ikkje KS bistå med dette?

Svar: Stig Ove Ølmheim, ordførar

KS advokatane bistår Sogndal kommune i andre saker. KS advokatane er tett på kommunedirektørane, og samhandlar difor nært med dei.

Bjarte Haugen (V):

3. Korleis er framdrifta med forureiningsakene i kommunen, mellom anna på Fimreite og i Kaupangerelvi?

Svar: Åsmund Veigel Gaukstad, plansjef

Fimreite – det er framleis pålegg om opprydding og fristen er sett til august 2024. Grunneigar opplyser at det er gjort om lag 2/3 av arbeidet. Det vil bli gjennomførd tilsyn til våren, for å gjere ei sjølvstendig vurdering av kor mykje arbeid som står att, og korleis arbeidet er gjennomførd til no. Elles vert det jobba med fleire saker, der kommunen føl fast metodikk med tilsyn, innhenting av opplysningar og ulovlegheitsoppfylging der dette er naudsynt. Kaupangerelvi – Tiltaksplan for ureining frå det gamle avfallsanlegget er sendt inn til godkjenning til Statsforvaltaren. Kommunen vil gjera tilsyn på oljeutskiljarar. Statsforvaltaren er mynde på bedriftene på industriområdet.

4. Vestland fylke sitt jordvernmål og temaplan:

Om vi tek utgangspunkt i det nasjonale jordvernmålet og Vestland sin del av dyrka jord i landet, skal omdisponert dyrka jord per år ikkje overstige 9% av det nasjonale jordvernmålet. Det vil seie at det maksimalt kan omdisponerast 180 dekar per år i perioden 2023-2027. Korleis forheld kommunen seg til temaplanen?

Svar: Kristin Rundsveen Bøtun, kommunalsjef samfunn

Kommunen har lagt til grunn dei nasjonale jordvernmåla i sitt arbeid med arealplanen. Det same er gjort i målsettingane som er vedteke i kommunen sin samfunnsplan.

5. Det er mykje snakk om tap natur, og typar av natur. Det er eit stort kompetansemiljø på HVL som jobbbar med korleis menneskeleg aktivitet påverkar naturen, berekraftig forvalting, restaurerng og bevaring av naturmangfald. Kan kommunen t.d. invitere Inger Auestad til å prate i 10 min til neste møte?

Svar: Ordføraren svara i møte.

6. Er det trykte lærebøker til alle elevar i grunnskulen?

Svar: Kenth Rune Teigen Måren, kommunalsjef oppvekst

Det er gjennomført ei lita kartlegging og tilbakemeldinga frå rektorane er at alle elevar har trykte læremiddel. Samstundes har dei fleste elevane har ei blanding av trykte læremiddel (både reine lærebøker og eingongsbøker) og digitale læringsressursar. Det var i samband med innføringa av læreplanreforma Kunnskapsløftet lagt vekt på læraren sin kompetanse, valfridom og fleksibilitet i høve val av læremiddel, slik at elevane best kan oppnå kompetansemåla i læreplanen.

Rita Navarsete (Frp):

7. Hundedriten ligg over alt – kva kan vi få gjort med dette? Oppmoding til hundeeigarar om å ta ansvar for å rydde etter seg.

Kommunestyret si handsaming av sak 26/2024 i møte den 21.03.2024:

Handsaming