Spørsmål og svar

Kommunestyret si behandling i møte den 10.04.2025:

Frå Silje Nordtveit Olsen, Sv:

I kommunestyret i juni 2024 vedtok kommunestyret å senda tilbake saka om husleigesatsar. Det var vedteke å greia ut punkta 1: kva vert den økonomiske konsekvensen av å avvikla kommunal bustønad

2. kva vert konsekvensen av å setta ned prisen på husleiga og få faste husleigesatsar basert på standard og soverom? Denne saka har framleis ikkje komen til ny handsaming hjå kommunestyret. Kan ordførar orientera om når kommunestyret kan få saka til handsaming og sakshandsaminga som er gjort undervegs? Kommunedirektøren svarar:

Det er berre å beklage at ein heng litt bakpå med tidsbruken her. Målet er at saka kjem opp til behandling før sommarferien, det skal vera realistisk. Det er ikkje slik at det ikkje er gjort noko, men vil ikkje bruke tid her på å gå deltaljert inn i kva som er gjort. Det greier eg ikkje her og no. Saka har vore debattert tidlegare, bl.a. under budsjettsamling på Halsnøy. Saka vil komma til behandling i kommunestyret.