Delegeringsreglement Fitjar kommune

Utsetjingsforslaget blei einstemmig vedteke.

Saksprotokoll i Kommunestyret - 10.09.2025

Representant Jo Kjetil Strand (FRP) la fram fylgjande endringsforslag:

Nytt forslag tek utgangspunkt i innstilling frå kommunedirektøren med fylgjande endringar:

Reglement utval for plan og miljø:

• Kommunestyret delegerer saker etter jordlova (§ 12) til utval for plan og miljø.

• Dispensasjonar etter pbl. § 19-2, saker skal gå inn til utvalet før dei vert sendt til høyring til statsforvaltar og eventuelt andre ytre forvaltningsorgan.

• Saker knytt til bygningsestetikk med vidare. saker der det vert utøvd forvaltningsskjønn i høve til estetetiske val for utbygging skal leggast føre for utvalet.

• Oppfølgning av ulovlege tiltak - all oppfølgning av ulovlege tiltak, skal starta i

utvalet.

Representanten Wenche Tislevoll (H) la fram utsetjingsforslag, og ba om at saka blir sendt tilbake til utval for plan og miljø for handsaming før den igjen blir lagt fram for endeleg handsaming i kommunestyret. Representanten ba også om at strategi for oppfylging av ulovlege tiltak blei utarbeida og lagt fram for utval for plan og miljø i same møtet. Representanten Sigurd André Maraas (FRP) kom med forslag om å vedta delegeringsreglementet med unntak av reglement for plan og miljø. Representanten Jo Kjetil Strand (FRP) minna om at det var utsetjingsforslaget for heile saka ein no skulle handsama. Representant Sigurd André Maraas (FRP) trekte sitt forslag. Utsetjingsforslaget blei tatt opp til handsaming.