Spørsmål og svar

Kommunestyret si behandling i møte den 20.06.2024:

SPØRSMÅL OG SVAR TIL KOMMUNESTYRET 20.06.2024

Ove Lemicka FrP – JP 24 – SVAR V/ORDFØRAR

Spørsmål nr 1. Gjeld tildeling av driftstilskot til private barnehagar. Bryt kommunen regelverket utrekning av rett tilskot? Eg viser til medieoppslag om at det over fleire år har vore usemje mellom privatdrivne barnehagar i Kvinnherad og organisasjonen deira på eine sida og Kvinnherad kommune på andre sida om utrekning av driftstilskot som skal tildelast etter klare fastsette kriterier. Klagane går ut på feil utrekning og utelating av kostnader som skal vera med i utreningsgrunnlaget. I tillegg at kommunen ikkje svarer på klager (enskildvedtak etter forvaltningslova). Vedtaka til kommunen skal vera oppheva av Statsforvaltaren i eit vedtak

11. april i år. Det er etter mitt skjøn ikkje blitt informert til verken kommunestyret, formannskapet eller levekårsutvalet om at det over tre år har voreusemje/konflikt med barnehagane om desse tildelingane – eller at vedtaket til kommunen er oppheva av Statsforvaltaren. Eg ber difor ordføraren syta for at denne saka blir belyst i ei eiga sak til formannskapet, slik at vi kan vurdera saka og eventuelle tiltak?

Svar 1: Utgreiing er sendt ut i protokoll frå formannskapet sitt møte den 06.06.2024

Spørsmål 2: Kvinnheradpakken – krav om prosjektrekneskap og gjennomføringsrapport. Denne saka har eg tatt opp ved fleire høve. Det har blitt orientert om at prosjekta i Kvinnheradpakken er blitt dyrare enn forventa og at prosjekt seinare i porteføljen difor ikkje har turvande finansiering. Det har derimot på trass av fleire oppmodingar ikkje gitt fullnøyande indformasjon om kvifor prosjekta har blitt dyrare. Er det dårleg prosjektering og gjennomføring eller andre årsaker som prisauke i anleggsmarknaden? Det vi har sett er at gjennomføringa går trått fleire stader og det kjem ikkje gode forklaringar på kvifor det tek slik tid. T.d. har Krokatunnelen stått tilsynelatande ferdig i eit halvt år medan informasjon vi får seier at vegbana delvis er blitt oppgravd for å retta feil og at tverrsnittet i tunnelen kanskje ikkje er bygd etter krava, slik at ferdigattest vert vanskeleggjort. Ikkje veit eg kva som er rett eller feil i slik informasjon. – Og det er dette som er problemet. Kvinnheradpakken er finansiert med svært mykje midlar frå Kvinnherad kommune og kvinnheringane gjennom biompengebetaling. Då må og kommunen og innbyggjarane få prosjektoversyn og rekneskap over korleis Vestland fylkeskommune har brukt pengane i prosjekta. Ordføraren og våre representantar må difor i kontaktutvalsmøte som skal vera om få dagar få på bordet vedtak om rapportering av ressursbruk og gjennomføringsrapportar for dei ulike prosjektdelane i Kvinnheradpakken. Kan Ordføaren syta for dette

Svar 2: Møte med VLFK vart utsett frå 17.06.2024 til ubestemt tid. Dette skulle vera eit av tema i dette møtet.

Gunnar Helleland Kvinnherad INP – JP 25 – SVAR V/ORDFØRAR

Ordførar! Sak 1: I førre kommunestyre vart det stilt spørsmål om BKK frå underteikna. Svaret som kom knytt til flytting til ny lokasjon på Husnes var lite håpefullt for arbeidsplassar og beredskap i kommunen vår. INP likar ikkje når ein blir svart på ein måte som kan oppfattast utanfrå som om at vi ikkje ønskjer å vera ein konstruktiv samarbeidspartnar for BKK. INP er opptatt av at dei skal få utvikle selskapet sitt, men INP er like opptatt av at avtaler som er inngått vert overheldt, det viser nemleg at ein er ein konstruktiv samarbeidspartnar, som tenkjer på alle involverte partar.

