Intensjonsvedtak - Etablering av Sunnhordland Hamn IKS

• Kvinnherad kommunestyre vedtek med dette ein intensjon om å saman med Stord kommune etablera eit interkommunalt hamneselskap i samsvar med kommunelova §17-2 og lov om interkommunale selskap (IKS-lova) §1

• Selskapet skal ha namnet Sunnhordland Hamn IKS. I dette ligg også ei langsiktig målsetjing om at selskapet kan/bør utvidast med fleire kommunar i regionen

• Eit vilkår for etablering av selskapet vil vera at lokalisering av ny ferjekai på Stord er vedteken innan slutthandsaming av saka • Kommunestyret vedtek å setja ned eit interimstyre saman med Stord kommune. Interimstyret skal gjera naudsynte avklaringar mellom eigarkommunane, og utarbeida naudsynte dokument før endeleg vedtak om oppretting av det interkommunale selskapet, samt delegering av mynde (jf. hamne- og farvasslova §4).

• Interimstyret skal utarbeida framlegg til:

o Selskapsavtale

o Eigarstrategi

o Verdsetjing av den einskilde kommunen si hamneverksemd- og anlegg som skal

inngå i hamneselskapet, og dermed definera kvar kommune sine innskot i selskapet i høve eigarbrøk

o Økonomisk analyse

Verdsetjinga skal ta omsyn til både hamneanlegg og organisasjon i begge kommunane. Det skal leggjast fram ein dokumentert balanse som tek omsyn til marknadsposisjon, inntekter (både faktiske og potensielle), ev. festekontraktar og hamnerettar, bygningar, areal, utstyr, fond m.v. Verdsetjinga skal liggja til grunn for avtalt eigarbrøk mellom kommunane. Kommunestyra avgjer eigarbrøk ved endeleg vedtak i saka, og om det skal tilførast ytterlegare eigenkapital frå kommunane utover innskot som følgje av oppnåing av den avtalte eigarbrøken. Selskapsavtalen skal oppfylla lovpålagde krav etter IKS-lova. Avtalen må definera føremål med selskapet og prinsipp for forretningsmessig drift for den kommersielle delen av hamneverksemda, samt prinsipp for utøving av den samfunnsmessige rolla i dei deltakande kommunane. Den økonomiske analysen bør innehalda utkast til eit driftsbudsjett, investeringsbehov, lånegjeld, prognose for inntekter og risiko for ein vanleg kommunal økonomiplanperiode, i tillegg til eit utkast til ein økonomiplan for selskapet dei ti første åra. Organisering og bemanning skal avklarast, herunder også retningslinjer for framtidig fordeling av arbeidsplassar som følgje av ny aktivitet i eller kring selskapet. I lys av at Stord kommune allereie har ein etablert og velfungerande hamneorganisasjon, er det naturleg at selskapet sitt hovudkontor vert lokalisert på Stord. Eigarstrategien må avklara:

• Kva selskapet skal vera

• Kva samfunnsoppdraget er

• Forventningar til avkastning

• Investeringsstrategi

• Klima- og næringspolitisk rolle All offentleg hamneverksemd i kommunane skal leggjast til selskapet. Dette medfører at mynde etter hamne- og farvasslova også skal delegerast til selskapet. Interimstyret skal bestå av tre representantar frå kommunestyret i Kvinnherad, og tre representantar frå kommunestyret i Stord, kommunedirektøren i kvar av kommunane (eller den han peikar ut i sin stad), økonomisjef i begge kommunane samt ein representant med særleg kjennskap til hamneverksemd frå kvar av kommunane som vert oppnemnde av kommunedirektørane. Frå Kvinnherad kommunestyre vert valt:

• Ordførar Vegard Bjørnevik

• Vara: Knut Johannes Helvik

• Varaordførar Thea Vaage

• Vara: Maren Elise Skogseth

• Veronica Thorkildsen Thorsen

• Vara: Ove Lemicka

Kommunestyret si behandling i møte den 24.09.2026:

Nytt framsett endringsforslag frå Ove Lemicka, Frp:

Eit vilkår for etablering av selskapet vil vera at lokalisering av fergekai er avklara og ei realistisk innkortning under 30 minutts overfart og er vedteken innan slutthandsaming av saka. Vestland fylkeskommune skal òg vedta ein forpliktande utbyggingsplan for den nye ferjekaien Oversyn over prioritert liste med investeringsprosjekt. Nytt forslag frå Oddmund Skår, H:

Forslag til interimstyre IKS HAMN, •

o Ordførar Vegard Bjørnevik

o Vara: Knut Johannes Helvik

•

o Varaordførar Thea Vaage

o Vara: Maren Elise Skogseth

•

o Veronica Thorkildsen Thorsen

o Vara: Ove Lemicka

Røysting:

Formannskapet si innstilling vart samrøystes vedteken. Ove Lemicka (Frp) sitt endringsforslag vart samrøystes vedteken. Oddmund Skår (H) sitt framsette forslag vart samrøystes vedteken.