Vedtak - Val av konsept for Øvrebygda oppveksttun

Kommunestyret går vidare med konsept 4a, som inneber riving av gamleskulen og bygging av modulbygg.

I vidare arbeid med prosjektet skal det gjerast vurdering av ei stegvis gjennomføring av prosjektet. Det skal tilsvarande gjerast ei kvalitetssikring av prognosar for tal på barnehageplassar for å vurdera ei stegvis gjennomføring av sjølve barnehagebygget.

Kommunestyret ber kommunedirektøren gå vidare med prosjektering i samsvar med dette.

Saksprotokoll i Kommunestyret - 23.04.2025

Representanten Bård Inge Sørfonn (KRF) ba kommunestyret vurdera om han er ugild i saka, då systera har takka ja til stilling som rektor ved Øvrebygda skule. Kommunedirektør Steinar Dalland orienterte om habilitetsreglane i forvaltningslova § 6. Representanten Sørfonn (KRF) vart samrøystes erklært gild i saka, og kom til møtet att.

Representanten Gisle Levåg (H) spurde om arbeidet med rehablitering på Rimbareid skule, jf vedtak frå 10 mnd sidan. Kommunedirektør Steinar Dalland orienterte om at rehabilitering på alle skulane i Fitjar vert følgd opp i høve vedtak som er gjort.

Tilråding frå formannskapet vart samrøystes vedteke.