Vedtak - hovudplan for vatn 2025-2035

1. Hovudplan for vatn for perioden 2025-2035 vert vedteken som han ligg føre med fylgjande justering; Kostnader til nytt vassbehandlingsanlegg tas ut av planen under nybygg- tabell 5.2. side

14. Kontroll av vasskvalitet og fargetal flyttast til utgreiing.

2. I planperioden kan det vera aktørar som ynskjer å føreta investeringar i næringsareal, bustadfelt o.l. i kommunen. Dersom det manglar vassforsyning fram til aktuelle område, og det heller ikkje ligg inne slike tiltak i hovudplanen, skal det fremjast politisk sak for evt. å endra plan og investeringsbudsjett.

Saksprotokoll i Kommunestyret - 06.11.2025

Representanten Rune Helland (KRF) ba kommunestyret vurdera om han er ugild i saka, då han er medeigar Dåfjorden utvikling som har sendt innspel til Hovudplan for vatn. Representanten Bård Inge Sørfonn (KRF) ba kommunestyret vurdera om han er ugild i saka, då han er tilsett i VAR-avdelinga i Fitjar kommune. Representanten Harald Rydland (KRF) ba kommunestyret vurdera om han er ugild i saka, då han har sendt innspel til planen. Representanten Kristian Skumsnes (SP) ba kommunestyret vurdera om han er ugild i saka, då han er medeigar i Sandvik vassverk som har sendt innspel til planen. Kommunedirektøren orienterte om reglane i forvaltningslova om habilitet, og særlege tilhøve etter forvaltningslova § 6, 2. lekk. Dette er ein overordna plan, ingen av representantane har partskap i planen. Det vart røysta over gildskapen til alle 4 representantar samstundes. Alle vart samrøystes erklært gilde, og kom til møtet att.

Representanten Erlend Dalen (H) la føre følgjande framlegg til vedtak:

Hovudplan for vatn for perioden 2025-2035 vert vedteken som han ligg føre med fylgjande justering; Kostnader til nytt vassbehandlingsanlegg tas ut av planen under nybygg- tabell 5.2. side

14. Kontroll av vasskvalitet og fargetal flyttast til utgreiing.

Representanten Harald Rydland (KRF) la føre følgjande framlegg til vedtak:

Framlegg til nytt pkt. 2 i vedtaket:

I planperioden kan det vera aktørar som ynskjer å føreta større investeringar i næringsareal, bustadfelt o.l. i kommunen. Dersom det manglar vassforsyning fram til aktuelle område, og det heller ikkje ligg inne slike tiltak i hovudplanen, skal det fremjast politisk sak for evt. å endra plan og investeringsbudsjett.

Kommunestyret drøfta saka. Møtet vart heva for gruppemøte. Etter gruppemøtet la kommunestyret (minus SP) føre felles framlegg til vedtak:

1. Hovudplan for vatn for perioden 2025-2035 vert vedteken som han ligg føre med fylgjande justering; Kostnader til nytt vassbehandlingsanlegg tas ut av planen under nybygg- tabell 5.2. side

14. Kontroll av vasskvalitet og fargetal flyttast til utgreiing.

2. I planperioden kan det vera aktørar som ynskjer å føreta investeringar i næringsareal, bustadfelt o.l. i kommunen. Dersom det manglar vassforsyning fram til aktuelle område, og det heller ikkje ligg inne slike tiltak i hovudplanen, skal det fremjast politisk sak for evt. å endra plan og investeringsbudsjett.

Ved røysting vart framlegget frå kommunestyret sett opp mot tilrådinga frå formannskapet. Kommunestyret sitt framlegg vart samrøystes vedteke.