Spørsmål 1: Vi ynskjer eit klart svar frå ordføraren på: Vil ordføraren jobba for at BKK forheld seg til avtalen som vart signert ved overtaking ved salet av Kvinnherad Energi, slik at vi beheld arbeidsplassane i Dimmelsvik og sikrar beredskapen i Kvinnherad kommune? Sak2: For oss som følger litt med på kva som skjer i Eviny og BKK så ser det ut som selskapet vert meir og meir eit investeringsselskap, leda av økonomar uten fagkompetanse på levering av kraft. Fagkompetanse er spesielt viktig med tanke på beredskapen i kommunen vår når det gjeld stabil og sikker levering av kraft til kundane. I denne samanhengen så meiner INP at Kvinnherad kommune må støtta utskifting av styreleiar i Eviny, så det kjem inn ein styreleiar med fagkompetanse for kraft og beredskap. Ja, Kvinnherad kommune eig berre 0,91% av aksjane i Eviny, men det er fullt mogeleg å påverka kven som skal sitja i styret i rett retning under generalforsamlinga. Dette må sjølvsagt skje i lag med dei andre eigarane, som også har mykje av dei same utfordringane som Kvinnherad.

Svar spørsmål 1: Ordførar vil gjenta seg sjølv, og er opptatt av avtalen inngått med Kvinnherad kommune skal bli ivareteke og meiner det er sjølvsagt han skal vera med og sjå til at tidlegare avtalar inngått med Kvinnherad kommune blir følgt opp. Spørsmål 2: Skal vi støtta Eviny som eit investeringsføretak, eller vil Ordføraren med kommunestyret jobba for at Eviny og BKK må konsentrera seg om kjerneområdet sitt, som er å levera stabil kraft til ein fornuftige pris til sine kundar?

Svar spørsmål 2: Ordføraren deltek i eigarskapsmøta og generalforsamlinga til Eviny, han er og tett på prosessen som er satt i gang angåande val av nytt styre, i samarbeid med dei andre omeingskommunane ( kommunar med lavast eigarandel). Han har og orientert og drøfta dette i eigarskapsutvalet til Kvinnherad kommune, som er utvalet som følgjer opp kommunen sine eigarskap. Etter sommaren vil me få eigarskapsmeldinga til behanding i kommunestyret, og denne vil fungera som eit arbeidsverktøy for eigarskapsutvalet det neste året. Her har kommmunestyret moglegheit til å påverke korleis me skal forholda oss til dei forskjellige eigarskapa kommunen har og legjge ein strategi for det vidare arbeidet der.

Heidi Bolette Jakobsen Kvinnherad INP – JP 26 – SVAR V/KOMMUNEDIREKTØR

Eg kjenner eg er frustrert og eg lurer på om det er noko me kan gjera? Det gjeld lærarar me har i kommunen, eg veit ikkje kor mange det gjeld, men eg veit det gjeld nokon. Nye ansiennitetsreglar tredde i kraft etter Hovedtariffavtalen i KS 27 . september 2022. Endringane førte til at dersom ein har søkt og fått nytilsetting etter 27. september 2022, har søkaren fått godskrive all tidlegare privat og offentleg teneste i lønnsansienniteten. Men for den som er tilsett før 27. september 2022, godskrives kun den offentlige ansienniteten. Dette vert opplevd urettferdig. I praksis betyr det at nye kjem inn på arbeidsplassen med full utteljing, medan dei sjølve ikkje får utteljing for tilsvarende praksis, berre på grunn av at ein vart tilsett på feil tidspunkt. Ved at ein tar kontakt med kommunen får ein til svar: «Dersom ein skal få endra ansienniteten etter nye reglar må ein byte jobb. Dvs. at ein må søkja seg jobb utanfor Kvinnherad kommune og søkja seg attende til kommunen seinare. Då vil ansienniteten bli rekna på ny etter nye reglar kor all praksis blir tatt med.» Og rådet? Jo, det har ein tatt og fleire har no søkt seg ut av kommunen. Er dette måten me ynskjer å løyse lærarmangelen me har i kommunen? Eg veit ikkje kva det ville ha kosta kommunen å lønne dei tilsette på lik linje, men eg synes det må sjåast på. Har me råd til å ikkje gjera noko? Fitjar kommune har løyst det med at alle dei meinte kunne ha krav på meir ansiennitet skulle få det. Argumentasjonen deira?

• Alle skal handsamast likt, og at ein syntest at det var urimeleg at den nye regelen kun gjaldt nytilsette.

• Dei ynskja behalde lærarane ein hadde i kommunen.

• Dei ville ikkje miste lærarane sine til nabokommunar. Eg kjenner eg er frustrert, kva gjer Kvinnherad kommune med denne problemstillinga? Er dette måten me ynskjer å løyse lærarmangelen me har i kommunen?

Svar:

I Hovudtariffavtalen som gjeld frå 01052022 kom det nokre viktige endringar:

Endringane gjeld lønnsansiennitet:

Bestemmelsen er endret slik at alle arbeidstakere får medregnet all privat tjeneste ved tilsetting. Godskriving av all privat tjeneste som følge av endrede bestemmelser i HTA 12.1.1 første ledd er gjeldende for arbeidstakere som har tiltrådt stilling etter 30. april 2022.

