Detaljregulering for del av 131/4 og 123/13 - Turistanlegg - Uskedalen - planID 20220004 (2021/3531) - 2. gangs behandling

Kommunestyre i Kvinnherad kommune godkjenner forslag til detaljregulering for del av gnr. 131/4 og 123/13, Turistanlegg- Uskedalen, planID 20220003 med heimel i plan- og bygningslova (pbl) § 12-12. Det er føresett oppheving av delar av følgjande plan, avgrensa til det området der dei to planane dekker same areal:

￿Reguleringsplan for turistanlegg Uskedalen -131/2,4 og 123/13, planID 4617_20110010 Administrasjonen gjevast fullmakt tl å gjere tekniske justeringar i plandokumenta som ikkje skal endra på innhaldet i planen. Rettshavarar og naboar skal underrettast i samsvar med reglane, og planen skal kunngjerast i lokalpressa og i kommunen sine elektroniske medium. Grunnlaget for kommunal eigengodkjenning er til stades.

Kommunestyret si behandling i møte den 20.06.2024:

Habilitetsvurdering:

Jostein Saghaug, MDG, er nabo til reguleringsområdet og medeigar i sameiget som har elverettar i den delen av Uskedalselva som inngår i reguleringsplanen. Representanten Jostein Saghaug, MDG, er å rekna som part i saka og blir inhabil, jf forvaltningslova § 6 første ledd bokstav a. Jostein Saghaug gjekk frå møtet under behandlinga.

Avrøysting:

Plan, teknikk og miljøutvalet si innstilling vart einstemmig vedteken.