2. gangs behandling detaljregulering for Børnes næringsområde -134/24 med fleire Plan ID 20190006

Kommunestyret i Kvinnherad kommune godkjenner forslag til detaljregulering for Børnes næringsområde – eigedomsnr. 12/24 med fleire Plan ID 20190006, med heimel i plan- og bygningslova (pbl) § 12-12. Siste revisjon av føresegner er datert 22.02.2024. Siste revisjon av plankart og planomtale er datert 05.10.2023. Det er føresett oppheving av følgjande plan(ar): reguleringsplan for Børnes, Uskedalen, planID 19780007 Vedtaket vert gjort på følgjande vilkår før kunngjering:

1.Administrasjonen får fullmakt til å gjere tekniske og visuelle endringar i plankart, føresegner og planskildring før kunngjering. Endringane skal ikkje endre innhaldet i planen. Rettshavarar og naboar skal underrettast i samsvar med reglane, og planen skal kunngjerast i lokalpressa og i kommunen sine elektroniske medium. Grunnlaget for kommunal eigengodkjenning er til stades.

Kommunestyret si behandling i møte den 21.03.2024:

Spørsmål frå Jostein Saghaug, MDG:

• Er det avsett økonomiske midlar til trafikksikring - nytt kryss inn til industriområdet, samt innregulert ny busshaldeplass?

• Er det avsett økonomiske midlar til infrastruktur i industriområdet?

• I forbindelse med utkjøp av bustad i industriområdet - kva budsjettmidlar er nytta?

Svar frå sektorleiar Samfunnsutvikling Anbjørn Høivik i samråd med sektorleiar Teknikk og Miljø, Sigbjørn Øye:

- Nei, det er ikkje avsett spesifikke midlar. Det er krav om å utarbeida nytt romslegare kryss med betra sikt, samtidig som ein etablerer ny infrastruktur i industriområdet. Det er ikkje rekkefølgekrav om trafikktrygging i form av GS-veg/fortau eller busslomme langs FV 500, før tilrettelegging i industriområdet.

- Nei, ikkje spesifikke midlar. Mindre deler av midlar i tiltaka P4004 (tilrettelegging næringsareal) og P4024 (Grunnerverv, tilrettelegging m.m.) kan vurderast brukt, med det trengs uansett ny budsjettløyving med meir midlar før ev. utbygging.

- Kvinnherad kommune har gjort 2 strategiske oppkjøp i området, 2 bustadhus som no er regulert til industri. Dette er eigedomane gnr/bnr 134/14 og 134/22. Finansiert med investeringsmidlar frå P4024.

Røysting:

Innstillinga frå Plan, teknikk og miljøutvalet vart einstemmig vedteke.