Vedtak - ny vurdering etter klage - reguleringsplan Fitjar sentrum 201901

Fitjar kommune tar klagen til Vestland fylkeskommune til fylgje, og fylgjande endringar vert gjort i plandokumenta:

1.Ny føresegn 9.2.1 vert som fylgjer:

For § 10_1, sjå punkt 8.4.1.

2.Ny føresegn 8.4.1 vert som fylgjer:

Før det vert sett i verk tiltak i medhald av planen i område BKB1, BBB1, BKB9, BKB10 og BKB11 skal det gjerast arkeologisk utgraving av det automatisk freda kulturminnet Askeladden-id 109139 som er markert som føresegnsområde #10_1 i plankartet.

Tiltakshavaren skal ta kontakt med Vestland fylkeskommune i god tid før tiltak skal gjennomførast, slik at omfanget av den arkeologiske granskinga kan fastsetjast.

Tiltak i BKB1 og BKB9-11 som ikkje råkar ved kulturminnet slik som t.d. innvendige ombyggingstiltak, fasadeendringar eller tiltak ut mot fylkesvegen kan gjennomførast utan arkeologisk utgraving. Fylkeskommunen skal ha slike byggjesaker til uttale før det kan gjevast igangsetjingsløyve.

3.Endra føresegn 9.2.7 vert som fylgjer:

Opparbeiding av kyststi SGG3-4 og gatetun o_SGT1 skal skje seinast parallelt med utbygging av bygg i området og vera ferdigstilt før det vert gjeve ferdigattest for bygg.

4.Endra føresegn 4.4.1 for o_SGT1 vert som fylgjer Gatetun/torg mot sjø som skal fungera som møteplass og utviding av kyststien. Området skal ha høge kvalitetar og varierande overflater. Overflater kan vera granitt, steindekke, steinbelegg og tre (boardwalk) og liknande. Overflater skal tola frost og sjøsprøyt godt. Det kan plasserast ut benker, tilplanta urner, kunst og skulpturar i området. Området skal ha belysning av høg kvalitet. Det kan setjast opp mellombels telt ved festivalar og andre arrangement innanfor føremålet. Deler av området kan nyttast til uteservering.

Dersom o_SGT1 vert opparbeidd før kulturminnet med id. 109139 vert grave ut, må tilkomst til o_SGT1 i anleggsfasen skje utanom kulturminnet.

Dersom o_SGT1 vert opparbeidd før kulturminnet med id. 109139 vert grave ut, skal prosjektert løysing og anleggsplan for o_SGT1 leggjast fram for Vestland fylkeskommune, slik at behov for oppmerking av kulturminne-id 109139 i terreng kan vurderast.

5.Avgrensinga av føresegnsområdet §10_1 vert redusert til ikkje å omfatta sikringssona rundt kulturminnet 109139.

Endringane er teke inn i vedlagte plandokument, og plankartet er oppdatert.

Fitjar kommune tek ikkje klagen frå Nina Lysen og Margun Madsen på vegner av Margit Madsen til fylgje. Grunngjevinga går fram av saksutgreiinga. Saka vert sendt til Statsforvaltaren for klagevurdering.

Tittelen i punkt 3.17 om BKB20 vert endra frå «kombinert byggje- og anleggsføremål bustad/naust/kontor/tenesteyting/idrettsanlegg» til kombinert byggje- og anleggsføremål bustad/naust/kontor/tenesteyting.

Tittelen i punkt 4.4.1 SGT1 vert endra til o_SGT1.

Saksprotokoll i Kommunestyret - 23.04.2026

Kommunedirektøren orienterte om saka.

Tilråding frå formannskapet vart samrøystes vedteke (15 røyster).