Ymse

Saksprotokoll i Kommunestyret - 14.11.2024

Representanten Kristian Skumsnes (SP) hadde følgjande spørsmål:

- landbrukskontoret, etterlyser orientering om bemanning

- det flyt boss på Sjoarreset, rundt vindusfabrikken, det må ryddast opp

- høg fart på vegen til fjells, 50 sone må fastsetjast

- lysstolpe i Sjøsbrekko som er påkjørt, plan for reparasjon?

Kommunedirektør Steinar Dalland svara på spørsmåla:

- Landbrukskontoret: Det vert arbeidd med sluttføring av avtale med Austevoll vedkomande kjøp av tenester. Under føresetnad av at denne avtalen vert inngått vil det vera ei bemanning på omlag 2,7 årsverk til landbruk i fortsetjinga i Fitjar kommune. P.t. er det lyst ut etter landbruksrådgjevar. Det er ønskjeleg å organisera etaten på ein måte som gjera at kompetansen kan nyttast så godt som mogeleg på tvers av fagområda. Det er lagt opp til at administrasjonsutvalet får ei nærare orientering om framtidig organisering i sitt møte 4. desember.

- Sjoarreset: Kommunen har kontakt med bostyret i høve opprydding av området.

- Høg fart på vegen til fjells: Problemstillinga vert teke opp som tema på politiråd i neste veke, det vert også sjekka opp i kva grad kommunen har gjort dei naudsynte forvaltningsvedtak knytt til fart på den aktuelle strekninga.

- Lysstolpen skal rettast opp med det første

Ordførar Wenche Tislevoll (H) gjorde kommunestyret merksam på reglane for å melda forfall til politiske møte. Ho ba om at ordførar også får melding om forfall, med grunngjeving, til formannskap og alle utvala.

Ordførar Wenche Tislevoll (H) orienterte om at Sparebanken Vest har gjeve gåve til ulike tiltak i Fitjar; Til Fitjar idrettslag for rehabilitering av kunstgrasbanen på kr. 2.500.000. Til Smedholmen kystlag på kr. 500.000 til innvendig renovering av hovudhuset på Smedholmen. Etterskrift; Til Venelaget for Longøyo og til Friluftsrådet Vest på kr. 500.000 for å gjera Longøyo til eit kjekt reisemål i Fitjarøyane.