Omsorgsbustadar Heradstun - Utval for evaluering av utvikling i kostnadsbilete

I saka om Omsorgsbustadar Heradstun - Utval for evaluering av utvikling i kostnadsbilete ynskjer èin at utvalet som skal vurdere og evaluere kostnadsbildet i denne saka er kontrollutvalet.

Kommunestyret si behandling i møte den 25.04.2024:

Nytt framsett forslag frå SilviacTofte (H):

I saka om Omsorgsbustadar Heradstun - Utval for evaluering av utvikling i kostnadsbilete ynskjer èin at utvalet som skal vurdere og evaluere kostnadsbildet i denne saka er kontrollutvalet. Nytt framsett forslag frå Per Harald HL Johansen (Ap):

Det blir sett ned eige utval i tråd med tidlegare vedtak i Kommunestyret.

• Formannskapet får fullmakt til å setje ned og utforma utvalet

• Formannskapet får fullmakt til å vurdera omfanget til arbeidsområdet.

Habilitetsvurdering:

Kristoffer Tufta, H, ba kommunestyret vurdera sin habilitet i denne saka då har styreleiarverv i eit selskap som eig 25% av Byggservice og nær familie har eigarprosent i same selskap. Tufta gjekk frå møtet under habilitetsvurderinga. Kommunedirektør si vurdering:

Grunnlag: Lovavdelinga i Justis – og beredskapsdepartementet har i fleire uttalar oppstilt som hovudregel at ein person vert inhabil etter forvaltingslova § 6 andre avsnitt dersom han eller nær familie har eigardelar i eit selskap som er part eller har sterke reelle interesser i saka. Ein er likevel ikkje inhabil dersom det dreier seg om ein beskjeden aksjepost både i verdi og i forhold til tal aksjar i selskapet. Konklusjon: Kommunedirektør meiner på dette grunnlaget at representanten Tufta sitt styreleiarverv i eit selskap som eig 25% av Byggservice, i kombinasjon med nær familie sin eigarprosent, klart utgjer «særegne forhold egnet til å svekke tilliten til hans upartiskhet», og at representanten Tufta dermed er inhabil etter forvaltningslova § 6 andre avsnitt. Det vart røysta over habilitetsforslaget, forslaget frå Kommunedirektør vart einstemmig vedteke. Tufta vart dermed inhabil i saka og var vekke frå møtet under behandlinga.

Avrøysting:

Per Harald H.L.Johansen (Ap) sitt forslag fekk 11 røyster (Ap, Sv, Mdg og V) og fall. Silvia Tofte (H) sitt forslag fekk 23 røyster og vart vedteke.