Dette betyr at alle tilsette i offentleg sektor som vert tilsett etter 30. april 2022 får med seg all privat teneste i utrekninga av ansiennitet. (Utdanningsforbundet var i streik, og verknadsdato for medlemane deira vart 27.09.22).

Dei sentrale partane vart også einige om at avtalen ikkje har tilbakeverkande kraft for dei som var tilsett før 01.05.2022. Det betyr at dei som har signert arbeidskontrakt før 01.05.2022 ikkje får utrekna ansiennitet på nytt etter nye reglar. Dei vil kun få rekna ansiennitet etter nye reglar dersom dei søkjer anna stilling, eller blir tilsett på nytt etter å ha vore ute av kommunen.

Når det gjeld å behalde og rekruttere kan kommunen gje høgare løn enn minsteløn i hovudtariffavtalen til grupper av tilsette. Dette skal drøftast mellom dei lokale partane og forankrast i lønspolitisk plan.

Lønspolitisk plan er evaluert av partane dette året og vart lagt fram for administrasjonsutvalet

30. mai. Neste år skal partane lokalt revidera planen totalt og den vert lagt fram politisk. Når det gjeld rekruttering så seier den gjeldande planen at heller enn å auke grunnlønna, skal kommunen nytta eingongsbeløp for å tiltrekkje nye tilsette innafor fagområde det er utfordrande å rekruttera til.

Kommunen har ikkje fått mange henvendingar knytt til denne problemstillinga og tema vart difor ikkje omhandla i lønspolitisk plan ved evalueringa som var. Per A Svindland FrP – JP 27 – SVAR V/ORDFØRAR

Eg har jobbet i lengre tid med å få et Apotek i Rosendal sonen. Apotek 1, har sagt, at hvis vi klarer å skaffe farmasøyter, så skal de komme til Rosendal. Boots Apotek, har 2 Apotek i Odda. Har snakket med Boots, men de er ikkje kommet tilbake med et svar. Eg meiner, at et av disse Apotek, kan flyttes til Rosendal. Grunnlag for å ha et Apotek i Rosendal, er ca 111 000 turister og fastboende i Rosendal sonen. Kan ordføreren ta tak i dette å få det gjennomført?

Svar: Ordfører synest at det er flott at representanten kjem med slik gode initiativ, og kommunen skal bidra med å svare ut slike relevante spørsmål. Dersom ordføraren skal sjå meir på slike saker, så må eventuelt kommunestyret instruere ordfører om det. Å tilsetja farmasøyt er nok ikkje noko ordførar kan gjera.

Veronica T Thorsen SP - JP 28 – SVAR V/KOMMUNEDIREKTØR

Me har fått opplyst at Erslandsparken framleis ikkje er ferdigstilla. Me har og fått meldingar frå personar som har nokre bekymringar kring parken og me ynskjer difor at ordførar avklarar nokre spørsmål.

1. Er rulleskiløypa laga i tråd med vedtaket i kommestyret?

Svar: Det er uklart for kommunedirektør kva kommunestyrevedtak det er referert til her, då politisk behandling av Erslandsparken kun har handla om økonomi. Prosjektering og utforming av løypa er gjort av firmaet Deltacon på vegne av Ternen. Kvinnherad kommune og entreprenør har prøvt å legga seg så nærme denne traseen som praktisk mogleg ved utforming av løypa.

2. Er det no ei godkjent rulleskiløype eller ei turløype? Dersom det ikkje er ei godkjent rulleskiløype, vil då kommunen gjera tiltak som gjer at denne også kan brukast av nybegynnarar på rulleski? ( viser her til svingutbetring/ nedkøyrsel)

Svar: Løypa er godkjent som turløype fordi det er dette Ternen søkte idrettsfunksjonell førehandsgodkjenning og spelemidlar til. Det er og turveg som står beskrive på teikningane frå Ternen som følgde med søknadane. Ei endring av spelemiddelsøknaden til rulleskiløype (frå nærmiljøanlegg-ordning til ordinæranlegg-ordning) ville diskvalifisert frå tilsegn då løypetraseen ville vore for kort. (min 1 km). Dette er krav som prosjektet ikkje har hatt økonomi eller ressursar til å innfri. Det er og mykje som peiker på at korkje areal eller terreng har vore tilstrekkeleg for etablering av ei rulleskiløype som hadde passa til brukarar i den yngste aldersgruppa. Det er ikkje midlar att i prosjektet, og Ternen må skaffa ekstra finansiering, eller utføra i eigen regi dersom dei ynskjer å gjera utbetringar av traseen.

