Utvida skjenketid under fotball-VM 2026

I perioden 11. juni til 19. juli 2026 vert skjenketida innandørs for gruppe 1 og 2 i Kvinnherad utvida frå klokka 01.30 inntil kl. 05.00 for innehavarar av faste skjenkeløyve som:

• Syner direktesendt VM-kamp på storskjerm

• Har gitt tilbakemelding til kommunen om kva kampar/datoar dei skal nytta seg av utvida skjenketid, seinast 3 dagar før den aktuelle utvida skjenkinga.

• Avsluttar skjenkinga straks kampen er ferdig, og seinast kl. 05.00 sjølv om ikkje kampen er over. I «venteperioden» frå kl.02.00 og fram til kampstart skal det sendast VM-studio eller tilsvarande program. Under sjølve kampen er det berre den direktesende sendinga som skal vera på.

Kommunestyret si behandling i møte den 21.05.2026:

Veronica T. Thorsen (SP) er automatisk inhabil - gitt uttale i saka. - 34 røysteføre til å behandle saka. Innstillinga frå kommunedirektøren: 17 røysta for og 17 røysta mot. Med ordførar si dobbelsrøyst vart innstillinga vedteken.