Organisering av brann- og redningstenesta

Fitjar kommune vedtek å; -tilsetje varabrannsjef i 100 % stilling frå medio 2025. -auke beredskapsstyrken ved å tilsetje to brannkonstablar i 2026. -inngå avtale om kjøp av 3 av 4 veker overordna vakt frå nabokommune, med moglegheit for reduksjon til to veker når varabrannsjef er på plass.

Det vert føresett varige innsparingar og inntektsauke i samsvar med premissane i saka.

Det skal utarbeidast ein samla kompetanseplan for Fitjar brann og redning, føremålet er å synleggjera opplæringsbehov og kostnader til gjennomføring av opplæring. Planen vil gje ei meir føreseieleg kompetanseutvikling og gje betre grunnlag for årlege økonomiske løyvingar.

Kommunestyret ber kommunedirektøren ta kontakt med nabokommunane våre om eit mogleg langsiktig samarbeid om felles overordna vaktberedskap. Kommunedirektøren skal leggja fram ny sak om dette dersom det vert aktuelt med ein avtale om interkommunalt samarbeid om dette.

Før stillinga vert endeleg iverksett skal det opprettast skipingssak i administrasjonsutvalet.

Saksprotokoll i Kommunestyret - 14.11.2024

Framlegg til vedtak vart samrøystes vedteke.