3. Ligg det føre eit resultatrekneskap for prosjektet?

Svar: Erslandsparken er spelemiddelfinansiert og då er det krav til innsending av godkjent rekneskap for å få utbetalt spelemidlar. Innsendt rekneskap viser kostnadar på ca 16.7 millionar kroner inkl mva. I ettertid er det kome nokre ekstra kostnadar for påkrevde støymålingar som gjer at total kostnad no er ca 16.8 million kroner inkl mva.

4. Mange har allereie tatt parken i bruk. Er alle byggetrinna i prosjektet ferdigstilla? Er det satt dato for ferdigstilling av parken? Om ikkje, når kan ein forvente at denne vert sett?

Svar: Alle byggjetrinn skal vera ferdige. Det siste uteståande punktet har vore gjennomføring av støymålingar som har blitt gjennomført no i vår for å vurdera om det er naudsynt med støytiltak. Når støyrapporten er på plass skal det ikkje vera uteståande vilkår for ferdigstilling, så kommunen reknar med ferdigattest kan vera på plass på ettersommaren.

5. Kva vurderingar er gjort for å ivareta tryggleiken til brukarar av parken?

Svar: Det er firmaet Deltacon på vegne av Ternen som har ansvarsrett for prosjektering av Erslandsparken. Entreprenør har bygd ihht underlaget frå Deltacon, og har montert gjerde der det er krav til dette.

6. Er det laga vedlikeholdsrutinar for parken?

Svar: Leverandør av kunstgrasbanen har eigne vedlikehaldsrutinar for banen.

Utanom dette er det signert separat avtale mellom Kvinnherad kommune og idrettslaget Ternen om drift av Erslandsparken. Spørsmål frå Per Svindland, FrP, vedrørande proposisjonen for Kvinnheradpakken

Kaldestadvegen FV5028 – SVAR V/ ORDFØRAR

Svar: Vedlegget har vore framlagt i sak for Kommunestyre og Fylkesting, i høve vedtak om finansiering og prioritering av tiltak i «Kvinnheradpakken».

Vedlegget det er synt vil bli sendt ut saman med protokollen frå dette møtet og den viser bl.a. på side 13 og 14:

4.1.5 Trafikktrygging og mindre vegutbetringar, generell punktutbetring Tiltaket gjeld hovudsakelig øvrige fylkesvegar i kommunen. Enkelte øvrige fylkesvegar er viktige då dei er knytt til ulike ferjestø eller fungerer som samlevegar 14 for større område med busetnad og næring. Likevel er det snakk om smale bygdevegar med dårleg kurvatur og mangel på trygt rekkverk og møteplassar. Fleire av vegane lir av forfall. Måla er å heve vegstandarden, stagnere forfallet og auke trafikktryggleiken. Dette skal gjerast via punkt- og strekningsvis utbetring. Tiltaka vert å byggje møteplassar, kantforsterking og utbetring av kurvatur, rekkverk og betre siktforholda med rydding av vegetasjon. Aktuelle strekningar er fv. 48 Erslandsmarka, fv. 62 Landa – Sydnes, fv. 44 Kaldestadvegen trinn 1, fv. 544 Sæbøvik sentrum, samt andre mindre tiltak.

Spørsmål i møtet svar i protokoll frå dette møtet:

Jostein Saghaug, MDG Utleige av kommunale bustader/utleigeverksemd – trekte spørsmålet, vil koma tilbake til det.

Stein Olav Ølvestveit, Kvinnherad Senterparti - SVAR V/KOMMUNEDIREKTØR Me ser at det ligg inne i busjettet 800.000 kroner til fritidskort frå august 2024. Korleis er ståa for dette prosjektet? Er planen klar for oppstart no i august?

Svar:

I Kvinnherad kommune er det vedteke ei ordning med behovsprøvd fritidskort. At ordninga er behovsprøvd betyr at det er barn/unge mellom 6 og 17 år, som bur i familiar i låginntektsfamiliar eller familiar med vedvarande låg inntekt, som har rett på fritidskort. Formålet er at alle barn og unge får lik moglegheit til delta i fritidsaktivitet saman med andre. Kvart barn/ungdom kan få dekka inntil kr. 2000, per halvår, til å dekke til dømes medlemskontingent. Det som står att i arbeidet, er å få på plass ei god ordning for korleis dette skal organiserast og praktisk løysast, med mål om nå dei som er i målgruppa. Dette skal me få på plass i løpet av august. INTERPELLASJONAR:

• Skeiv politikk frå Silje N Olsen SV

• Nullvisjon sjølvmord Kvinnherad kommune frå Hildegunn H Tofte SV For seint innkomne jamfør politisk reglement.