Arbeidstøy - prinsipp

1. Alle arbeidstakarar i Kvinnherad kommune skal ha arbeidsklede etter dei same prinsippa.

2. Kommunestyret ber Administrasjonsutvalet handsame reviderte retningsliner når dei ligg føre, seinast til deira møte i mai (sjå møteplan)

3. Kommunestyret får sak om retningsliner og kostnader til handsaminga av revidert budsjett for 2024.

Kommunestyret si behandling i møte den 15.02.2024:

Forslag til ny innstilling:

1. Alle arbeidstakarar i Kvinnherad kommune skal ha arbeidsklede etter dei same prinsippa.

2. Kommunestyret ber Administrasjonsutvalet handsame reviderte retningsliner når dei ligg føre, seinast til deira møte i mai (sjå møteplan)

3. Kommunestyret får sak om retningsliner og kostnader til handsaminga av revidert budsjett for 2024. Eg ber om at følgjande punkt vert oversendt det partssamansette utvalet som innspel til arbeidet deira:

a. Klede og sko skal være funksjonelle og eigna for arbeidsoppgåvene til den tilsette.

b. Det skal leggjast vekt på komfort og tryggleik.

c. Ved å leggja vekt på kvalitet vil ein sikre haldbarheit og langvarig bruk.

d. Kommunen sin logo eller identifikasjonssymbol bør være synlige på kleda for å fremja ein felles identitet og profesjonalitet.

e. Retningslinene tar høgde for variasjon i kleda og skoene si utforming for å ta omsyn til ulike arbeidsmiljø og årstider.

f. Det blir sett midlar i budsjett for innkjøp i budsjett kvart år for sikre at nye arbeidstakarar slepp vente på å få tildelt rett utstyr. RØYSTING: T. Vaage sitt framsette forslag vart vedteke med 32 mot Frp sine 3 røyster.(Lemicka, Svindland og Lakselv)