Søknad om støtte til etablering av næringshage

Det vert vedteke at Kommunestyret i Kvinnherad kommune løyver kr 375.000 i eingongsstønad til Kvinnherad Næringsservice AS til utgreiing og etablering av ein felles næringshage mellom Kvinnherad og Ullensvang. Finansieringa av støtta blir gjort ved revidering av budsjett for 2024. Følgande vilkår blir sett til søknaden:

1.Dialog og samhandling med Siva/VLFK vedr. etablering av ein ny næringshage 2.Dialog og samhandling med aktørar relevant for å kunne yte framtidige, kvalitative tenester til næringslivet i kommunen 3.Utarbeiding av alternative strategiar for å sikre langsiktig finansiering 4.Løyvinga vert gjort dersom Ullensvang held ved lag tilskotet sitt eller går inn med tilsvarande beløp som Kvinnherad kommune. Kvinnherad Næringsservice AS skal i starten av 2025 leggje fram orientering for Kvinnherad Kommunestyre om resultat av utgreiinga inkl. ressursbruk.

Kommunestyret si behandling i møte den 23.05.2024:

Frå INP; Framsett forslag om utsetjing av saka:

Inp ynskjer å utsetje saka. Tilbakemeldingane vi har fått tyder på at medlemsbedriftene ikkje har vore med å utarbeida søknaden og at det heller ikkje er forankra på eit årsmøte i KNS. Vi ynskjer eit dialogmøte mellom formannskapet og bedriftene i KNS for å høyra kva dei meiner om saka før det vert bevilga pengar til ei slik utredning. RØYSTING OVER UTSETJINGSFORSLAGET: forslaget fekk 8 røyster (Inp og Frp) og fall. Nytt framsett forslag frå repr. Thorsen (Sp):

Tilleggspunkt til innstillinga:

• Løyvinga vert gjort dersom Ullensvang held ved lag tilskotet sitt eller går inn med tilsvarande beløp som Kvinnherad kommune. Nytt framsett forslag frå repr. Lemicka (Frp):

Nytt punkt 5.:

Det er eit krav at næringshagen skal ha lokasjonar både i Ullensvang og Kvinnherad. Nytt framsett forslag frå repr. Johansen (Ap):

Kvinnherad Næringsservice AS skal i starten av 2025 leggje fram orientering for Kvinnherad Kommunestyre om resultat av utgreiinga inkl. ressursbruk. RØYSTING:

Lemicka (Frp) sitt tilleggspunkt fekk 9 røyster (Lemicka, Svindland og Lakselv (alle Frp), Langeland (Krf), Kristensen, Flatland og Tufta (alle H), Saghaug (Mdg), Aakre (Inp) og fall. Kommunedirektøren si innstilling, og nye framsette tilleggspunkt frå Thorsen og Johansen vart samrøystes vedteken.